江嘉敏齊蔭 Look 再現被林凱恩笑似煲蓋　網民狠彈唔襯：似師奶！

唔少人都會喺特別嘅日子或者農曆新年時換個新髮型，但對藝人嚟講換髮型就唔單單只係同個人嘅心情有關，好多時都會因為工作關係而需要轉換新髮型。而近日江嘉敏（Kaman）就喺 IG post 咗多張佢剪咗齊蔭嘅靚相同大家分享。

繼之前江嘉敏公開自己18歲時影嘅旗袍照後，依日佢又喺 IG 大晒多張自己為咗要飾演新劇《黯夜守護者》角色嘅新髮型，相中佢以齊蔭劉海示人，散發青春少女氣息。

江嘉敏留言指：「初四啟市！自2018年《福爾摩師奶》剪過齊蔭，齊蔭敏又再出現！《黯夜守護者》開拍已經差不多一個月了，廠景接外景的通告即將開始！」

不過大家就好似唔多睇好，就連佢嘅好友林凱恩都笑佢嘅新髮型似煲蓋：「人家說：情人眼裏出西施，我覺得是～情人角度影靚啲！小男友拍攝技術果然高超。她聽我訴苦之餘也不忘笑我厚厚的髮型像一個煲蓋！很開心我們 2021 年約會的第一餐是那麼完美的。年輕的大廚們實在令我們讚嘆不絕。」

而有網友更直言齊蔭唔襯佢，仲狠批佢好似師奶添！

但有彈一定會有人讚嘅，有網民就讚佢新造型好可愛，有減齡效果。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

江嘉敏晒18歲旗袍照纖腰誘人！近日被指身型暴脹 自嘲肉太多著唔落旗袍

04 Feb 2021

江嘉敏早前以肉色禮服出席《萬千星輝頒獎典禮2020》被指身型暴脹。佢喺IG post出18歲時嘅旗袍照，相中佢體型嬌小，腰肢纖幼，自嘲肉太多著唔落旗袍。

Photo from 《萬千星輝頒獎典禮2020》

26歲江嘉敏以一襲肉色長裙現身《萬千星輝頒獎典禮2020》，但行紅地氈時卻驚現肚腩，被指發福暴脹。

Photo from 《萬千星輝頒獎典禮2020》

Photo from 《萬千星輝頒獎典禮2020》

其後佢喺IG post出禮服照，笑言連未合作過嘅前輩都話要介紹健身教練畀佢識，更大方表示希望喺新一年可以吸納減肥界客戶。

Photo from 《萬千星輝頒獎典禮2020》

Photo from 江嘉敏IG

佢後來有再出post回應：「瘦，從來不是我追求的。健康的體魄才是我需要的！努力一點吃，努力一點做運動。??希望有一天，大家討論的會是我的演技，我的角色，並不是我的容貌我的身材。」

Photo from 江嘉敏IG

最近佢公開自己18歲時影嘅旗袍照，相中佢身材苗條，曲線明顯，纖腰誘人。江嘉敏指：「看著18歲的自己，忍不住慨嘆時間真的過得好快。」

Photo from 江嘉敏IG

佢表示太瘦著旗袍無玲瓏浮凸嘅感覺。又自嘲：「肉太多，更加穿不下旗袍！」指18歲時嘅自己身材啱啱好。

Photo from 江嘉敏IG

江嘉敏更透露件旗袍係加細碼，但導演再改細咗：「佢話咁樣先有野睇」

Photo from 江嘉敏IG

網友紛紛留言讚佢好fit：「幾時嘅你都咁靚啦」！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）