download HolidaySmart 假期日常 app
《陀槍師姐2021》彩蛋合集!客串陣容超豪華 宣萱:我唔會再做人質㗎!

《陀槍師姐2021》彩蛋合集!客串陣容超豪華 宣萱:我唔會再做人質㗎!

生活熱話 電視電影 娛樂新聞
By Jennifer on 26 Jan 2021
Digital Editor

《陀槍師姐2021》由滕麗名、陳豪宣萱、羅子溢(羅仲謙)主演,第一集劇情輕鬆搞笑,有唔少彩蛋,仲有好多客串演員,陣容豪華,包括視帝馬國明、胡鴻鈞、c君、韋家雄、劉佩玥、安德尊、李錦聯等。劇中貓貓「湯圓」都好搶鏡!

《陀槍師姐2021》係陀槍師姐系列第五輯,今集仍然有「陳三元」滕麗名出演,第一集播出後發現有唔少演員客串!

一開始宣萱飾演嘅「戴安娜」就發夢,喺婚禮上佢兩個前男友都有出席,視帝馬國明飾演「前男友阿英」、胡鴻鈞則飾演「前男友阿俊」。

視帝馬國明飾演宣萱「前男友阿英」Photo from 《陀槍師姐2021》

胡鴻鈞飾演「前男友阿俊」Photo from 《陀槍師姐2021》

佢哋兩個仲要戴住一樣嘅粗黑框眼鏡,連西裝都一樣,造型搞笑。

兩個仲要戴住一樣嘅粗黑框眼鏡Photo from 《陀槍師姐2021》

連西裝都一樣Photo from 《陀槍師姐2021》

c君亦有客串飾演「戴安娜」未婚夫「瀟瀟」,造型依然係一副粗黑框眼鏡。不過原來3位前男友/未婚夫都係賤男嚟!

c君亦有客串飾演「戴安娜」未婚夫「瀟瀟」Photo from 《陀槍師姐2021》

之後宣萱起身去餐廳買早餐,排佢前面嘅食客係韋家雄飾演嘅「阿賢」,阿賢喺餐廳被輕視竟挾持他人,呢個時候宣萱就話:「我唔會再做人質㗎喇!」

宣萱去餐廳買早餐,排佢前面嘅食客係韋家雄飾演嘅「阿賢」Photo from 《陀槍師姐2021》

宣萱話:「我唔會再做人質㗎喇!」Photo from 《陀槍師姐2021》

之前有網民發現,宣萱自1994年《餐餐有宋家》開始,每次參演嘅劇集包括古裝、時裝、電影全部都試過做人質被綁架,多年嚟被脅持26次咁多!更有「御用人質」之稱。

宣萱自1994年《餐餐有宋家》開始,每次參演嘅劇集包括古裝、時裝、電影全部都試過做人質被綁架Photo from 《陀槍師姐2021》

返到警署,著軍裝嘅「阿穎」亦係劉佩玥客串飾演。

著軍裝嘅「阿穎」由劉佩玥客串飾演Photo from 《陀槍師姐2021》

清潔姐姐竟然係《愛回家之開心速遞》嘅群姐!伊莎貝拉著嘅套制服都同「接龍」嗰套一樣~

清潔姐姐竟然係《愛回家之開心速遞》嘅群姐Photo from 《陀槍師姐2021》

到開會嘅時候,驚見「大王」安德尊同李錦聯!兩人分別飾演王警司、李警司,為海南雞飯而爭辯,佢哋由《都市閒情》嘈到嚟《陀槍師姐》,安德尊仲有一句:「(海南雞飯)整你就專家,食我先係專家!」

開會嘅時候,驚見「大王」安德尊同李錦聯Photo from 《陀槍師姐2021》

兩人分別飾演王警司、李警司,為海南雞飯而爭辯Photo from 《陀槍師姐2021》

安德尊仲有一句:「(海南雞飯)整你就專家,食我先係專家!」Photo from 《陀槍師姐2021》

另外劇中宣萱嘅貓貓「湯圓」都非常搶鏡!同宣萱嘅互動超萌~

劇中宣萱嘅貓貓「湯圓」都非常搶鏡Photo from 《陀槍師姐2021》

湯圓其實叫「Patsy」,戲份唔少,宣萱更大爆咁大個女未見過有貓貓好似佢咁乖咁聽話,仲話好多對手戲都係「一take過」添!

湯圓其實叫「Patsy」,戲份唔少,宣萱更大爆咁大個女未見過有貓貓好似佢咁乖咁聽話Photo from TVB

宣萱話好多對手戲都係「一take過」!Photo from 《陀槍師姐2021》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel