【鍾培生身家】百億富三代淺水灣5層逾萬呎豪宅全面睇！超豪生活曝光求其一架跑車夠林作買過百套西裝

時事熱話生活熱話娛樂新聞

By Jennifer on 22 Feb 2021

Digital Editor

鍾培生同林作嘅「擂台對決」仍在繼續，不過大家都唔睇好林作可以打贏鍾培生，更指鍾生來頭甚大，直指林作得罪錯人！鍾培生獲稱為「百億富三代」，究竟佢家族同佢本人有咩背景？

Photo from 林作IG

起初僅因為林作多口一句「抄我100萬？」即引嚟鍾培生邀戰，更豪晒$100萬現金要同林作對打！

Photo from 鍾培生IG

林作公開呼籲TVB副總經理曾志偉買下「臨終之戰」直播權：「我能夠一舉將收視推上當年高峰。」勁睇得起自己！鍾培生仲印埋合約，不過就被「大狀」林作直指係「垃圾」，更當場撕爛。

Photo from 林作IG

連林作前女友麥明詩都曾表示期待兩人對打，希望擂台戰可以成事。雖然有唔少人「食花生」，不過實際上都唔睇好林作會贏到。

Photo from 鍾培生IG

原因除咗因為鍾培生本人有打開拳，仲因為論「家底背景」，林作可以話係「無得比」。

#「百億富三代」家族顯赫

一般有錢人可能係「富二代」，但鍾培生係「富三代」，上市公司華廈置業創辦人鍾江海就係佢爺爺，佢爺爺有「工廈大王」之稱，公司旗下有眾多商廈、工廈、住宅物業。

Photo from 鍾培生IG

以前住山頂，依家全家住淺水灣黃金地段。

Photo from 鍾培生IG

#家住淺水灣逾萬呎豪宅

既然係「百億富三代」，屋企自然相當豪華。鍾培生屋企位於淺水灣，共5層過萬呎！

Photo from 鍾培生IG

Youtuber聖結石Saint就探訪過鍾培生嘅淺水灣豪宅。

Photo from 聖結石Saint Youtube Channel

家中有麻雀房、酒窖、Playroom、健身室、蒸氣室、衣帽間等，除咗鍾培生同父母之外，仲有10位外傭單獨住一層（鍾培生稱唔清楚家中有幾多位傭人，隨口回答「10吧！」）。

Photo from 聖結石Saint Youtube Channel

廚房分中西式，家中有卡啦ok設施，另外熱愛打拳嘅鍾培生喺花園更設有打拳擂台。車庫亦有多部名車如法拉利。

Photo from 鍾培生IG

#17歲開始炒股賺錢

鍾培生家底豐厚，17歲已用屋企人嘅股票戶口作投資股票，初次炒股就贏到$20萬！

Photo from 鍾培生IG

到18歲佢炒賣高風險期指再賺超過$1,000萬！

#創立逾$3億電競王國

2013年佢成立香港電競有限公司，打造香港首支職業電競戰隊，現時喺《英雄聯盟》、《爐石戰記》、《傳說對決》等都有隊伍，估計公司資產達3億港元以上。

Photo from 鍾培生IG

佢更為自己旗下嘅電競戰隊建立「HKE電競大樓」。

Photo from 鍾培生IG

#30歲仍單身

現年30歲嘅鍾培生仲係單身人士，佢曾透露自己自10左右暗戀初戀女友十幾年，去到24歲先同人拍拖，可惜戀情但維持5個月。

不過佢都有唔少緋聞女友，包括陳婉衡、蔣家旻等。佢嘅Youtube亦邀請過好多女生出演《Date With 鍾培生》，包括陳嘉倩、張欣欣等。

Photo from 鍾培生IG

鍾培生有打開拳，參加過唔少拳賽，林作似乎勝算不大，連林作女友裕美都唔睇好男友，仲叫佢留啲錢畀自己。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

林作要網民每人畀70蚊幫佢籌旗隻揪見鍾培生晒100萬現金即笠水

19 Feb 2021

「富三代」鍾培生近日喺網上公開向林作宣戰隻揪，指如果林作勝出會代佢出$100萬，林作初時大晒拳擊照表示「驚都未驚過」，但後來開始「縮沙」，表示對方未夠知名度，更籌旗$200萬想買起鍾培生畀佢打。

Photo from 鍾培生IG

鍾培生家底雄厚，係香港電子競技有限公司創辦人兼行政總裁。早前林作喺鍾培生派$100萬嘅報道下留言：「抄我100萬？」

Photo from 鍾培生IG

估唔到鍾培生直接喺IG Story tag林作：「你咁想紅我幫你，我哋打一場，你贏咗我幫你找100萬，你輸咗我都畀30萬出場費你」公開挑機！

Photo from 林作IG

睇鍾培生IG就知道，佢係有打開拳。林作同佢對打應該無乜勝算。

Photo from 鍾培生IG

Photo from 林作IG

鍾培生更親自現身連登表示會同林作「上擂台隻揪」，仲話無嘢想同林作扯上關係，諷刺道：「你唔係裸跑都唔敢同我隻揪呀話」

Photo from 林作IG

林作其後晒拳擊照稱：「驚都未驚過。我打開」之後又post片發起眾籌，話有70萬就會同鍾培生「隻揪」，而鍾培生親到林作IG下留言：「你唔使呃香港人錢，你有一球就肯打，冇問題港幣1,000,000你贏輸都有，我依家book場，搵production，同寫合約，你唔好縮沙就OK」

Photo from 林作IG

眼見鍾培生逼得咁緊，林作似有「縮沙」之意，佢表示近日因工作太忙無暇顧及鍾先生嘅邀約。仲擺埋阿媽上枱，話媽媽表示唔認識鍾先生，擔憂未夠知名度，需要少少時間起底並衡量：「我們不懷疑對方家底比自己厚，但有錢不代表一切。」

Photo from 林作IG

鍾培生對此表示：「又係你自己話差70萬就同我死過，乜原來賣保險可以咁無誠信」

Photo from 鍾培生IG

「縮沙」過後，林作再發表宣言，公開向鍾培生講：「我俾200萬你，你俾我打一鑊，最好睇。」但網友已睇出林作淆底：「明明連100萬都冇要問人乞$70 淆底唔敢打就話俾返200萬叫人俾你打」，更封佢為「林笠水」。

Photo from 林作IG

見林作想笠水，鍾培生豪晒100萬現金：「林作呢度100萬你簽左就係你嘅。我本身唔識你，你零誠信令我睇唔起你，唔該你唔好再抽我水，我唔想同你拉上任何關係。擂台面前人人平等，你要借我上位擂台見。我相信打得成，會係近年來香港人最開心嘅事。」

Photo from 鍾培生Facebook

Text: HolidaySmart Editorial

林作籌旗一百萬請人，賤賣名牌西裝　被網民取笑：你咁XX送都著唔到！

18 Feb 2021

林作自早前擬似街頭裸跑找數後，最近佢又有新搞作喇！林作不時都會喺 Facebook 上同大家分享佢同團隊從事保險嘅好成績，不過近日佢就突然拍片話要賣咗上年引起唔少話題嘅名牌西裝嚟籌旗，但網民就好似唔多睇好喎！

Photo from 林作/Facebook

林作喺去年 7 月時就出 post 講過「冇行業俾保險更好搵。Ibankers、大律師、醫生，喺我年紀都唔會捨得買 Brioni、Tom Ford. 我已經有5套。」當時就被網民批評佢炫富，但後嚟又話「一切不過是宣傳」，令人估唔到佢到底想點。

Photo from 林作/Facebook

而近日佢又有新搞作喇！林作突然喺 Facebook 上傳一段半價賣 Brioni 西裝嘅片表示自己急需要籌集 100 萬港幣嚟畀佢嘅林作團隊去招募 100 人，因此唯有賣咗依件「全港可能最著名的一套西裝」。

Photo from 林作/Facebook

佢喺片中就著上依件西裝展示畀大家睇，並留言指：「我依家半價 22500 元出售，Size 46 短版 Asian Fitting, Super 160’s 深藍色全羊毛布料，機會難得！非常軟熟，shoulder line全手工製作，一睇就知名貴。想有專業裁縫級別而且要世界大牌子，非 Brioni 莫屬。如果唔係 James Bond 同特朗普點會著咗咁多年？」