林作自稱10幾年前曾學泰拳，今正式拜師迎戰鍾培生：我背負住香港人希望　

鍾培生同林作嘅「林鍾一戰」喺早前林作正式接受挑戰後，二人未正式埋牙就已經頻頻隔空「開戰」，為對決積極作準備。依日林作正式向有拳王「轟炸機」之稱嘅資深搏擊教練向柏榮拜師學藝。

雖然林作曾經表示自己喺 10 幾年前學過泰拳，但對搏擊一竅不通，所以今次就正式聽取師傅意見，仲揚言有信心打殘有「香港電競之父」之稱的富三代鍾培生。

有指林作今日正式同教練向柏榮拜師，而佢喺接受媒體訪問時更表示自己唔會有壓力，仲埋今次好難唔打，因為 100 萬唔係個個都有機會，而佢又咁啱需要依筆錢嚟擴充事業，所以點都會打。

之後林作直言：「今次係代表香港宅男、普通人家，喺佢（鍾培生）眼中，我哋全部都係普通人，所以我係背負香港幾百萬人嘅希望，會加倍努力。」

另外，提到媽媽同女友支唔支持今次大戰時，佢就指媽媽唔止冇反對仲 100% 支持，佢仲喺 IG story 上傳咗媽媽撐佢嘅影片：「打爆佢（鍾培生），我一定支持，打鑊佢，你一定要爭氣，贏番嚟！」

而身為佢女友嘅裕美雖然就曾經講過想見證林作被打，不過佢就一啲都唔介意仲笑笑口話：「我們關係時好時差，佢有時好想借其他人嚟出一口氣。」

咁睇嚟林作今次真係信心十足喎！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

【鍾培生身家】百億富三代淺水灣5層逾萬呎豪宅全面睇！超豪生活曝光 求其一架跑車夠林作買過百套西裝

22 Feb 2021

鍾培生同林作嘅「擂台對決」仍在繼續，不過大家都唔睇好林作可以打贏鍾培生，更指鍾生來頭甚大，直指林作得罪錯人！鍾培生獲稱為「百億富三代」，究竟佢家族同佢本人有咩背景？

Photo from 林作IG

起初僅因為林作多口一句「抄我100萬？」即引嚟鍾培生邀戰，更豪晒$100萬現金要同林作對打！

Photo from 鍾培生IG

林作公開呼籲TVB副總經理曾志偉買下「臨終之戰」直播權：「我能夠一舉將收視推上當年高峰。」勁睇得起自己！鍾培生仲印埋合約，不過就被「大狀」林作直指係「垃圾」，更當場撕爛。

Photo from 林作IG

連林作前女友麥明詩都曾表示期待兩人對打，希望擂台戰可以成事。雖然有唔少人「食花生」，不過實際上都唔睇好林作會贏到。

Photo from 鍾培生IG

原因除咗因為鍾培生本人有打開拳，仲因為論「家底背景」，林作可以話係「無得比」。

#「百億富三代」家族顯赫

一般有錢人可能係「富二代」，但鍾培生係「富三代」，上市公司華廈置業創辦人鍾江海就係佢爺爺，佢爺爺有「工廈大王」之稱，公司旗下有眾多商廈、工廈、住宅物業。

Photo from 鍾培生IG

以前住山頂，依家全家住淺水灣黃金地段。

Photo from 鍾培生IG

#家住淺水灣逾萬呎豪宅

既然係「百億富三代」，屋企自然相當豪華。鍾培生屋企位於淺水灣，共5層過萬呎！

Photo from 鍾培生IG

Youtuber聖結石Saint就探訪過鍾培生嘅淺水灣豪宅。

Photo from 聖結石Saint Youtube Channel

家中有麻雀房、酒窖、Playroom、健身室、蒸氣室、衣帽間等，除咗鍾培生同父母之外，仲有10位外傭單獨住一層（鍾培生稱唔清楚家中有幾多位傭人，隨口回答「10吧！」）。

Photo from 聖結石Saint Youtube Channel

Photo from 聖結石Saint Youtube Channel

Photo from 聖結石Saint Youtube Channel

Photo from 聖結石Saint Youtube Channel

Photo from 聖結石Saint Youtube Channel

廚房分中西式，家中有卡啦ok設施，另外熱愛打拳嘅鍾培生喺花園更設有打拳擂台。車庫亦有多部名車如法拉利。

Photo from 鍾培生IG

#17歲開始炒股賺錢

鍾培生家底豐厚，17歲已用屋企人嘅股票戶口作投資股票，初次炒股就贏到$20萬！

Photo from 鍾培生IG

到18歲佢炒賣高風險期指再賺超過$1,000萬！

#創立逾$3億電競王國

2013年佢成立香港電競有限公司，打造香港首支職業電競戰隊，現時喺《英雄聯盟》、《爐石戰記》、《傳說對決》等都有隊伍，估計公司資產達3億港元以上。

Photo from 鍾培生IG

佢更為自己旗下嘅電競戰隊建立「HKE電競大樓」。

Photo from 鍾培生IG

#30歲仍單身

現年30歲嘅鍾培生仲係單身人士，佢曾透露自己自10左右暗戀初戀女友十幾年，去到24歲先同人拍拖，可惜戀情但維持5個月。

不過佢都有唔少緋聞女友，包括陳婉衡、蔣家旻等。佢嘅Youtube亦邀請過好多女生出演《Date With 鍾培生》，包括陳嘉倩、張欣欣等。

Photo from 鍾培生IG

Photo from 鍾培生IG

Photo from 鍾培生IG

鍾培生有打開拳，參加過唔少拳賽，林作似乎勝算不大，連林作女友裕美都唔睇好男友，仲叫佢留啲錢畀自己。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）