download HolidaySmart 假期日常 app
情人節 8 套必睇經典愛情電影推介 婚禮的那一天/真愛每一天

情人節 8 套必睇經典愛情電影推介 婚禮的那一天/真愛每一天

電視電影
By Ella on 13 Feb 2024
Digital Content Writer

又到情人節,想二人世界嘅可以留喺屋企煲劇,今次推介 8 套情人節必睇嘅經典愛情電影,等大家可以同另一半慢慢睇~

#《婚禮的那一天》
《婚禮的那一天》(《너의 결혼식》)由朴寶英、金英光主演。故事講述「韓勝熙」(朴寶英 飾)係一個出眾又挑剔嘅女仔,「黃宇延」(金英光 飾)十年來一直痴痴地愛住「勝熙」。兩人相識於高中時期,之後到大學,再出埋社會,經歷咗各種陰差陽錯,相愛過,但依然錯過。

#《怎麼就,結婚了》
《怎麼就,結婚了》(《어쩌다,결혼》)由韓國兩大男神李政宰、鄭雨盛聯手監製,金東旭、高聖熙主演。講述「渣男」「鄭成碩」(金東旭 飾)與「不婚族」「朴海珠」(高聖熙 飾)之間契約結婚嘅故事,劇情爆笑亦引人反思。

#《狼少年》
《狼少年》(《늑대소년》)由宋仲基、朴寶英主演。講述「金純伊」(朴寶英 飾)某日喺屋外倉庫發現「狼少年」並收留佢,為佢改名「哲秀」(宋仲基 飾),「純伊」慢慢教導「哲秀」點樣好似人類咁樣生活,兩人日久生情,可惜卻有一個惡夢等緊佢哋⋯⋯

Photo from 《狼少年》

#《熱血青春》
《熱血青春》(《피끓는 청춘》)由李鍾碩、朴寶英主演,以八十年代嘅韓國為背景。故事講述「朴英淑」(朴寶英 飾)係出名嘅「大姐大」,鍾情於青梅竹馬嘅「花心蘿蔔」「姜仲吉」(李鍾碩 飾)。學校當時嚟咗一個轉校生「崔素熙」(李世英 飾),「姜仲吉」決定出動追女仔,「朴英淑」看在眼裡非常受傷,後來佢發現「崔素熙」不可告人嘅秘密,但反而被誤會。

#《真愛每一天》
《真愛每一天》(《About Time》)由多姆納爾·格里森、瑞秋·麥亞當斯主演。故事講述「提姆·雷克」(多姆納爾·格里森 飾)得知自己擁有回到過去嘅能力,於是佢為咗擁有美好嘅將來而嘗試改變自己嘅過去。

#《親愛的,原來是你》
《親愛的,原來是你》(《Love, Rosie》)由莉莉·柯林斯、山姆·克拉弗林主演。講述「露絲」(莉莉·柯林斯 飾)及「亞歷克斯」(山姆·克拉弗林 飾)係青梅竹馬嘅好朋友,明明鍾意彼此卻一直冇表達心意,兩人經過重重難關、挫折,最終回到彼此身邊。

#《我的超豪男友》
《我的超豪男友》(《Crazy Rich Asians》)由吳恬敏、亨利·高汀及楊紫瓊主演。故事講述「朱瑞秋」(吳恬敏 飾)與男友「尼克」(亨利·高汀 飾)返新加坡,意外發現原來男友家族係新加坡出名嘅富豪,但「尼克」媽媽「艾蓮娜」(楊紫瓊 飾)認為「瑞秋」配唔上兒子,兩人波折重重,最後大團圓結局。

#《死鬼女友搵上門》
《死鬼女友搵上門》(《Ghosts of Girlfriends Past 》)由馬修·麥康納、珍妮佛·嘉娜主演。講述「康納·米德」(馬修·麥康納 飾)係一個花花公子,係弟弟嘅婚禮上遇上死去叔叔嘅鬼魂,並由三個女鬼帶佢回憶過去,引導「康納」洗心革面。

《死鬼女友搵上門》Photo from Netflix

有咁多好戲,今個情人節就可以同另一半慢慢睇~

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel