download HolidaySmart 假期日常 app
《乘風破浪的姐姐2》張柏芝曬超僵硬舞技!全程甩beat+沙聲 被網民笑「似壞咗嘅機械人」

《乘風破浪的姐姐2》張柏芝曬超僵硬舞技!全程甩beat+沙聲 被網民笑「似壞咗嘅機械人」

生活熱話 娛樂新聞
By Jennifer on 01 Feb 2021
Digital Editor

大陸選秀節目《乘風破浪的姐姐2》有張柏芝容祖兒出演,日前張柏芝罕有喺節目中唱跳,不過表現未如理想,唔止甩晒beat,更唔夠氣唱歌,舞姿極僵硬,加上表演時不停咁笑,被指唔專業。

選秀節目《乘風破浪的姐姐2》請咗唔少30歲以上女藝人出演,其中為港人熟悉嘅出演者有容祖兒同張柏芝兩位。Photo from 《乘風破浪的姐姐2》

選秀節目《乘風破浪的姐姐2》請咗唔少30歲以上女藝人出演,其中為港人熟悉嘅出演者有容祖兒同張柏芝兩位。

張柏芝今年41歲,已育有3子,佢之前主要都係拍戲比較多,不過都有出過唱片,但柏芝嘅歌都係以抒情曲為主。

張柏芝今年41歲,已育有3子,佢之前主要都係拍戲比較多,不過都有出過唱片,但柏芝嘅歌都係以抒情曲為主。Photo from 《乘風破浪的姐姐2》

日前節目播出第二期,張柏芝罕有表演唱跳,大晒舞技,其實喺《理所當然》舞蹈課上佢已學得好吃力,手指點都做唔啱,明明係蘭花手,但做出「雞爪」嘅感覺。

節目播出第二期,張柏芝罕有表演唱跳,大晒舞技Photo from 《乘風破浪的姐姐2》

《理所當然》舞蹈課上柏芝已學得好吃力Photo from 《乘風破浪的姐姐2》

手指點都做唔啱,明明係蘭花手,但做出「雞爪」嘅感覺。Photo from 《乘風破浪的姐姐2》

張柏芝喺學舞時多次強調唔中意跳性感舞,覺得「好唔張柏芝」,又一直忍唔到笑,不過佢都有指會努力學好舞蹈。

張柏芝喺學舞時多次強調唔中意跳性感舞,覺得「好唔張柏芝」,又一直忍唔到笑Photo from 《乘風破浪的姐姐2》

到「唱跳考核」環節,張柏芝一身螢光黃鴨嘴帽加外套非常搶眼,又自言無壓力,似乎信心滿滿。

到「唱跳考核」環節,張柏芝一身螢光黃鴨嘴帽加外套非常搶眼Photo from 《乘風破浪的姐姐2》

點知一播歌佢已慢咗一拍,之後全程甩beat,手腳超慌亂,舞步僵硬,更跳到上氣唔接下氣,沙啞嗓音唱歌好似唸經咁,幾乎係將歌詞讀出嚟。

一播歌張柏芝已慢咗一拍,之後全程甩beat,手腳超慌亂Photo from 《乘風破浪的姐姐2》

不但舞步僵硬,更跳到上氣唔接下氣,沙啞嗓音唱歌好似唸經咁Photo from 《乘風破浪的姐姐2》

張柏芝邊唱邊笑,評判都睇到勁尷尬,跳完之後柏芝更大嗌:「根本不可能唱著跳啊!」

跳完之後柏芝更大嗌:「根本不可能唱著跳啊!」Photo from 《乘風破浪的姐姐2》

對於張柏芝喺學舞、表演過程中不停大笑,有網民認為係唔專業嘅表現:「划划水就能掙錢,還一堆人誇可愛,什麼玩意兒」

對於張柏芝喺學舞、表演過程中不停大笑,有網民認為係唔專業嘅表現Photo from 微博

不過亦有好多網民被張柏芝「盛世美顏」吸引,大讚佢可愛搞笑,認為佢可以「靠臉c位出道」。

有好多網民被張柏芝「盛世美顏」吸引,大讚佢可愛又搞笑Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel