download HolidaySmart 假期日常 app
日本著名免費素材網 2 月起將減產 「插圖屋」作者宣布未來將不定期更新

日本著名免費素材網 2 月起將減產 「插圖屋」作者宣布未來將不定期更新

生活熱話
By Celia on 28 Jan 2021
Digital Editor

唔少人喺整相時都會鍾意加上可愛或者生活化嘅素材,而大家見得最多嘅素材相信一定係日本依個素材網「插圖屋」いらすとや嘅出品,事關網站中嘅插圖係完全免費嘅,而且題材生活化,喺香港街頭都會好容易搵到佢哋嘅蹤影。不過喺嚟緊嘅 1 月 31 日起,「插圖屋」嘅作者將會暫定每日更新,並喺休息後改為不定期更新。

日本插圖素材網「插圖屋」いらすとや自 2012 年 1 月 31 日開始每日都會更新,至目前為止網站上已經有超過 25,000 幅插圖。

插圖一共分為 14 個大主題Photo from irasutoya

其插圖一共分為 14 個大主題,當中包括人物、食物、季節活動以及職場等常見主題。全部插圖都畫得精美搞笑,唔少仲好生活化,啱晒喺唔同嘅場合使用,而喺香港亦有唔少橫額都會用上「插圖屋」嘅素材。

只可惜,日前「插圖屋」嘅作者みふね就喺網站中發文表示依 9 年嚟因需要而每日更新畫作,佢幾乎冇休息時間,令佢喺精神上同身體上都開始無法承受。因此決定將於 1 月 31 日起暫停更新網站,喺 2 月好好休息後,將會再不定期更新網站。他希望可以喺唔勉強自己嘅範圍內盡力而為。

「插圖屋」嘅作者みふね就喺網站中發文表示依 9 年嚟因需要而每日更新畫作,佢幾乎冇休息時間,令佢喺精神上同身體上都開始無法承受。Photo from irasutoya

此外作者亦表示歡迎大家繼續使用素材,並指如疫情令社會需要用上插圖,佢會作出對應。

如疫情令社會需要用上插圖,作者會作出對應。Photo from irasutoya

消息一出唔少網民除感謝作者 9 年嘅無私嘅付出外,同時希望佢可以好好休息。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel