download HolidaySmart 假期日常 app
楊明餐廳疑似再度違規 有機會被吊銷牌照?食客本想打卡朝聖 怎料成揭露違規有力證據?!

楊明餐廳疑似再度違規 有機會被吊銷牌照?食客本想打卡朝聖 怎料成揭露違規有力證據?!

時事熱話 娛樂新聞
By Stephanie on 24 Feb 2021
Digital Content Writer

近日有傳媒報導,藝人楊明嘅餐廳被發現違例!事關楊明位於工業大廈地庫嘅餐廳暫時只有工廠食堂牌照,只可以招待工廈內工作嘅員工,但佢就疑似違反規定招待街客堂食。因為唔少網民打卡同上載食評上網站,而令事件曝光,唔知又點收科呢!

楊明IGPhoto from 楊明IG

楊明孖住女友莊思明近年齊齊進軍飲食業,根據資料顯示,楊明係2020年一月已經違反過一次食品牌照嘅規例。因為當時楊明位於工廈嘅餐廳只係持有食物製造廠牌照,係唔可以招待非該大廈嘅員工堂食,而佢疑似招待街客,食環署亦有做出行動,向負責人提出檢控,但估唔到今次竟然疑似再犯。

楊明IGPhoto from 楊明IG

因為有唔少嘅網民專城去餐廳用餐後打卡甚至寫食評詳細描述食物、環境等,更有上載與楊明女友莊思明嘅合照,令事件曝光。按照食物環境衛生署官方網站開資料顯示,楊明嘅餐廳暫時只有工廠食堂牌照,而呢個牌照理應只可以喺招待該工廈內工作嘅人堂食。但多數食客都表示自己係「收工後趕過去」或者「專程坐車去試食」,「地方唔難搵」等等,疑似唔係在該大廈內工作,這些食評變相成為餐廳違規的有力證據。

OpenRicePhoto from OpenRice

OpenRicePhoto from OpenRice

OpenRicePhoto from OpenRice

雖然未知楊明是否知情或者以餐廳目前持有牌照是否屬於違規,但政府亦有相關條例亦寫明,若果持牌人重複違規有機會會被取消牌照。

其實楊明近年都有唔少負面新聞纏身,2020年8月喺半山馬己仙峽道被發現酒後駕駛,被警方當場拘捕。而佢酒駕嘅案件已經排期到今年3月2日再開審,如果要加埋今次嘅違規事件,相信都有排煩喇。

TVBPhoto from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

更多相關文章

楊明撞毀戰前所建石牆!有超過80年歷史 或被追討$25萬修復費 

Aug 17, 2020

TVB藝人楊明8月頭駕車轉彎時失控,撞毀位於馬己仙峽道一幅3米砌石牆。撞毀石牆為戰前所建,有超過80年歷史。路政署就交通意外調查後,或有追討楊明$25萬修復費。

TVB藝人楊明8月8日凌晨撞車,撞毀路邊石牆。事後TVB訪問當事人,佢表示當日太攰,撞車一刻「斷片」。

TVB藝人楊明8月8日凌晨撞車,撞毀路邊石牆Photo from 楊明IG

楊明堅稱事發一刻無印象,又指最近晚晚好夜瞓。

楊明堅稱事發一刻無印象,又指最近晚晚好夜瞓。Photo from 楊明IG

雖然好彩無造成傷亡,但卻撞毀位於馬己仙峽道一幅3米砌石牆。

雖然好彩無造成傷亡,但卻撞毀位於馬己仙峽道一幅3米砌石牆。Photo from 楊明IG

據知撞毀石牆為戰前所建,有超過80年歷史。建造方法、建造材料等都好有歷史價值。

據知撞毀石牆為戰前所建,有超過80年歷史Photo from 楊明IG

而路政署喺交通意外調查完成後,會按實際情況向涉事人士追溯有關修復、行政費用等。估計楊明或要賠償$25萬港元。

估計楊明或要賠償$25萬港元。Photo from 楊明IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel