日本情人節「義理朱古力」新選擇！空氣朱古力、朱古力頸巾？！

情人節唔少人都會送朱古力，日本情人節女仔就要送「義理朱古力」畀男同事，感謝對方嘅照顧，不過呢個傳統就受到唔少質疑，而日本有樂製菓所發售嘅雷神朱古力就因此推出咗一系列情人節創意產品～

「義理朱古力」專指女性送朱古力畀職場上嘅男同事，以感謝對方對自己嘅照顧，收到「義理巧克力」嘅男性亦必須回禮，呢個傳統由 80 年代開始流傳到依家，逐漸令到唔少人感到壓力，甚至社會上亦出現一啲反對嘅聲音，更有一啲公司明文規定唔准送「義理朱古力」。

而日本有樂製菓所發售嘅雷神朱古力就因此推出咗一系列情人節創意產品，其中有啲產品仲已經售罊！

首先，最令人費解嘅就係價值1円嘅「空氣朱古力」，限量發售100個，目前已經售罊！一打開包裝冇朱古力，只有空氣⋯⋯

Photo from ブラックサンダー バレンタインショップ

Photo from ブラックサンダー バレンタインショップ

限量發售10個嘅「特大蝴蝶結」，姐係當自己係禮物送出去？小編表示不解⋯⋯

Photo from ブラックサンダー バレンタインショップ

嫌送少少朱古力唔夠體面嘅，咁一次過送500個朱古力就一定唔會輸～超大盒嘅盒裝朱古力限定發售5個咋！目前已經售罊～

Photo from ブラックサンダー バレンタインショップ

天氣咁凍，頸巾係必需品，「朱古力頸巾」又啱唔啱呢？限量發售2個，同樣已經售罊～

Photo from ブラックサンダー バレンタインショップ

除咗朱古力產品，仲有發售一啲同朱古力好似冇咩關係嘅創意產品，包括頭戴式放大鏡、鞋櫃及魚乾。

Photo from ブラックサンダー バレンタインショップ

Photo from ブラックサンダー バレンタインショップ

Photo from ブラックサンダー バレンタインショップ

情人節冇情人？唔緊要，公仔都有得賣⋯⋯已經售罊～

Photo from ブラックサンダー バレンタインショップ

Photo from ブラックサンダー バレンタインショップ

不得不說呢一系列情人節創意產品的確非常有趣，大家有冇興趣呢？

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）