女神石原里美確診！盤點 5 位日本近月確診藝人仲有THE RAMPAGE成員

疫情持續咗 1年幾，但仲未有好轉嘅情況。而今日日本媒體《女性Seven》指石原里美（又譯石原聰美）喺 1 月中接受例行檢測時確診，屬冇任何感染症狀情況，目前正接受隔離。不過事務所就疑似隱瞞此事，一直未公開石原里美確診消息。

據知，石原里美喺 1 月中時為新劇開工，而電視台為咗安全起見，要求台前幕後所有人喺開鏡前進行檢驗，當中石原里美嘅結果就呈陽性，但佢並冇任何感染症狀。

現時佢已經暫時有關嘅拍攝工作。至於點解未有公開嘅原因，有人就推測指可能係因為覺得檢驗結果係「假陽性」又或者係電視台隱瞞，唔想劇集嘅演員陣容提早曝光。

而除咗石原里美之外，早前日本藝能界亦有多名著名藝人確診。

風間俊介
37歲日本傑尼斯男星風間俊介 12 月時喺官方網站發聲明，證實自己確診並指先前發燒至 37.1 度，曾出現失聲症狀，喺進行篩檢後，確認檢驗結果為陽性。

廣瀨鈴
22歲嘅廣瀨鈴喺參與拍攝進行集體篩檢時，得知確診，其同屬冇症狀確診者。

THE RAMPAGE from EXILE TRIBE成員-岩谷翔吾、武知海青、鈴木昂秀
隸屬於 LDH 事務所嘅日本 16 人男團 THE RAMPAGE from EXILE TRIBE 成員岩谷翔吾、武知海青、鈴木昂秀於 1 月初時宣布確診，3人並無症狀。

希望佢哋快啲好番喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）