爆前港姐月薪 3 萬求包養！鄧兆尊每年使逾 150 萬養 3 個老婆：除咗依樣之外做咩都得！

有「現代韋小寶」之稱嘅鄧兆尊早前喺同電玩達人林慧韡（達哥）主持嘅網台節目《今晚有牌打》就被法科師傅七仙羽問到佢同 3 位女友嘅感情生活，期中更講到鄧兆尊一年會使處 150 萬嘅家用嚟養佢哋，並提及佢哋之間有咩協議添！

早前喺 AMM Facebook 直播嘅網台節目《今晚有牌打》就播出咗鼠年最後一集，依集鄧兆尊同達哥就請嚟 古明華、法科師傅七仙羽以及林文龍擔任嘉賓，期間鄧兆尊同嘉賓們邊打牌邊爆料，仲大談同 3 位女友嘅感情生活。

節目中，師傅七仙羽就問到鄧兆尊同 3 位女友 Carmen、Cherry 及陳小姐係點相處，更好直接咁問：「你每個月畀幾多錢你 3 個老婆？」搞到鄧兆尊都即時窒一窒笑言：「咁辣㗎！我唔係逐月畀！我逐年畀㗎喎，我哋長期合約嚟。一年每一房50、60萬到啦。」

之後師傅再追問：「畀完有啲咩要做㗎？」而面對師傅嘅追問，鄧兆尊亦只好坦白表示：「冇咩要做㗎，喺我屋企得㗎喇！做啲基本嘢，煮吓飯，除咗嗌交之外咩都可以做。」

當師傅即場計數直指一年畀 150 萬家用對兆尊嚟講唔係好多錢之時，兆尊即澄清自己嘅 cash 唔多，佢只係磚頭（意即房產）多。

之後師傅又大爆自己要一位前港姐搭路，其眼大大，上圍豐滿，重點係兆尊都識對方，而對方問價可否以月薪 3 萬讓兆尊包養做「老婆」。不過兆尊就直言對港姐依類型冇興趣呀。

即時足本重溫：

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

劉德華首度開live大談私生活 自爆當年同朱麗倩不擺酒原因

09 Feb 2021

唔少人都知天王劉德華（華仔）向來唔玩社交媒體，對自己嘅私生活一向低調，粉絲們如果要知就偶像嘅最新資訊一般就只可以直接上華仔嘅官網睇。但最近佢唔止罕有咁開咗抖音帳號，不時上傳影片，近日佢仲為宣傳新片《人潮洶湧》，更首次開 Live 同粉絲傾偈添！

Photo from 劉德華粉絲同學會/FB

劉德華入駐抖音唔使一個月就已經有逾 5000 萬粉絲，日前佢就更首次開 Live 宣傳新片，而除咗宣傳當然唔少得同大家傾吓偈喇！

Photo from 劉德華粉絲同學會/FB

華仔喺 2008 年同老婆朱麗倩結婚，婚後育一女 Hanna，但低調嘅佢就一直未有正式公開一家合照。而喺今次直播中華仔就首次公開自爆自己當年點解唔不擺酒結婚呀！

Photo from 劉德華全球歌迷影迷會/weibo

直播中佢同粉絲大玩有問必答，期間有粉絲好奇問佢，點解冇關注任何帳號？華仔就指，大家知道他朋友實在太多，每一個他都想關注，但因為擔心漏掉任何人，索性都不關注了。

Photo from 劉德華全球歌迷影迷會/weibo

當大家都以為佢答完時，華仔就更特突自爆家事，解釋跟太太朱麗倩結婚時點樣不擺酒：「我結婚不擺酒就是這個原因！」

並指：「其實，我也會擔心萬一辦婚宴，漏請任何一位好朋友，這樣會讓朋友感到不開心，乾脆一個都不請，也不宴客了！」

Photo from My Love Andy Lau World Tour/FB

Photo from 劉德華粉絲同學會/FB

原來當年華仔與太太朱麗倩低調祕密結婚，唔擺酒係因為咁。華仔相識滿天下，相信如果真係要請晒咁多人可能擺三日三夜都未必請得晒呀！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）