2020年最常用Emoji排行榜公開！00後指老餅先用「笑喊」emoji，3款熱門emoji居然上唔到榜！

平時日常用WhatsApp、Signal、Telegram、IG等都會加下表情符號表達心情。有時連字都唔洗打，而眾多emoji中，「笑喊」相信有唔少人經常使用。但原來喺00後眼中，呢個emoji已經過時！

有咗智能手機後，emoji已成為日常交流嘅「第二種語言」，send一個「微笑」表情畀男朋友，佢就知道自己「做錯嘢」，而喺眾多emoji中，「笑喊」表情符號應該係最常用。

根據Emojipedia公開嘅2020年Twitter最多人用Emoji排行榜，第一名就係「笑喊」（Face with Tears of Joy）！第二名係「兩行眼淚」（Loudly Crying Face）；第三則係「眼甘甘」嘅emoji。

第四位係心心（Red Heart）；第五位係笑到斜碌地emoji（Rolling on the Floor Laughing）；第六係「閃令令」（Sparkles）；第七係「心心眼」（Smiling Face with Heart-Eyes）。

第八係「雙手合十祈禱」（Folded Hands）；第九係「心心微笑」（Smiling Face with Hearts）；第十係「幸福笑容」（Smiling Face with Smiling Eyes）。

比較意外竟然無心心飛吻、反白眼、大拇指呢幾款emoji。

不過依家嘅00後原來已經唔用呢個emoji㗎啦！佢哋仲覺得「笑喊」係老餅先會用，呢個emoji被視為係「老土」、「outdated」嘅象徵。

據CNN報道，要表達「笑」呢個意思，佢哋表示會用骷髏頭（Skull），或者直接用「lol」、「lmao」。估唔到用emoji都有代溝！

Apple iOS 14.5又會有更多嘅emoji出現，包括「嘆氣」、「火燒心」等，可能遲啲大眾常用嘅emoji又會唔同㗎喇～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

馬國明次次見靚湯美照秒留同一個Emoji 女友湯洛雯嫌佢無新意！

27 Aug 2020

馬國明同湯洛雯公開戀情後不時喺IG大方留言互動放閃，而馬明更每次都留同一個Emoji，唔止有網友叫佢換一個，連女友靚湯都嫌棄佢無新意！網民被閃親，個個都話要戴返副墨鏡。

馬國明特登為女友湯洛雯開Instagram，兩人經常喺IG留言互動，高調放閃。

靚湯不時喺IG post靚相，男朋友馬明當然都有積極留言喇！

馬明次次都留3個心心眼Emoji「😍😍😍」，連fans都頂唔順：「你可唔可以換個表情？」

靚湯似乎都嫌棄馬明無啲新意，回返3個打喊露Emoji。對話簡直係情侶對話寫照，用Emoji表達心情、不滿，係唔少女友每日嘅日常～

有網友指：「專一人士連放個表情都要夠專一」。呢啲戀人間嘅打情罵俏令其他網民表示要戴返副超先得。

除咗佢哋兩個之外，好多圈中朋友都會喺留言叫佢哋快啲拉埋天窗，陳敏之更直接稱呼靚湯做「Mrs Ma」。

圖片來源：湯洛雯 Instagram

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

iOS 14新增Memoji／Emoji曝光！唔止有口罩樣同珍珠奶茶　仲可以同好友擊拳、擁抱

17 Jul 2020

Apple 為慶祝World Emoji Day （世界Emoji日），率先行公佈咗一系列全新 Memoji 及 Emoji，並會喺今年秋季隨 iOS 14 及 macOS 更新一同推出。當中包括之前喺 WWDC 2020 公開過嘅「口罩樣」、「珍珠奶茶」及「頭巾」等幾款！

今次 iOS 14 新加入多款新設計嘅 emoji，及更新有超過 33 種組合嘅全新髮型、頭飾造型、口罩及 Memoji 貼圖。

最新 emoji 設計包括珍珠奶茶、掐指手勢、迴力鏢、跨性別符號、渡渡鳥、海狸、皮納塔、俄羅斯公仔、硬幣、心臟、肺、忍者及墨西哥粽。

而 iOS 14 亦會令 Memoji 更加個人化。更新包括如下：

。全新的口罩樣 ：可襯上不同顏色

。11 種全新髮型：男士髮髻、頂髻、分側界髮型、波浪捲髮，以及經過調整的漸層髮型。

。19 種全新頭飾造型：頭巾、絲巾、單車頭盔、護士帽和泳帽

另外，今次仲將會更新三款全新 Memoji 貼圖 ，畀你喺傳送訊息嘅時候可以向好友傳送擊拳、臉紅或甚至擁抱。

經過精心調整嘅面部和肌肉結構，令 Memoji 和 Memoji 貼圖更加生動活潑，讓你喺 Message app 中以更多方式表達自我。

至於其他嘅 Emoji 就等大家自己去發掘喇～

提多次大家，新一批 Memoji 及 Emoji 將會同隨 iOS 14 及 macOS 喺今年秋季一同推出。

Source：Apple

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）