前5星酒店大廚主理 LA Restaurant & Dessert Bar 殺入旺角　必食高質慢煮豬手/牛舌/西班牙海鮮飯

喺旺角有一間由前5星酒店大廚主理嘅西餐廳 LA Restaurant & Dessert Bar，店中提供多款西式菜，除咗有各式豬、牛、羊扒外，仲有大大隻嘅高質慢煮豬手同西班牙海鮮飯等菜式！而最近佢哋仲推出咗多個午市、晚市套餐以及甜品畀大家選擇。

午市：

鐵板慢煮黑椒豬手
豬手加入八角 ，白胡椒等十多種香料經8小時用低溫慢煮而成，再配以香濃黑椒汁為點綴，口感香嫩濃郁。

香煎紐西蘭西冷牛扒
西冷肉質有彈性，油花分均勻而且牛味較重。佢哋選用公牛西冷，是紐西蘭頂級西冷。

香煎慢煮牛舌
牛舌一定要先經12小時低溫慢煮，再切成一塊塊，將牛舌兩面煎到香脆，做到外脆內軟，令口感層次更加豐富。

以上午市套餐可選配 飯/意粉/薯菜，並包括餐湯及熱飲。

晚市：

鐵板西班牙海鮮飯
佢哋採用西班牙米，並加上西班牙臘腸一齊烹調。米飯軟硬適中，比意大利米更能吸收當中的香味，令味道更昇華。

香烤波士頓龍蝦意粉
龍蝦汁採用龍蝦頭，加入多種蔬菜和香料熬煮而成。再加上巴馬臣芝士，每條意粉都沾滿龍蝦汁，口感更令人回味。

小食：

鐵板熱熔芝士炸雞
炸雞選用了雞脾肉，肉質鮮嫩，做到外脆內軟。再配上三重即溶芝士，香濃「芝」味，簡直係邪惡啊！

願望酥盒
三款酥盒，分別有蟹肉香芒、黑魚子煙三文魚、松露海鮮。一次滿足你3種願望口味，簡直滿載而歸啊！

甜品：

黑糖伯爵茶奶凍
我們選用了Twining的伯爵茶，融入淡淡佛手柑香味。配自家製Honeycomb及雲尼拿雪糕，多種層次口感突顯而出。

款款都好似好好味咁，仲唔快啲去試晒佢！

LA Restaurant & Dessert Bar
地址：旺角通菜街25號
電話：26380198

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）