download HolidaySmart 假期日常 app
十大最靚仔日本男演員2021!三浦春馬/吉澤亮/山崎賢人/山下智久

十大最靚仔日本男演員2021!三浦春馬/吉澤亮/山崎賢人/山下智久

生活熱話 娛樂新聞
By Ivy on 26 Jan 2021
Digital Content Writer

不論男女,睇靚嘢都係人嘅天性,目光、視線總係會被靚仔靚女吸引住。日本投票網站就舉辦咗投票,邀請網民嚟揀出佢哋覺得最靚仔嘅日本男演員!唔知你心目中嗰個又有冇上榜呢?

唔同嘅人都有唔同嘅審美,有啲人可能會鍾意傳統嘅濃眉大眼,都有人會鍾情型格嘅單眼皮。不過,皮膚好、五官比例靚、有 Style 等等嘅因素可能係大家都公認嘅。

今次日本投票網站就整咗個「最靚仔日本男演員排行榜」,超過一名網民揀出佢哋心目中覺得最靚仔嘅男演員,唔知你認唔認同呢?

  1. 竹野內豐
    1971 年出世嘅竹野內豐今年已經 50 歲,但魅力分毫不減!佢高中嘅時候已經作為 Model 出道,並一直想成為演員。喺代表作《長假》入面留鬚,自此佢嘅鬍鬚就成為咗佢嘅象徵。其他代表作仲有《海灘男孩》、《冷靜與熱情之間》等等多部優秀作品。

雖然已經 50 歲,但魅力分毫不減!Photo from 竹野內豐 Official Website

  1. 松坂桃李
    32 歲嘅松坂桃李上年同女演員戶田惠梨香結咗婚,但人氣似乎冇因而消退。大學嘅時候,佢因為受到朋友嘅鼓勵,成為 Model 並出道。佢嘅影視出道作品係 2009 年播出嘅戰隊作品《侍戰隊真劍者》,代表作品有《娼年》、《孤狼之血》、《完美世界》等。

就算結婚都無減人氣!Photo from 松坂桃李 Official Twitter

  1. 平野紫耀
    1997 年出世嘅平野紫耀今年先 23 歲,年紀輕輕就已經受到網民對佢顏值嘅肯定!佢小二就已經開始學跳舞,2010 年時就喺「BOYS AND MEN」出過道,後來仲加入埋傑尼斯事務所,2018 年嘅時候喺「King & Prince」再次出道,作為偶像嘅佢可以話係擁有極高人氣!佢嘅影視作品有《花過天晴~花樣男子 Next Season~》、《未滿警察-Midnight Runner》等等。

十個入面最後生就係佢啦!Photo from Johnny's net

  1. 橫濱流星
    今年將會 25 歲嘅橫濱流星出身於神奈川縣,係演員、歌手同埋 Model。喺上年 7 月嘅時候,佢嘅公司曾經證實佢患上咗新冠肺炎,當時佢參演嘅舞台劇要取消全部公開演出,幸好佢好快就好番。參演作品有《狼少女與黑王子》、《初戀那一天所讀的故事》、《兄友》等等。

雖然之前不幸患上新冠肺炎,但依家已經好番哂啦Photo from 橫濱流星 Official Instagram

  1. 山下智久
    依家 35 歲嘅山下智久原來已經出咗道 25 年咁耐,喺日本國民中冇人唔識。雖然先前嘅未成年少女事件令佢同傑尼斯事務所提早解約,但都無阻大家肯定佢嘅顏值同對佢嘅喜愛。山下智久嘅出道作係喺電影《心靈「沖浪小子之死」》度出演小學生,代表作有膾炙人口嘅《求婚大作戰》、《朝5晚9》。

山下智久應該好多人都識!Photo from 山下智久 Official Instagram

廣告
廣告
  1. 佐藤健
    現年 31 歲嘅佐藤健係日本男演員,2006 年首次亮相就喺《變身公主》入面出演主角,翌年喺《幪面超人電王》入面以一人分飾五角嘅出色演技而打開知名度,後來主演真人版《神劍闖江湖》更係大獲成功,2015 年更加以《天皇的御廚》而拎埋最佳男主角,實力備受肯定。

演技受到大家肯定!Photo from 佐藤健 Official Site

  1. 山崎賢人
    相信唔少人都聽過山崎賢人個名,佢中三嘅時候喺路上被星探發挖,之後擔任 Model,從此踏上咗演藝之路。佢嘅出道作係 2010年嘅《熱海搜查官》,代表作有《死亡筆記》、《今際之國的闖關者》等等,亦都演出過唔少動漫改編真人嘅作品,演技有目共睹。

《今際之國的闖關者》最近爆紅呀!Photo from 山崎賢人 Official Instagram

  1. 新田真劍佑
    24 歲嘅新田真劍佑喺美國洛杉磯出世,係美籍日裔男演員,所以佢都分別喺日本同美國同兩間經紀公司簽咗約。佢 9 歲嘅時候就已經喺電視劇《超能野球紅不讓》出道,亦都曾經用過「真劍佑」作為佢嘅藝名。代表作有《花牌情緣》、《蜜桃女孩》、《青春後空翻》等等。

佢爸爸係千葉真一,頗有名氣㗎!Photo from 新田真劍佑 Official Instagram

  1. 吉澤亮
    吉澤亮嘅媽媽因為被經紀公司徵選會嘅獎金吸引,而幫吉澤亮報名,最後佢拎到 Right-on 獎,亦都成功簽入經紀公司。佢喺 2017 年出演《銀魂》嘅時候,因為展現咗好似原作一樣嘅還原度而打開咗知名度,後尾更加喺《River’s Edge》而得到新人獎,《直衝青天》嘅製作統籌甚至指名要佢主演,夠哂架勢!

指名要佢主演,會唔會太勁呀?Photo from 吉澤亮 Official Twitter

  1. 三浦春馬
    三浦春馬細個喺藝人學校度學習歌舞同表演嘅時候,就已經係備受關注嘅畢業生, 7 歲就已經喺晨間小說連續劇《亞久里》中出道。佢嘅代表作眾多,而且家傳戶曉,深受大家喜愛,例如《戀空》、《14 歲的媽媽》、《只想告訴你》、《極道鮮師》。可惜喺上年 7 月嘅時候,佢被經紀公司發現自殺身亡,但佢嘅身影從來冇喺粉絲心中消失,並且喺今次嘅投票中得到超過四千票,壓倒性勝出。

實至名歸。Photo from 三浦春馬 Official Instagram

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel