曾重逾700磅！「中國第一胖」王浩楠減肥成功覓得美好愛情　網友：真係成個唔同晒！

成日都聽到有人話「肥仔係潛力股！」，睇一班男神不時晒自己嘅肥仔童年，再睇吓佢哋依家就知又真係冇錯喎。但如果男神嘅級數太離地，說服力唔夠大，咁以下依位曾體重逾 700 磅嘅「中國第一胖」王浩楠嘅故事，大家又點睇呢？！

依位曾被稱為「中國第一胖」嘅王浩楠係山東人嚟，早前佢就將自己嘅減肥經過製作成影片喺抖音大家分享。高峰時王浩楠嘅體重高達680斤（約 750 磅）。

直到 2018 年時，佢因為過重導致身體愈來愈差，甚至全身器官衰竭，最嚴重時要喺呢 ICU 留醫，最後佢為咗保住性命決定接受切胃手術。

而喺手術後，他更決心減肥，並從簡單嘅力量訓練開始，過程十分艱辛，令他無數次想放棄，而每當佢想放棄時，佢就會諗起家人以及別人異樣嘅眼光，令佢再一次努力落去。

期間除咗控制飲食，更瘋狂做運動，片中王浩楠喺 GYM 房流咗無數嘅汗水，身上嘅 T 恤堅係擰出汗水㗎！

最後經過半年嘅時間嘅，成功減到約 210 斤（約 231 磅），更長高 2cm 兼收穫美好愛情。

不過王浩楠因為以前嚴重癡肥，引致減磅之後皮膚嘅鬆弛非常嚴重，需要再慢慢做運動收緊皮膚。依個又係另一條漫長嘅路嚟呀！

睇完唔知大家又有冇再一次相信「肥仔係潛力股！」依句說話呢？

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）