香港春季10大賞花地點 櫻花/桃花/鬱金香都有得睇!

香港春季10大賞花地點 櫻花/桃花/鬱金香都有得睇!

ByElla on 23 Feb 2021

春季一到,繁花盛開,雖然今年冇得去日本睇櫻花,不過都可以喺香港賞花!今次為大家整理香港春季10大賞花地點,唔止櫻花,桃花、鬱金香及吊鐘花等都有得睇!

#櫻花

大嶼山昂坪
昂坪市集種植咗多棵櫻花樹,大約2至3月開花,一出纜車站就會見到桃紅色嘅櫻花,賞櫻後仲可以行埋市集、睇埋大佛~


在 Instagram 查看這則貼文

笨津(@monkeyekika)分享的貼文

交通方法:於東涌乘搭昂坪360纜車或大嶼山巴士23號。

將軍澳單車公園
將軍澳單車公園內嘅櫻花樹大約3月就會開花,唔想山長水又遠地去到大嶼山睇,都可以選擇喺市區賞櫻~


在 Instagram 查看這則貼文

Ok Law(@law1145_18)分享的貼文

交通方法:坑口站B2出口步行約10分鐘。

大埔海濱公園
大埔海濱公園嘅櫻花品種係鐘花櫻桃,大約1月至3月開花,不過數目唔多,只有幾棵。


在 Instagram 查看這則貼文

Erica.C(@ericachankhlife)分享的貼文

交通方法:於大埔墟站乘搭K17巴士,富善巴士總站下車後步行至完善公園,經行人隧道便可到達。

大帽山扶輪公園
大帽山扶輪公園嘅櫻花品種係緋寒櫻,大約2月中旬至3月上旬開花,數目大概有40幾株,賞完櫻仲可以行埋山~

Photo from Pinterest

交通方法:於荃灣站A出口巴士站乘搭51號巴士至郊野公園站,下車後沿大帽山道前往。

#鬱金香

西貢白腊村
西貢白腊灣有「香港馬爾代夫」之稱,而白腊村內更有一大片鬱金香田供遊人打卡欣賞,據聞呢片鬱金香田係1月先開始種植,相信好快會成為新晉打卡熱點!

交通方法:於西貢乘搭的士到白腊村,下車後步行15分鐘。或可於星期日及公眾假期於西貢乘搭9A小巴。

#桃花

大埔慈山寺
新春期間就一定要賞桃花啦~大埔慈山寺有500株桃花,睇完桃花仲可以去參拜,祈求新一年事事如意~

廣告
廣告

在 Instagram 查看這則貼文

@tashigyurme_ 分享的貼文

交通方法:於大埔墟站乘搭20T號小巴前往。

#吊鐘花

西貢大枕蓋
西貢大枕蓋山係觀賞吊鐘花嘅勝地,大約2月開花,花樹遍佈山上各處。

交通方法:於西貢乘搭94號巴士到上窰站,下車後登上大枕蓋山。

港島紫蘿蘭山
除咗大枕蓋山,紫蘿蘭山都可以欣賞到吊鐘花,而吊鐘花多數集中喺山腰位置。


在 Instagram 查看這則貼文

Adino Chung(@adinochung)分享的貼文

交通方法:於中環交易廣場巴士總站乘搭6號巴士,於黃泥涌水塘公園站下車。

#杜鵑花

馬鞍山公園
馬鞍山公園係觀賞杜鵑花嘅最佳地點,有香港杜鵑、紅杜鵑及華南杜鵑等品種,花期係3月中旬至4月。


在 Instagram 查看這則貼文

kenny 何建寧(@kennystarry)分享的貼文

交通方法:馬鞍山站A出口。

#風鈴木

南昌公園
想睇黃花風鈴木就一定要去南昌公園啦,花期大約係3月至4月,屆時成個公園都係黃色一片,絕對係打卡必到!

交通方法:南昌站D1出口。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook