download HolidaySmart 假期日常 app
內地選秀節目《青春有你 3》練習生照登韓網 網民毒舌:邊度睇到係青春?

內地選秀節目《青春有你 3》練習生照登韓網 網民毒舌:邊度睇到係青春?

娛樂新聞
By Ella on 28 Jan 2021
Digital Content Writer

內地選秀節目《青春有你 3》即將開播,官方微博亦公開咗訓練生們嘅造型照,不過其中幾位練習生嘅照片卻登上韓網,更遭網民毒舌。

內地選秀節目《青春有你》播出之後喺當地反應熱烈,目前即將開播第三季,而導師就由李榮浩、韓國人氣女團 Blackpink 成員 Lisa 及潘瑋柏擔任,強大嘅導師陣容令唔少網民非常期待。

內地選秀節目《青春有你》播出之後喺當地反應熱烈,目前即將開播第三季。Photo from 愛奇藝青春有你@微博

導師就由李榮浩、韓國人氣女團 Blackpink 成員 Lisa 及潘瑋柏擔任。Photo from 愛奇藝青春有你@微博

Photo from 愛奇藝青春有你@微博

而早前節目嘅官方微博都公開咗眾多練習生嘅造型照,當中不乏花美男,更有唔少訓練生同明星撞樣,好似杜天宇就有啲似內地男團 TFBoys 成員王源,何德瑞就有少少內地演員曾舜晞嘅影子。

杜天宇就有啲似內地男團 TFBoys 成員王源。Photo from 愛奇藝青春有你@微博

何德瑞就有少少內地演員曾舜晞嘅影子。Photo from 愛奇藝青春有你@微博

不過最近有幾位練習生就登上韓網,更被韓國網民毒舌,唔少網民睇完呢幾位練習生嘅造型照之後,留言話「打算叫我爸爸參賽」。

不過最近有幾位練習生就登上韓網,更被韓國網民毒舌。Photo from 愛奇藝青春有你@微博

呢幾位練習生身形比較穩重,的確同其他練習生有啲唔同。Photo from 愛奇藝青春有你@微博

呢幾位練習生身形比較穩重,的確同其他練習生有啲唔同,有網民留言話「如果我爸爸參賽嘅話一定拎第一」、「邊度睇到係青春」、「應該係中年偶像選拔」、「好好奇中國對於青春嘅標準係咩」、「最近爸爸們都去做偶像?」亦有網民搞笑話「係咪娛樂公司社長」、「終於明白點解佢哋鍾意韓國偶像」。

唔少網民睇完呢幾位練習生嘅造型照之後,留言話「打算叫我爸爸參賽」。Photo from 愛奇藝青春有你@微博

Photo from 愛奇藝青春有你@微博

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel