【聲夢傳奇】播一集就被曾志偉截停？選手輟學、辭職參加比賽前路未明！監製認節目被Hold住！

去年TVB就宣布復辦已冇搞多年嘅歌唱選秀比賽，並名為《聲夢傳奇》，由當時無綫助理總經理（非戲劇製作）余詠珊及其老公兼星夢娛樂 CEO 何哲圖聯手喺全球召集唱得之人。喺去年 11 月時 15 位入圍嘅參賽者率先喺台慶上同大家見面，不過日前就有消息傳出指該節目被副總經理曾志偉煞停。

喺今年 1 月初時 TVB 就已播出第一集《聲夢傳奇》，雖然當時反應兩極，但亦成功引起唔少話題， 15 位參賽者平均年齡只得17歲非常年輕。有幾位參賽者嘅更為咗比賽特意辭職或休學。

有指節目原定喺 3 月 7 日正式舉行對決，但隨住早前曾志偉正式出任副總經理時，就有唔少傳聞。再加上尋日余詠珊出任助理總經理 （業務發展），其老公何哲圖則離任相關職務後，即引嚟星夢娛樂旗下歌手可能跟隨離巢嘅消息。

而今日再有消息指《聲夢傳奇》將會煞停，其節目監製陳旭亮就回覆傳媒直認節目係被 Hold 住咗，就：「暫時都未清楚，因為我而家放緊假，要星期一返到公司先知，等（曾）志偉哥決定。」

之後佢又指唔擔心節目被取消：。「都係等公司安排，取消機會唔大，暫時都未收到消息。」

依 15 位成員經過半年日夜苦練唱功、跳舞嘅訓練後，獲安排喺台慶夜初試啼聲，當中有參賽者被讚有樣兼唱功了得，更被喻為係新一代嘅「星夢」接班人。

15 位成員中最細只有 14 歲各有背景，當中包括曾參加《全民造星2》但喺 60 強止步嘅冼靖峰（Archie）、唱得又跳得嘅黃奕斌、以眉上留海獨特髮型引起大家矚目嘅炎明熹（Gigi）、有「小巨肺」之稱嘅姚焯菲（Chantel），仲有 14 歲嘅中菲混血兒鍾柔美（Yumi）！

雖然監製就覺得節目取消嘅機會唔大，但唔知依 15 位嘅成員之後嘅去何會點呢？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

TVB選秀《聲夢傳奇》15位參賽者揭秘！年紀最細14歲！有人曾參加《造星2》

04 Jan 2021

ViuTV《全民造星3》完結無幾耐，TVB推出歌唱選秀節目《聲夢傳奇》，15位參賽者平均年齡非常年輕，最大得25歲，更曾喺台慶上表演，個個超有台型，即睇佢哋有咩來頭！

1. 鍾柔美（Yumi）
年齡：14

係中菲混血兒，屬於全部參賽者中年齡最細嘅，但自小已接受樂器、唱歌、跳舞訓練，更有學習演戲，已經參演過大台劇集。佢亦係女童組合「A Little Bit Shy」成員。

2. 姚焯菲（Chantel）
年齡: 14

喺台慶上表演《說散就散》，唱腔雄厚，有成為新一代巨肺潛質。

3. 詹天文（Windy）
年齡：14

同樣年紀輕輕，喺第一次召集中同其餘兩位同齡朋友合唱《到此為止》，唱功不俗。

4. 炎明熹（Gigi）
年齡：15

眉上留海超有特點，唱功超群，自小已多次參加歌唱比賽，更獲獎無數。雖然仲係中學生但勁有台型，喺台慶壓軸唱陳奕迅《紅玫瑰》、第一次召集唱王菲《守望麥田》亦表現得好好。

5. 林君蓮（Kaitlyn）
年齡: 17

喺加拿大讀書，非常有自信，第一次召集時同另一位參賽者合唱《有一種悲傷》表現不佳，佢更直言對方「有少少拖累我」，佢表示自己曾有機會去韓國做練習生，但因父母反對而最後無去到。

6. 林沚羿（Venus）
年齡: 20

喺倫敦藝術大學讀書。

7. 文凱婷（Aeren）
年齡: 19

8. 蔡愷穎（Lolita）
年齡: 17

9. 潘靜文（Sherman）
年齡: 22

10. 林智樂（Felix）
年齡: 17

識彈結他，自彈自唱難佢唔到。

11. 黃奕斌（Hugo）
年齡: 20

喺新加坡讀書，之後就讀於北京中央戲劇學院，唱功唔錯，仲識跳舞！

12. 孫漢霖（Steven）
年齡: 22

外號為「火雞」，佢已喺宣傳片中獻聲，係歌唱學校學生。為參加《聲夢傳奇》選擇跳出舒適圈，辭去做咗4年嘅工作。

13. 冼靖峰（Archie）
年齡: 22

參加過《全民造星2》，不過60強就被淘汰。

14. 何晉樂（Rock）
年齡: 24

剛從英國畢業，拋下藥劑師身份隻身回港追夢。經常busking，有豐富街頭表演經驗。

15. 張馳豪（Aska）
年齡: 25

係15位參賽者中年紀最大嘅一位，佢同林君蓮（Kaitlyn）合唱時被對方指「無晒之前傾好咗嘅節奏感」，更直指佢「拖累」自己，而Aska亦承認自己狀態唔好，影響咗對方。

星夢傳奇台慶表演：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）