download HolidaySmart 假期日常 app
陳瀅收「老公」送紅玫瑰!男方原來已有女朋友?生日不避嫌坐大髀!

陳瀅收「老公」送紅玫瑰!男方原來已有女朋友?生日不避嫌坐大髀!

生活熱話 娛樂新聞
By Jennifer on 17 Feb 2021
Digital Editor

陳瀅日前喺情人節收到玫瑰花,花卡更公開寫係送畀「老婆」嘅!唔通陳瀅已告別單身?原來「老公」真身叫Howie,喺IG有唔少同陳瀅嘅合照,兩人關係好好!

陳瀅日前喺情人節收到玫瑰花Photo from 陳瀅IG

情人節陳瀅收到兩大紮玫瑰,佢亦即刻晒相,而送紅色玫瑰嘅人更喺卡片上稱陳瀅為「老婆」:「情人節快樂『老婆』,你快啲返屋企,我好掛住你!」

陳瀅收到玫瑰即影相留念Photo from 陳瀅IG

送紅色玫瑰嘅人更喺卡片上稱陳瀅為「老婆」Photo from 陳瀅IG

據知陳瀅「老公」叫Howie,於2016年透過好姊妹何雁詩認識,喺男方嘅IG亦有好多同何雁詩嘅合照,何雁詩鄭俊弘結婚時佢亦以「姊妹」身份出席婚禮。

男方嘅IG亦有好多同何雁詩嘅合照Photo from Howie IG

Howie與何雁詩關係好好Photo from Howie IG

何雁詩鄭俊弘結婚時Howie亦以「姊妹」身份出席婚禮。Photo from Howie IG

Howie認識唔少圈中人,其中包括羅天宇、劉佩玥、周志文等。

Howie認識唔少圈中人Photo from Howie IG

陳瀅同Howie關係好好,喺社交網都有唔少合照,互相以「老公」、「老婆」相稱。

陳瀅同Howie喺社交網有唔少合照Photo from Howie IG

陳瀅同Howie以「老公」、「老婆」相稱。Photo from Howie IG

喺男方生日時,陳瀅更作送吻狀道賀,影大合照時陳瀅更不避嫌坐對方大髀!

Howie生日時,陳瀅更作送吻狀道賀Photo from Howie IG

影大合照時陳瀅更不避嫌坐對方大髀!Photo from Howie IG

兩人睇落都幾登對,不過喺男方IG卻疑似有女朋友,女方親密攬腰,又深情對視共飲一杯飲品。

而陳瀅亦多次強調兩人係好好好朋友嘅關係,之前亦提過男方有同其他人互相了解中,但佢指唔怕對方有女友後無得再嗌「老公」,表示:「佢識我先」,仲話到佢真係拍拖先算。

陳瀅多次強調兩人係好好好朋友嘅關係Photo from Howie IG

陳瀅與Howie出席朋友後Howie祝賀朋友:「the most picture perfect wedding for the most picture perfect couple。」陳瀅即留言:「most perfect couple meaning me & u ?」

陳瀅與Howie出席朋友後Howie祝賀朋友Photo from Howie IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳瀅公開童年照 完全無變過由細靚到大!

25 Jan 2021

陳瀅一直都係網民心中嘅女神,目前身在加拿大嘅陳瀅 Keep 住喺社交平台 Post 相同粉絲分享喺加拿大嘅日常生活,日前佢更喺 IG 嘅限時動態公開自己嘅兒時舊照!

Photo from missjni@IG

陳瀅係圈中出名嘅孝順女,早喺聖誕節前就返加拿大與婆婆團聚過節,目前尚未回港。雖然陳瀅唔喺香港,但依然活躍於社交平台,經常同粉絲分享自己喺加拿大嘅日常生活。

陳瀅係圈中出名嘅孝順女,早喺聖誕節前就返加拿大與婆婆團聚過節,目前尚未回港。Photo from missjni@IG

陳瀅一直都係網民心中嘅女神!Photo from missjni@IG

Photo from missjni@IG

陳瀅喺加拿大長大,因此加拿大屋企自然有晒佢細個時候嘅舊照,日前陳瀅就喺 IG 限時動態公開自己嘅兒時舊照,「Baby J」時期嘅陳瀅非常可愛,個樣完全無變過,由細靚到大!

日前陳瀅就喺 IG 限時動態公開自己嘅兒時舊照,「Baby J」時期嘅陳瀅非常可愛!Photo from missjni@IG

陳瀅細個嘅時候臉尖尖,眼大大,非常可愛,雖然皮膚比依家黑咗啲,但依然係一個小美女!Photo from missjni@IG

陳瀅細個嘅時候臉尖尖,眼大大,非常可愛,雖然皮膚比依家黑咗啲,但依然係一個小美女,個樣同依家完全一模一樣,女神真係由細靚到大!

Photo from missjni@IG


在 Instagram 查看這則貼文

JEANNIE(@missjni)分享的貼文

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳瀅回加拿大過冬探婆婆 意外曝光加拿大大宅

23 Dec 2020

陳瀅早前曾講過自己聖誕節及新年都會返加拿大同家人過,日前更喺社交平台 Post 咗一張喺機場嘅相表示自己即將離開香港。眨下眼,陳瀅已經完成隔離返咗屋企,仲開心到拍片 Post 上社交平台,同時都令佢喺加拿大嘅大宅意外曝光!

孝順女陳瀅早前曾講過今個聖誕節同新年要返加拿大陪屋企人,疫情都無阻陳瀅返加拿大嘅決心,可見陳瀅同家人嘅感情非常好!日前陳瀅喺社交平台 Post 咗一張喺機場候機大堂嘅相,仲話自己會離開香港超過兩星期,最後仲話「See you all in 2021」,表示自己新年都會喺加拿大過。

孝順女陳瀅早前曾講過今個聖誕節同新年要返加拿大陪屋企人,疫情都無阻陳瀅返加拿大嘅決心,可見陳瀅同家人嘅感情非常好!Photo from missjni@IG

日前陳瀅喺社交平台 Post 咗一張喺機場候機大堂嘅相,仲話自己會離開香港超過兩星期,最後仲話「See you all in 2021」,表示自己新年都會喺加拿大過。Photo from missjni@IG

眨下眼陳瀅返加拿大之後已經完成隔離,仲第一時間返屋企見婆婆。不過陳瀅依然非常謹慎,做咗三次測試證實冇感染,仲做埋全身消毒先敢返屋企。

陳瀅非常謹慎,做咗三次測試證實冇感染,仲做埋全身消毒先敢返屋企。Photo from missjni@IG

一返到屋企陳瀅第一時間拍片,希望畀個驚喜婆婆,不過亦令自己嘅大宅意外曝光。由片段中可見,陳瀅喺玄關開始拍片,身後有條樓梯,而一轉身去大廳嘅時候仲要經過偏廳,偏廳度有張大枱,仲影到花園一角,最後行到大廳,就見到一張超大梳化,雖然只係影到屋企嘅一小部分,不過已經可以睇得出個屋企一定有返咁上下。

陳瀅喺玄關開始拍片,身後有條樓梯。Photo from missjni@IG

一轉身去大廳嘅時候仲要經過偏廳,偏廳度有張大枱,仲影到花園一角。Photo from missjni@IG

最後行到大廳,就見到一張超大梳化。Photo from missjni@IG

睇完屋企就講返婆婆先,當陳瀅出現喺眼前時,婆婆非常開心,仲激動到喊咗出嚟,可見兩人感情非常好,而陳瀅嘅驚喜都非常成功!婆婆一見陳瀅返嚟仲即刻下廚,煮飯畀陳瀅食,相信陳瀅咁耐冇見婆婆一定好掛住婆婆煮嘅飯~

當陳瀅出現喺眼前時,婆婆非常開心,仲激動到喊咗出嚟,可見兩人感情非常好。Photo from missjni@IG

Photo from missjni@IG

婆婆一見陳瀅返嚟仲即刻下廚,煮飯畀陳瀅食,相信陳瀅咁耐冇見婆婆一定好掛住婆婆煮嘅飯~Photo from missjni@IG

真係好溫馨啊~婆婆仲開心到喊咗出嚟,一定係好掛住陳瀅!


在 Instagram 查看這則貼文

JEANNIE(@missjni)分享的貼文

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel