黃曉明被爆過年不陪妻兒蒲夜店!Angelababy反被罵心機重!兩人微博帖文再傳婚變

黃曉明被爆過年不陪妻兒蒲夜店!Angelababy反被罵心機重!兩人微博帖文再傳婚變

生活熱話 娛樂新聞
By Jennifer on 17 Feb 2021
Digital Editor

Angelababy同黃曉明呢對夫妻屢傳婚變,喺新年同情人節期間,佢哋更係零互動,而網民就憑佢哋微博嘅蛛絲馬跡力證兩人已如陌路人。有指黃曉明過年現身夜店,但反而Angelababy被鬧心機重,掀起雙方fans罵戰。

Angelababy同黃曉明呢對夫妻屢傳婚變Photo from 微博

Angelababy同黃曉明結婚初期一直高調放閃,不過之後漸漸開始唔再提及對方,微博更加零互動,貌合神離令婚變傳聞越演越烈。

Angelababy同黃曉明結婚初期一直高調放閃Photo from Angelababy微博

早前黃曉明同前女友同台,令Angelababy疑做第三者插足黃曉明同女友感情嘅舊事再度成為熱話,AB發長文否認嘅同時稱老公為「黃先生」,如此疏離嘅稱呼令外界猜測兩人早已離婚。

早前黃曉明同前女友同台,令Angelababy疑做第三者插足黃曉明同女友感情嘅舊事再度成為熱話Photo from 黃曉明微博

喺剛過去嘅農曆新年,兩人亦無合體,分隔兩地過年。Angelababy喺上海,而黃曉明亦返青島老家陪伴母親、外婆過年。

Angelababy喺上海Photo from Angelababy微博

黃曉明亦返青島老家陪伴母親、外婆過年。Photo from 黃曉明微博

喺黃曉明抵達上海嘅當天,AB更飛去外地工作,兩人行程完美錯過。

黃曉明抵達上海嘅當天,AB更飛去外地工作Photo from 微博

兩人行程完美錯過Photo from 微博

到情人節兩人仍是零互動,Angelababy更喺微博post出自拍,留言似有所指:「聽說今天是西方人的節日,還好我是南方人」疑暗示自己唔過情人節,對於有老公嘅佢嚟講似乎表示自己無情人,網友紛紛估佢想表態單身。

情人節Angelababy喺微博post出自拍,留言指:「聽說今天是西方人的節日,還好我是南方人」Photo from Angelababy微博

情人節過後,有人爆料喺夜店見到黃曉明,更指佢已喺第二次嚟,身邊圍繞唔少女性。喺夜店照發出後不久,黃曉明再post微博指自己同家人一齊包餃子,下面留言都係鬧佢去夜店。

情人節過後,更有人爆料喺夜店見到黃曉明Photo from 微博

黃曉明已喺第二次去嗰間夜店Photo from 微博

喺夜店照發出後不久,黃曉明再post微博指自己同家人一齊包餃子Photo from 黃曉明微博

黃曉明微博留言都係鬧佢去夜店。Photo from 黃曉明微博

有網友指夜店照喺舊相,反斥Angelababy故意放風製造輿論,心機極重,不過亦有Angelababy fans指黃曉明唔係第一次蒲夜店,喺兒子「小海綿」生日時亦唔陪妻兒,而去夜店玩。

有網友指夜店照喺舊相,反斥Angelababy故意放風製造輿論,心機極重Photo from 微博

喺2015年,黃曉明亦被指去夜店,當時Angelababy不惜發微博:「我是夜店」維護對方,如今兩人已唔再係昔日嘅恩愛夫妻,更有人認為兩人離婚係遲早嘅事,依家佢哋就好似楊冪同劉愷威當時宣佈離婚前嘅狀態咁,只係為咗兒子而維持表面關係而已。

喺2015年,黃曉明亦被指去夜店玩,當時Angelababy不惜發微博:「我是夜店」維護對方Photo from Angelababy微博

昔日嘅恩愛夫妻不再Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

黃曉明、Angelababy打破婚變傳聞?新戲齊宣傳、新店互靠近 網民:終於有互動!

2 Feb 2021

黃曉明Angelababy 2015 年結婚,至今已經有 5 年幾嘅時間。佢哋曾經被稱為圈中嘅「模範夫婦」,深受粉絲歡迎。可惜近年,依對夫妻被傳出婚變,Angelababy 更加畀指係狐狸精,雙方澄清都無補於事,甚至令男方退出同前度同場嘅節目先令依場風波暫時平息。唔少網民都認定咗佢哋已經分開,但日前眼利嘅網民終於發現到佢哋互動嘅蛛絲馬跡,令一眾喜愛佢哋嘅粉絲喜出望外。

黃曉明同 Angelababy 以前螢幕前後都非常甜蜜,喺好多人心中嘅「模範夫妻」,唔少人都好羨慕佢哋嘅婚姻!

兩夫妻可以話係圈中嘅模範!Photo from Angelababy Official Weibo

甜蜜嘅戀情簡直係羨慕死人啦~Photo from 黃曉明 Official Weibo

不過,日前黃曉明就參加咗一個叫做《乘風破浪的姐姐 2》嘅內地節目,入面有佢嘅前度女友李菲兒,二人同場一事引起網民嘅熱烈討論,更加令到 Angelababy 係狐狸精依個講法再度被人傳開去。面對依件事,Angelababy 喺微博指自己認識黃曉明嘅時候,對方話自己係單身嘅,已經同李菲兒分咗手。佢覺得自己冇必要同大家解釋一件咁簡單嘅事,就算要解釋都應該係由當事人黃曉明解釋,而唔係自己。不過,眼利嘅網民當時就發現 Angelababy 稱呼黃曉明做「黃先生」,未免有啲距離感,懷疑兩個人係咪已經離咗婚?

佢指自己認識黃曉明嘅時候,對方自稱係單身嘅Photo from Angelababy Official Weibo

黃曉明嘅回應就更加實際,佢選擇直接離開引起爭論嘅節目,希望可以令事件平息,同埋唔好令節目受到自己嘅花邊新聞所影響。

黃曉明選擇直接離開節目,希望可以終止風浪Photo from 黃曉明 Official Weibo

有唔少網民喺依件事之後都認為佢哋兩個已經離咗婚,舊情不再。不過,近日就有眼利嘅網民發現:兩個人最近有互動呀!

Angelababy有新店開張,選址偏偏喺依度!Photo from Angelababy Official Weibo

廣告
廣告

Angelababy 日前就宣佈佢嘅火鍋店要喺成都開業啦!個名叫做「斗鎏火锅」,餐廳內部裝修精緻,而且食材豐富高級,加埋 Angelababy 個名係背後支撐,喺網路上引起咗一番熱話!眼利嘅網民就發現:依間舖所在嘅地方,斜對面正正就係黃曉明間新開嘅烤肉店「烧江南烤肉」。莫非依樣就係「有錢齊齊搵」?

親自為自家品牌影相宣傳!Photo from 斗鎏火锅 Official Weibo

除咗依樣之外,由陳偉霆、周迅主演嘅電影《侍神令》即將喺大年初一上映,圈中唔少藝人都紛紛幫佢哋轉發示意支持,當中亦都包括黃曉明同 Angelababy。

令網民眼前一亮嘅當然唔係佢哋一齊支持依套戲嘅行為咁簡單,而係佢哋兩個轉發時都寫咗同一句說話:「新的一年,有如神助。」

新的一年,有如神助!Photo from 黃曉明 Official Weibo

兩公婆講埋同一句嘢呀!Photo from Angleababy Official Weibo

兩個人轉發時講埋同一句嘢,實在令人喜出望外。不過,都有網民指出依句嘢根本係官方宣傳口號嚟嘅,只係咁啱大家都用咗啫,你又點睇呢?

都有網民話係大家太敏感啦Photo from 电影侍神令 Official Weibo

有趣嘅係,當年有人指出 Angelababy 係戀上咗黃曉明先至同陳偉霆分手,但依家兩公婆又係微博度幫佢主演嘅電影宣傳,實在係令人有啲混亂。到底佢哋兩個嘅婚姻係咪已經結束,到依家都仲未有人知,而大家有冇咩特別嘅睇法呢?

大家對於佢哋嘅婚姻係咪已經名存實亡又有咩睇法呢?Photo from Angleababy Official Weibo

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

黃曉明與舊愛同台掀熱議 Angelababy 澄清自己並非第三者

7 Jan 2021

由黃曉明擔任主持嘅《乘風破浪的姐姐》第二季將開播,黃曉明與前女友李菲兒同台嘅消息引起網民關注,網民再次談論當年黃曉明、Angelababy 及李菲兒嘅關係,而 Angelababy 日前就發文澄清自己並非第三者。

明星女團競演真人秀節目《乘風破浪的姐姐》由黃曉明擔任成團見證人,節目第二季即將開播,而當中最矚目嘅就係黃曉明前女友李菲兒都會參與節目拍攝,兩人將會於節目同台,消息一出瞬間引起網民熱議。黃曉明、Angelababy 及李菲兒當年嘅關係亦再次被網民提起。

由黃曉明擔任主持嘅《乘風破浪的姐姐》第二季將開播,黃曉明與前女友李菲兒同台嘅消息引起網民關注。Photo from 黃曉明微博

黃曉明前女友李菲兒。Photo from 李菲兒微博

黃曉明及李菲兒因拍攝《鹿鼎記》而相戀,交往 3 年分手,其後黃曉明公開認愛 Angelababy,而李菲兒當年接受雜誌採訪時就表示係 Angelababy 要求黃曉明做選擇,所以佢先自動退出,於是 Angelababy 就被認為係第三者介入兩人嘅感情。

黃曉明及李菲兒因拍攝《鹿鼎記》而相戀,交往 3 年分手,其後黃曉明公開認愛 Angelababy。Photo from 黃曉明微博

事件再次被網民談論,Angelababy 日前就喺微博發文澄清自己並非第三者:「當初我認識黃曉明的時候,他告訴我他是單身,直到李菲兒在雜誌採訪上給了我一個莫須有的稱呼。事後我第一時間問了黃先生,他告訴我他們已經分手了。前因後果就是如此簡單,這麼多年我不想解釋,一來覺得沒有必要,日子是給自己過的。二來也覺得這是黃先生和李菲兒的事情,要說也應是黃先生來向大家澄清。十年過去了,今天我選擇自己站出來,把前因後果說清楚。不因為別的,只是肩膀上的擔子太重,不太想再幫別人扛著這口鍋了。我知道欲加之罪何患無辭,也知道可能是節目噱頭、他人財路。但我在這件事情上,無法用平常心面對,這點小情緒,也請大家體諒。」

事件再次被網民談論,Angelababy 日前就喺微博發文澄清自己並非第三者。Photo from Angelababy 微博

其後黃曉明都喺微博發文澄清 Angelababy 唔係第三者:「其實節目已經錄完三期了,這段話我在節目錄製的時候其實已經說過了,今天我要在節目播出之前把它說出來!《乘風破浪的姐姐》這個節目之所以能夠如此成功,是因為它所傳達的價值觀是對每一位女性真正的尊重,它也讓我們看見了女性的無窮魅力。 如果大家關注的焦點繼續停留在這裡的話,首先會傷害我的家庭;其次這還傷害了所有對這個舞台無比尊重、付出無數汗水的姐姐們,她們在這裡要收穫的是關於她們自己的故事,而不是成為別人故事裡的陪襯;同時,這個話題也傷害了當事人,她擁有自己的生活,不該停留在這個話題裡。而對於我來说,這個舞台上的每一位姐姐都是值得尊重的,都應該受到公平的對待。這是一個正能量的節目,會有很多姐姐們的精彩舞台表演,請大家多多關注。在這裡我必須要說,baby 不是小三,一直以來的傳言都純屬子虛烏有,大家不要被有心網友利用而傷害到我的家人!這麼多年來我覺得沒有必要去反覆提這件事,是因為我不想再被更多的人去利用這件事情博眼球,但今天我不得不說,因為我們真的受夠了。我的家人永遠是我的底線!此時此刻起,我真的希望大家不要再去傷害我的家人了!!!」

其後黃曉明都喺微博發文澄清 Angelababy 唔係第三者。Photo from 黃曉明微博

黃曉明發長文澄清後更再次發文保護家人:「有甚麼話都衝我來!我的評論永不關閉!」

Photo from 黃曉明微博

黃曉明夫婦二人發文澄清,而當事人之一嘅李菲兒就對事件未有作出回應,唔少網民都湧入李菲兒微博留言質問,「姐 到你了 你發不發」、「你就是想紅吧,一般人明知道節目有前男友,被邀請也會拒絕避嫌。你去就是為了炒作紅?」都有網民支持李菲兒,認為成件事好似打壓李菲兒咁,畀黃曉明夫婦曬完恩愛後就等李菲兒揹鍋,亦有網民希望李菲兒唔好因為事件而退賽,要好好比賽。

唔少網民都湧入李菲兒微博留言質問。Photo from 李菲兒微博

Photo from 李菲兒微博

Photo from 李菲兒微博

Photo from 李菲兒微博

網民除咗談論呢件事之外,都有其他網民將重點放咗喺 Angelababy 稱呼黃曉明做「黃先生」呢件事上,有網民認為呢個稱呼好見外,甚至質疑兩人係咪已經離婚,「黃先生?怎麼感覺好陌生」、「啊~咋了~是離了嗎」。

有其他網民將重點放咗喺 Angelababy 稱呼黃曉明做「黃先生」呢件事上。Photo from Angelababy 微博

Photo from Angelababy 微博

另外更有網民發現昔日被傳與 Angelababy 不和嘅文詠珊(Janice Man)竟然讚好 Angelababy 嘅澄清帖文,令網友懷疑兩人係咪已經重修舊好。

Photo from 微博

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel