download HolidaySmart 假期日常 app
日本20歲眼大白滑可愛靚女真實身分係電車男?超勁化妝技巧連女生都忍唔住求教

日本20歲眼大白滑可愛靚女真實身分係電車男?超勁化妝技巧連女生都忍唔住求教

生活熱話
By Celia on 16 Feb 2021
Digital Editor

日本作為動漫王國,有去過日本玩嘅大家不時都會有機會見到唔少人 cosplay 唔同嘅動漫角色,其中大多 cosplay 嘅角色都會以女生角色為主。早前日本就有一名本身唔多起眼嘅男生因為超班嘅化妝技術搖身一變成為甜美可愛嘅美女,靚到連女生都有少少羨慕呀!

日本男生因為超班嘅化妝技術搖身一變成為甜美可愛嘅美女

靚到連女生都有少少羨慕呀!

依位 20 歲嘅日本男子叫「夏野きゅーり」,本身活躍於社交平台,鍾意打扮成還原度 100% 嘅動漫人物最令佢有成功感,而佢亦係日本 cosplay 文化中常見嘅「偽娘」!

依位 20 歲嘅日本男子叫「夏野きゅーり」

佢係日本 cosplay 文化中常見嘅「偽娘」!

「夏野きゅーり」本身係一個油頭垢面嘅電車男嚟,唔單止眼超細、皮膚黑,樣貌亦唔算十分討好,但經過變妝後,就會搖身一變成為眼睛比原先大十倍、皮膚白滑、五官非常精緻嘅美女!

「夏野きゅーり」本身係一個油頭垢面嘅電車男嚟

眼超細、皮膚黑,樣貌亦唔算十分討好

夏野きゅーり

佢裝起清純學生妹時楚楚可憐嘅感覺,加上尖尖嘅瓜子臉同露出笑容甜美嘅櫻桃小嘴,簡直迷倒唔少人,完全冇暴露佢係男生嘅蛛絲馬跡~

清純學生妹時楚楚可憐嘅感覺

尖尖嘅瓜子臉同露出笑容甜美嘅櫻桃小嘴,簡直迷倒唔少人

完全冇暴露佢係男生嘅蛛絲馬跡

真係扮得好靚呀

而除咗學生造型外,就連性感嘅小背心都難唔到佢,纖幼嘅手臂同明顯嘅鎖骨很盡現性感美~同佢以真面目示人時真係原來兩個人嚟。

除咗學生造型外,就連性感嘅小背心都難唔到佢

唔少網友睇到咁大嘅對比後都大感驚訝,就連女網友都忍唔住要留言求化妝教學。

但亦有網友認為佢可以扮得咁扮除咗單靠化妝,仲一定要用美顏 App 「ULIKE」同修圖先可以影出咁似女生嘅相,如果唔係就一定會露餡,看得出係男生嚟!

有網友認為佢可以扮得咁扮除咗單靠化妝,仲一定要用美顏 App 「ULIKE」同修圖先可以影出咁似女生嘅相

而且唔化妝個樣仲有少少似寵物小精靈入面嘅「小剛」添~

cos 男生角色出嚟嘅效果都唔錯㗎!

不過講到尾「夏野きゅーり」都只係熱愛 cosplay 啫,無論男定女嘅角色佢都會嘗試,出嚟嘅效果都唔錯㗎!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《堅離地愛堅離地》劉佩玥 Cosplay 神奇女俠 網民大讚扮得靚過原角色

31 Dec 2020

TVB 劇集《堅離地愛堅離地》開播,喺最近一集中,劉佩玥 Cosplay 神奇女俠,獲網民大讚女神之餘,仲讚佢扮得靚過原角色。

TVB 劇集《堅離地愛堅離地》最近一集中,張振朗飾演嘅「丁信希」見到女神「張萊」(劉佩玥 飾)仗義救人,將「張萊」幻想成「神奇女俠」,自己想幫女神但係唔小心跌親,反而要女神救返自己。

張振朗飾演嘅「丁信希」見到女神「張萊」(劉佩玥 飾)仗義救人,將「張萊」幻想成「神奇女俠」。Photo from TVB USA Official@YouTube

Photo from TVB USA Official@YouTube

Photo from arryuu@IG

劉佩玥喺劇中以神奇女俠造型登場,相當驚艷,佢亦喺社交平台上傳當時嘅花絮照,照片中劉佩玥著住神奇女俠嘅衫擺造型同「宅男」張振朗合照,寫道:「呢一集真係笑到我飛起!#堅離地愛堅離地 要著呢一套嗰年真係好 hit 嘅神奇女俠裝,著完落車嗰吓真係需要相當大嘅勇氣???同埋張振朗真係仆咗好多次???由試位到 goodtake 真係好辛苦佢,除咗佢仆得辛苦,我忍笑仲辛苦!??? @owencheung 希望大家繼續支持呀呵呵?? #丁信希 #張萊」。

劉佩玥喺劇中以神奇女俠造型登場,相當驚艷,佢亦喺社交平台上傳當時嘅花絮照。Photo from arryuu@IG

網民大讚劉佩玥嘅神奇女俠造型好靚!Photo from owencheung@IG

Photo from arryuu@IG

劉佩玥呢身神奇女俠嘅造型真係 Cosplay 得幾成功,網民一見到都大讚劉佩玥 Cosplay 得好靚,有網友仲話希望劉佩玥 Post 全身照,更有網民大讚「扮得靚過原本外國個(嗰)個」。

Photo from 《神奇女俠》

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel