「送水輝」許家傑晒肌露人魚線勁誘人！盤點 3 大超養眼爆肌男神

無綫處境劇《愛．回家之開心速遞》令劇中唔少演員成功入屋，而其中飾演「送水輝」一角嘅許家傑就係其中之一嚟，不過近日佢就喺 IG 大晒腹肌同人魚線，吸睛程度真係爆晒燈呀，難怪網友都睇到流晒鼻血！

Photo from 許家傑/IG

其實許家傑依輯性感騷肌相係出自黃嘉樂嘅攝影師女友 Samantha 之手，相中許家傑赤裸上身，大騷結實嘅腹肌同人魚線，再加上皮褸同破牛仔褲，型得嚟又帶有少少不羈嘅感覺，真係好誘人呀！

Photo from 許家傑/IG

Photo from 許家傑/IG

佢亦留言：「新一年，訂下了新的目標。就是繼續探索自己，突破自己。」

Photo from 許家傑/IG

而除咗許家傑之外，香港其實仲有唔少爆肌男神，就好似古天樂、森美同張繼聰咁。

Photo from 張繼聰/IG

Photo from 森美/IG

古天樂

男神古天樂雖然向來低調，甚少喺社交網站上提及自己嘅私生活，但佢不時喺電影中亦會露吓手臂派吓福利畀大家。

Photo from 明日戰記/IG

Photo from 古天樂/IG

森美

以主持綜藝節目及電台為主嘅森美喺 2017 時就因拍攝電視劇《誇世代》而操肌練得一身 Fit 爆身材，當然之後森美亦有 keep 住操練喇，仲會不時上傳佢跑步做運動嘅相添！

Photo from 森美/IG

Photo from 森美/IG

張繼聰

張繼聰啲肌肉有幾勁就相信唔少人都知，而最近佢更為咗新戲角色做足準備，減磅後嘅佢，仲被網友讚似日本男神木村拓哉呀！

Photo from 張繼聰/IG

Photo from 張繼聰/IG

真係個個都超級養眼㗎！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

《愛．回家之開心速遞》「送水輝」許家傑 Chok 爆變身網紅「犀利哥」　網友：成個金城武咁

08 Jan 2021

無綫處境劇《愛．回家之開心速遞》劇情有趣不時都會引嚟唔少話題，而劇中嘅一班演員更因此成功入屋。再數劇中最受歡迎嘅組合必定係「大小姐」和「送水輝」依一對，而喺今晚播出嘅一集中許家傑就會變身 Chok 爆「犀利哥」，引嚟唔少網友大讚佢型之餘，仲話佢依個 look 係應該係金城武加「犀利哥」嘅合體版嚟添！

唔知大家仲記唔記得之前喺大陸爆紅嘅「犀利哥」呢？！雖然唔知「犀利哥」依家點，不過上星期無綫處境劇《愛．回家之開心速遞》上星期就預告今晚一集中，許家傑將會變身 Chok 爆「犀利哥」以減低其「電力」。

今集中將講述飾演送水輝嘅許家傑憑住「美色」成功為接龍集團洽成了一單大生意，更被封為「放電王」添。不過飾演大小姐嘅林淑敏就發現送水輝因為鋒芒太勁，而激嬲咗龍敢威，所以決定將嘅送水輝變身成早年大陸嘅流浪漢網紅「犀利哥」，以此嚟減低其「電力」。

Photo from TVB

Photo from TVB

而近日許家傑就喺 IG 公開其拍攝造型相，見佢一頭長髮 Look 咬住支牙籤 chok 到爆呀，佢仲留言：「好少留長頭髮，對上一次... 應該係流星花園時吧。有興趣可以係 YouTube 搵下。請留意下星期一的 #愛回家之開心速遞 #爆肌團 #流星花園 #年少輕狂 #一班傻佬」

在 Instagram 查看這則貼文

許家傑 Jack Hui（@jackhero5）分享的貼文

依輯相一出，隨即引嚟唔少圈中朋友同網友留言大讚型之外，仲有唔少人話佢依個 Look 似大家心中嘅男神金城武添！

Photo from 許家傑IG

Photo from 許家傑IG

唔知大家又覺得似唔似呢？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）