download HolidaySmart 假期日常 app
陳豪疫市搬新屋!露台擁無敵海景+日落 陳茵媺親自設計裝修

陳豪疫市搬新屋!露台擁無敵海景+日落 陳茵媺親自設計裝修

生活熱話 娛樂新聞
By Jennifer on 05 Feb 2021
Digital Editor

陳豪陳茵媺婚後育有3名仔女,雖然陳豪已多年無喺《萬千星輝頒獎典禮》攞獎,但有指佢疫市都賺唔少,一家五口搬大屋,陳茵媺更一手一腳「裝修」新屋。

陳豪陳茵媺婚後育有3名仔女,一家五口幸福快樂Photo from 陳茵媺IG

早前喺《萬千星輝頒獎典禮2020》,全場唯獨陳豪一人戴醫療口罩,佢指為家人健康著想,網友讚佢防疫意識高之餘又顧家。

喺《萬千星輝頒獎典禮2020》,全場唯獨陳豪一人戴醫療口罩Photo from TVB

陳豪貴為視帝,但自2007年奪「我最喜愛的電視男角色」同「最佳男主角」後,已多年未曾攞獎,僅喺2010年攞過「最佳專業表現大獎」。佢太太陳茵媺結婚之後亦專注家庭,甚少喺幕前出現。

陳茵媺結婚之後專注家庭,甚少喺幕前出現。Photo from 陳茵媺IG

陳豪一人養五口之家,除咗拍劇外,仲有創業,自設咖啡烘焙工場,上年更開埋實體咖啡店。

疫市中陳豪密密吸金賺錢,兩夫妻加3個仔女齊齊搬新屋!新屋個景靚到爆!有無敵大海景,更可遠眺日落,陳豪喺露台BBQ,為妻兒炮制美食,好溫馨!

新屋個景靚到爆!有無敵大海景,更可遠眺日落,陳豪喺露台BBQ,為妻兒炮制美食Photo from 陳茵媺IG

陳茵媺亦有參與新屋裝修,砌組合櫃等傢俬,又用水平尺仔細量度,掛上結婚相同家庭照。

陳茵媺亦有參與新屋裝修Photo from 陳茵媺IG

用水平尺仔細量度Photo from 陳茵媺IG

陳豪陳茵媺結婚相Photo from 陳茵媺IG

陳茵媺為新屋掛上家庭照Photo from 陳茵媺IG

陳茵媺提到細個因為爸爸係工程師,所以都培養咗對設計嘅興趣,今次佢更將興趣實踐喺自己嘅新居。

陳茵媺提到細個因為爸爸係工程師,所以都培養咗對設計嘅興趣Photo from 陳茵媺IG

其實佢哋以前屋企空間都唔細,可以喺家中紮營。

陳豪陳茵媺以前屋企空間都唔細,可以喺家中紮營Photo from 陳茵媺IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel