秋冬 6 款潤喉茶飲推介　簡單易沖！潤肺清熱舒緩喉嚨痛

秋冬天氣凍，好易有幾聲咳嗽，加上經常打邊爐，好易熱氣，喉嚨痛。想舒緩喉嚨痛同咳嗽，其實飲茶都係一個唔錯嘅選擇，今次推介 6 款潤喉茶飲，可以潤肺清熱，而且簡單易沖。

#羅漢果茶

羅漢果有潤肺化痰、提神生津等功效，可以改善咳嗽，舒緩喉嚨腫痛。

做法：
1. 將羅漢果掰開，取四分之一果肉。
2. 加入滾水浸泡約 5 分鐘左右即可。

Photo from Pinterest

#菊花茶

菊花茶絕對係清熱降火之選，菊花有清肝明目，解毒消炎嘅作用，可以潤喉之外，對感冒都非常有幫助。

做法：
1. 取適量菊花加入熱水浸泡 10 - 15 分鐘即可。

Photo from Pinterest

#薄荷茶

薄荷茶可以舒緩喉嚨腫痛，仲可以減輕頭痛，對感冒都好有幫助。

做法：
1. 將薄荷葉洗淨後加入熱水浸泡約 15 - 20 分鐘，之後可按喜好加入冰糖或蜂蜜即可。

Photo from Pinterest

#金銀花茶

金銀花有清熱解毒嘅功效，可以舒緩口乾舌燥、喉嚨痛及感冒等症狀。

做法：
1. 取適量金銀花加入熱水浸泡約 10 - 15 分鐘即可。

Photo from Pinterest

#紫羅蘭花茶

紫羅蘭花茶有滋潤喉嚨嘅作用，仲可以舒緩由感冒引起嘅咳嗽、喉嚨痛等症狀。

做法：
1. 取適量紫羅蘭加入熱水浸泡約 10 - 15 分鐘即可。

Photo from Pinterest

#桑菊杏仁茶

桑葉有清肺潤燥、平肝明目等功效，菊花清熱降火，杏仁有助化痰止咳。桑菊杏仁茶對咽痛喉癢、咳嗽聲沙等症狀非常有效，仲可以滋陰降火。

做法：
1. 取適量桑葉、菊花及杏仁，將杏仁搗碎後加入桑葉、菊花及冰糖，再加入熱水浸泡 15 - 20 分鐘即可。

Photo from 扶原中醫診所@YouTube

呢幾款茶飲都非常簡單易沖，仲可以帶返公司飲，非常方便！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）