陳瀅日前喺情人節收到玫瑰花，花卡更公開寫係送畀「老婆」嘅！唔通陳瀅已告別單身？原來「老公」真身叫Howie，喺IG有唔少同陳瀅嘅合照，兩人關係好好！
情人節陳瀅收到兩大紮玫瑰，佢亦即刻晒相，而送紅色玫瑰嘅人更喺卡片上稱陳瀅為「老婆」：「情人節快樂『老婆』，你快啲返屋企，我好掛住你！」
據知陳瀅「老公」叫Howie，於2016年透過好姊妹何雁詩認識，喺男方嘅IG亦有好多同何雁詩嘅合照，何雁詩鄭俊弘結婚時佢亦以「姊妹」身份出席婚禮。
Howie認識唔少圈中人，其中包括羅天宇、劉佩玥、周志文等。
陳瀅同Howie關係好好，喺社交網都有唔少合照，互相以「老公」、「老婆」相稱。
喺男方生日時，陳瀅更作送吻狀道賀，影大合照時陳瀅更不避嫌坐對方大髀！
兩人睇落都幾登對，不過喺男方IG卻疑似有女朋友，女方親密攬腰，又深情對視共飲一杯飲品。
而陳瀅亦多次強調兩人係好好好朋友嘅關係，之前亦提過男方有同其他人互相了解中，但佢指唔怕對方有女友後無得再嗌「老公」，表示：「佢識我先」，仲話到佢真係拍拖先算。
陳瀅與Howie出席朋友後Howie祝賀朋友：「the most picture perfect wedding for the most picture perfect couple。」陳瀅即留言：「most perfect couple meaning me & u ?」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
陳瀅公開童年照 完全無變過由細靚到大！
25 Jan 2021
陳瀅一直都係網民心中嘅女神，目前身在加拿大嘅陳瀅 Keep 住喺社交平台 Post 相同粉絲分享喺加拿大嘅日常生活，日前佢更喺 IG 嘅限時動態公開自己嘅兒時舊照！
陳瀅係圈中出名嘅孝順女，早喺聖誕節前就返加拿大與婆婆團聚過節，目前尚未回港。雖然陳瀅唔喺香港，但依然活躍於社交平台，經常同粉絲分享自己喺加拿大嘅日常生活。
陳瀅喺加拿大長大，因此加拿大屋企自然有晒佢細個時候嘅舊照，日前陳瀅就喺 IG 限時動態公開自己嘅兒時舊照，「Baby J」時期嘅陳瀅非常可愛，個樣完全無變過，由細靚到大！
陳瀅細個嘅時候臉尖尖，眼大大，非常可愛，雖然皮膚比依家黑咗啲，但依然係一個小美女，個樣同依家完全一模一樣，女神真係由細靚到大！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
陳瀅回加拿大過冬探婆婆 意外曝光加拿大大宅
23 Dec 2020
陳瀅早前曾講過自己聖誕節及新年都會返加拿大同家人過，日前更喺社交平台 Post 咗一張喺機場嘅相表示自己即將離開香港。眨下眼，陳瀅已經完成隔離返咗屋企，仲開心到拍片 Post 上社交平台，同時都令佢喺加拿大嘅大宅意外曝光！
孝順女陳瀅早前曾講過今個聖誕節同新年要返加拿大陪屋企人，疫情都無阻陳瀅返加拿大嘅決心，可見陳瀅同家人嘅感情非常好！日前陳瀅喺社交平台 Post 咗一張喺機場候機大堂嘅相，仲話自己會離開香港超過兩星期，最後仲話「See you all in 2021」，表示自己新年都會喺加拿大過。
眨下眼陳瀅返加拿大之後已經完成隔離，仲第一時間返屋企見婆婆。不過陳瀅依然非常謹慎，做咗三次測試證實冇感染，仲做埋全身消毒先敢返屋企。
一返到屋企陳瀅第一時間拍片，希望畀個驚喜婆婆，不過亦令自己嘅大宅意外曝光。由片段中可見，陳瀅喺玄關開始拍片，身後有條樓梯，而一轉身去大廳嘅時候仲要經過偏廳，偏廳度有張大枱，仲影到花園一角，最後行到大廳，就見到一張超大梳化，雖然只係影到屋企嘅一小部分，不過已經可以睇得出個屋企一定有返咁上下。
睇完屋企就講返婆婆先，當陳瀅出現喺眼前時，婆婆非常開心，仲激動到喊咗出嚟，可見兩人感情非常好，而陳瀅嘅驚喜都非常成功！婆婆一見陳瀅返嚟仲即刻下廚，煮飯畀陳瀅食，相信陳瀅咁耐冇見婆婆一定好掛住婆婆煮嘅飯～
真係好溫馨啊～婆婆仲開心到喊咗出嚟，一定係好掛住陳瀅！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）