盤點10大餅印星二代！陳茵媺母女/王祖藍父女似到十足十

娛樂圈唔少父母都中意喺IG大晒仔女嘅可愛日常照，其中更有好多星二代同爸爸媽媽生到成個餅印咁！快啲睇下圈中有邊啲同父母超似樣嘅星二代！

#胡杏兒母子

視后胡杏兒喺IG晒出童年照，更與細仔Ryan作對比：「像嗎？」兩母子笑容燦爛，表情一致！眾多圈中好友鍾嘉欣、楊茜堯等都表示佢哋兩母子好似樣！

#陳茵媺母女

陳茵媺同細女Camilla都好似樣，Camilla仲試過戴皇冠扮香港小姐，同港姐冠軍媽媽撞樣～

#羅子溢父女

羅子溢同楊茜堯錫到囡囡小珍珠濃，成日喺IG post出女兒可愛照，有唔少網民都話小珍珠同爸爸好似樣，尤其係一雙眼睛，都係咁大咁精靈！

#陳小春父子

陳小春同兒子Jasper簡直餅印！Jasper初初上《爸爸去哪兒》更獲稱為「小小春」，不過Jasper中意笑，感覺更加開朗。

#鍾嘉欣母女

雖然有好多網友都認為鍾嘉欣一對仔女同爸爸比較似樣，但睇返鍾嘉欣嘅童年照，原來囡囡Kelly同媽媽都係餅印。

#鄭嘉穎父子

鄭嘉穎陳凱琳嘅大仔鄭承悅（Rafael）超可愛！鄭嘉穎喺IG曾post過父子側面對比照，的確有幾分相似。

#王祖藍父女

王祖藍大女Gabby遺傳媽媽李亞男嘅身高，年紀小小已有一雙長腿，王祖藍曾post出同女兒合照，相中兩父女一樣pose、一樣表情，似到十足十。

#張繼聰父子

張繼聰之前喺IG post過佢童年與杜德偉合照，同大仔張瞻嘅作對比，網民驚奇發現原來佢兩父子相當似（亦發現杜德偉無乜點變過）。

#錢家樂父女

錢家樂大女Alyssa錢凱晴同爸爸勁似樣！錢家樂同湯盈盈都成日喺IG大晒一家四口嘅幸福合照～Alyssa同爸爸似樣到一睇就知係親生！

#邱淑貞母女

獲封「最美星二代」嘅沈月盡得大美人媽媽嘅真傳，而沈月一向被稱為係邱淑貞3個女兒中最似媽媽嘅一個，外界亦經常將佢同媽媽邱淑貞後生時比較，睇相沈月真係同佢媽媽年輕時嘅神態好似。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

蔡少芬張晉大女二女與父母一個餅印！一個似媽一個像爸！

16 Nov 2020

蔡少芬同老公張晉育有兩女一子，日前幫細仔慶祝生日，公佈仔仔小名為「張魚蛋」，另外張家大女二女曝光，同爸爸媽媽超似樣！仲要一個似張晉，一個似蔡少芬，引起網民熱議！

今年47歲嘅蔡少芬，同老公張晉育有兩女一子，其中大女張楚兒今年9歲、次女張信兒7歲、細仔張樂兒1歲。

Photo from 蔡少芬微博

早前仔仔張樂兒一歲生日，媽媽蔡少芬同兩個家姐齊齊為張樂兒慶祝。

Photo from 蔡少芬微博

媽媽蔡少芬晒出合照：「張魚蛋先生你好，從未想過你會來到我們這個大家庭，有了你，每個人都說我這個媽媽好幸福，兒女雙全，我只想說，你爸@张晋max 很幸福才對，因家中不止他一個男人了！有人陪他泡溫泉、打游戲、打武術。。他不再孤單了！?愛你愛你！願你快樂健康成長！媽媽上！(為什麽我想流眼淚呢) 」

Photo from 蔡少芬微博

Photo from 蔡少芬微博

仔仔被媽媽同兩個家姐啜爆，超可愛！不過兩位家姐同樣搶眼，原來佢哋同爸爸媽媽簡直係餅印一樣～

Photo from 蔡少芬微博

二女張信兒（右一）似爸爸張晉，而大女張楚兒（右二）就似媽媽蔡少芬，連網民都表示：「旁邊是一個小蔡少芬抱著小張晉哈哈哈哈哈哈」

Photo from 蔡少芬微博

Photo from 蔡少芬微博

而爸爸張晉雖然不在場，但亦有留言：「魚蛋，爸爸沒能陪你過第一個生日，有點遺憾。爸爸沒在家，你現在是家裡唯一的男人，保護好她們仨哈」

Photo from 蔡少芬微博

大家覺得似唔似？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

李元元同媽媽童年照撞樣！大眼睛+圓臉簡直餅印 完美複製髮型/表情

8 Feb 2021

李璨琛女兒李元元（Lucy）憑圓碌碌身型吸引無數粉絲！近日李璨琛老婆梁志瑩喺IG post出自己嘅童年照，同女兒近照作對比，竟發現兩母女似到十足十！

Photo from 李元元IG

李璨琛女兒李元元年僅兩歲，但係因為圓碌碌肚腩仔同埋肉肉面珠躉成為超高人氣星二代，IG followers高達21萬！

Photo from 李元元IG

李元元媽媽經常會喺IG post女兒嘅可愛照，李元元肥嘟嘟嘅「靴型面」更獲譽為「真人版蠟筆小新」。

Photo from 李元元IG

原來李元元唔止撞面蠟筆小新，更好似一個人。

Photo from 李元元IG

呢個人就係佢媽咪梁志瑩喇！近日李元元媽媽喺IG post咗自己嘅童年照，仲拎埋同李元元作對比，兩母女如同餅印！

Photo from 李元元IG

Photo from 李元元IG

肥嘟嘟圓臉同大大嘅眼睛都一模一樣！連髮型、表情都好似複製咁！

Photo from 李元元IG

李元元媽媽更表示：「講一個殘酷嘅現實畀大家聽，其實呢幾年，你哋愛上嘅並唔係李元元」原來應該係李媽媽。

Photo from 李元元IG

網民都感歎佢哋母女似到十足十：「似孖生姊妹！」，不過有網友搵到少少嘅分別，就係李媽媽有頸，而李元元無。

Photo from 李元元IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）