download HolidaySmart 假期日常 app
盤點圈中四個激似章子怡嘅女藝人!越南代表極相似!連香港都有代表?

盤點圈中四個激似章子怡嘅女藝人!越南代表極相似!連香港都有代表?

生活熱話 娛樂新聞
By Ivy on 01 Feb 2021
Digital Content Writer

女神」章子怡靚女就人人皆知,唔少人都好羨慕佢嘅美貌,覺得如果可以好似佢咁靚就好啦。不過,原來依個世界上真係有人會同「女神」撞樣!今次小編就想同大家分享四個同章子怡撞樣嘅演藝人,一齊嚟睇下有邊幾個啦!

疫情期間,章子怡同大家都一樣要留喺屋企!Photo from 章子怡 Official Instagram

章子怡出道多年嚟獲獎無數,經常性受到唔少人對佢外表同實力嘅肯定以及讚賞。2 月 9 號就會正式踏入 42 歲嘅佢,前排就喺熱播嘅《上陽賦》中飾演一個只係得 15 歲嘅角色!依件事引起咗網民嘅熱烈討論,同時亦都搵出咗唔少演藝人原來係同章子怡好似樣㗎!

1. 童瑤
相信一提到同章子怡撞樣嘅人,大家都一定會諗到童瑤!佢嘅輪廊同五官都係屬於簡單清秀嘅類型,加埋纖瘦嘅身材,好多人都稱佢做「小章子怡」!佢喺大學畢業之後一直默默努力,由《如懿傳》中嘅「高晞月」,到《大江大河》入面嘅「宋運萍」,仲有熱度極高嘅《二十不惑》、《三十而已》嘅「顧佳」,漸漸闖出咗屬於自己嘅一遍天。

童瑤喺《三十而已》入面飾演嘅「顧佳」受到好多人歡迎!Photo from 童瑤 Official Weibo

「顧佳」擁有大量粉絲Photo from 三十而已 Official Weibo

2. Minh Ha
依排網民就發現,除咗上面幾位女藝人,原來有位越南女 Model 都好似章子怡㗎喎!佢叫做 Minh Ha,係一位 Freelance 嘅女模特兒。唔少網民都指出佢嘅輪廓雖然簡單,但非常分明。同時五官端正且清秀,身上更加有種冷傲嘅氣場,令唔少人都覺得佢同年輕時嘅章子怡喺外表同氣質上都極度相近呀!

依個係章子怡定 Minh Ha?Photo from Minh Ha Official Instagram

可能因為仲年輕,身上嘅青春氣息濃厚Photo from Minh Ha Official Instagram

3. 江嘉敏
係咪估唔到香港都有代表呢?佢就係江嘉敏啦。模特兒出身嘅佢 19 歲時幫歌手洪卓立拍攝咗《相識以後》嘅 MV,憑住喺入面嘅表現而被網民封為「小章子怡」,自此之後佢就更加多喺影視上面發展。喺《萬千星輝頒獎典禮 2020》入面雖然有兩個提名,但就因為佢嘅服裝而引起網民熱議,認真是非多多。

台慶服裝一事令佢近期是非多多Photo from 江嘉敏 Official Instagram

大家又覺得似唔似呢?Photo from 洪卓立 Ken Hung《相識以後》[Official MV]

4. 周韻
除咗童瑤,都有人覺得內地女演員周韻同章子怡嘅相貌有相近之處。網民指出佢哋嘅五官分開嚟睇唔算特別出彩,但當擺埋同一張臉上面嘅時候,就會富有自己嘅氣質同特色,而佢哋兩個人身上嘅氛圍都係屬於比較端正穩重嘅類型,望落去亦都好耐看,所以都有唔少網民覺得佢哋好似樣㗎!

佢同電影人姜文結婚後,兩公婆成日拍住上!Photo from 姜文電影官微

相比起五官,佢同章子怡可能係身上嘅氣質相似啲Photo from 上海電視台官方頻道

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel