台灣雲林斗六太平老街超夢幻燈海 全長 500 米彩繪燈籠打造浪漫醉人氣氛

台灣雲林斗六太平老街超夢幻燈海 全長 500 米彩繪燈籠打造浪漫醉人氣氛

ByCelia on 26 Jan 2021

新年將至,唔少亞洲地區最近都增添咗唔少充滿節日氣氛嘅裝飾,而最近喺台灣雲林縣嘅斗六市太平老街中打造一條全長 500 米嘅燈海,多達 3000 個五顏六色嘅彩繪紙燈籠掛上天,畫面真係好靚呀!難怪每年都吸引到唔少當地人專程去影相打卡喇!

位在雲林斗六嘅太平老街福德宮,除咗係當地嘅熱門朝聖地外,每年一到新年期間,依度就會掛上五顏六色的彩繪紙燈籠供遊客欣賞,打造出一面超美嘅燈海景象。

不管白天或夜晚,由多達 3000 個彩繪紙燈籠形成嘅燈籠巨龍,令人有忍唔住拎起手機影相嘅衝動。

其實太平老街依個燈展已經搞咗 4 年,從第一年嘅 500 個開始到今年多達 3000 個嘅燈籠,燈海綿延 100 米,全長一共 500 米,無論遠睇定近睇都咁浪漫!

白天時因為太陽光足夠,站喺燈籠海下隨住每個燈籠嘅顏色,映照出唯美嘅視覺光線,唔使特別調教角度就可以隨手影出靚相!

廣告
廣告

而一到咁夜晚,整條老街又會呈現另一個景緻,每個燈籠都會被點亮,喺夜空嘅襯托下,燈籠就會變成華麗嘅波波燈海!

除咗去依個咁靚嘅燈海打卡影靚相之外,當然唔少得喺老街行吓,食埋當地非常有名嘅「斗六老街碗粿」老街蛋飯喇~

今日雖然冇辦法去當地睇,但大家可以 bookmark 定先,下年嘅新年就可以去親身體驗吓喇!

雲林斗六太平老街「2021金牛賀歲 斗六閃閃發光」
地址︰雲林縣斗六市太平路123號
點燈時間︰晚上 6 點後
交通:搭乘台鐵至斗六火車站下車 -> 步行或轉搭計程車即可

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook