download HolidaySmart 假期日常 app
41歲陳喬恩被朋友公開冇美肌素顏照!被網友彈同細9歲男友似兩個年代人

41歲陳喬恩被朋友公開冇美肌素顏照!被網友彈同細9歲男友似兩個年代人

生活熱話 娛樂新聞
By Celia on 25 Feb 2021
Digital Editor

現年41歲嘅一代台灣偶像劇女王陳喬恩當年憑住《王子變青蛙》、《命中注定我愛你》等經典陪偶像劇一躍升為一線女星,當然仲佢嘅作品亦陪住唔少人成長!早年佢就將重心轉移去大陸,仲拍過唔少話題劇,如:《佳期如夢》、《勝女的代價》、2013 年版嘅《笑傲江湖》以及《獨孤皇后》等。不過佢不時都會返台灣同好友聚會,而喺最近佢就因為一張聚會嘅合照引起網友同熱議。

現年41歲嘅一代台灣偶像劇女王陳喬恩當年憑住《王子變青蛙》、《命中注定我愛你》等經典陪偶像劇一躍升為一線女星

陳喬恩雖然已踏入 40 歲,但睇起嚟依然相當童顏,不時仲會喺社交平台分享其生活照同自拍,不過就因為佢嘅樣貌變化多次引起網民熱議,從當年佢清純無害樣,到現時瓜子臉、高挺鼻嘅網紅樣,同當年完全唔同,令粉絲大嘆佢失去個人特色!

《命中注定我愛你》

《勝女的代價》

《獨孤皇后》

而去年佢就因為拍攝配對節目《女兒們的戀愛》同細 9 歲嘅馬來西亞富二代曾偉昌(Alan)擦出愛火,二人不時甜蜜放閃,現時嘅佢絕對可以話係事業、愛情兩得意!

去年佢就因為拍攝配對節目《女兒們的戀愛》同細 9 歲嘅馬來西亞富二代曾偉昌(Alan)擦出愛火

二人不時都會上傳合照放閃

近日陳喬恩更被拍到素顏、體態圓潤現身台北街頭,傳聞指佢正在秘密調理身體,亦為此推咗唔少劇本邀約,擬似為人生下一個階段作準備!

近日陳喬恩更被拍到素顏、體態圓潤現身台北街頭

陳喬恩同小鮮肉男友曾偉昌嘅感情可以話係一日千里,近日佢就同埋男友一齊現身好友嘅聚會,相中陳喬恩雖然舉 V 遮住半張素顏樣,但依然難掩佢嘅歲月痕跡,再加上佢著上鬆身嘅冷衫,因此令網友們都不禁直言佢兩個睇起嚟唔似情侶,似兩個唔同年代嘅人:「看起來蒼老了不少,素顏狀態的陳喬恩狀態並不是很好,就像是兩個年代的人,看不出是一對情侶。」

陳喬恩雖然舉 V 遮住半張素顏樣,但依然難掩佢嘅歲月痕跡

令網友們都不禁直言佢兩個睇起嚟唔似情侶,似兩個唔同年代嘅人

當年亦有網友指以陳喬恩41歲嘅狀態嚟講,已經算keep得唔錯。

當年亦有網友指以陳喬恩41歲嘅狀態嚟講,已經算keep得唔錯。

唔知大家又點睇呢?

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳喬恩近照被批「完全認唔出」 回顧偶像劇女王19年間樣貌進化史

05 Nov 2020

一代偶像劇女王陳喬恩嘅作品,如《王子變青蛙》、《命中注定我愛你》等陪伴住唔少人長大!但陳喬恩近年專注喺中國發展,佢日前返台就約咗唔少演藝朋友出嚟聚會,其中佢同鄭元暢嘅合照就好受爭議,唔少網民都話完全認唔出佢,仲問佢係咪 P 重手咗!

ig@iam_joechenPhoto from ig@iam_joechen

陳喬恩出道 19 年間愈變愈靚,同初出道時真係好大分別,所以經常捲入整容疑雲,網上更有唔少分析指出陳喬恩邊度動咗刀。

陳喬恩個樣喺19年間真係變化不少

2001年,陳喬恩憑住《薰衣草》出道,當時佢喺入面只係一個「茄哩啡」,而佢嘅樣都仲係好稚嫩,帶有少少baby fat!

《薰衣草》劇照Photo from 《薰衣草》劇照

好細個!Photo from 《薰衣草》劇照

2003年,陳喬恩開始為人認識,仲喺《千金百分百》入面飾演主角之一「梁小鳳」。嗰時嘅佢腮骨都幾大,但對眼都係咁精靈咁大~

有啲位見到佢腮骨會突出Photo from 《千金百分百》劇照

《千金百分百》劇照Photo from 《千金百分百》劇照

2005年,陳喬恩喺《王子變青蛙》入面飾演鄉下妹「葉天瑜」,依家睇返佢嗰時嘅妝髮都幾驚嚇!而陳喬恩當時山根位都低,鼻翼位都較大。

個頭好驚嚇!Photo from 《王子變青蛙》劇照

嗰時都係唔多見到山根位Photo from 《王子變青蛙》劇照

2008年,陳喬恩出演咗《命中注定我愛你》嘅「陳欣怡」,仲憑角色入圍金鐘獎戲劇節目女主角獎。陳喬恩塊臉清減不少,成個 V 臉出晒嚟,個山根位亦都明顯咗~

《命中注定我愛你》Photo from 《命中注定我愛你》

《命中注定我愛你》劇照Photo from 《命中注定我愛你》劇照

塊臉比起初出道瘦咗好多Photo from 《命中注定我愛你》劇照

2010年以後,陳喬恩嘅發展重心轉至中國,以拍攝當地劇集為主,如《佳期如夢》、《勝女的代價》等。

個鼻挺到!Photo from 《勝女的代價》

《勝女的代價》劇照Photo from 《勝女的代價》劇照

2013年,陳喬恩出演咗《笑傲江湖》,角色更加被稱為史上最妖媚嘅東方不敗!而佢嘅五官唔單止立體咗,臉型都比起初出道嗰時細咗好多!

《笑傲江湖》劇照Photo from 《笑傲江湖》劇照

《笑傲江湖》劇照Photo from 《笑傲江湖》劇照

2016年,陳喬恩喺《嫁個老公過日子》入面飾演空姐「陳佳玉」。佢個樣已經無咩baby fat,脫離稚嫩樣~

《嫁個老公過日子》劇照Photo from 《嫁個老公過日子》劇照

塊臉又再細咗一個碼!Photo from 《嫁個老公過日子》劇照

《嫁個老公過日子》劇照Photo from 《嫁個老公過日子》劇照

2019年,陳喬恩喺《獨孤皇后》入面個樣已經靚咗好多!可以見到佢個鼻好挺,仲由初出道嘅國字臉變成瓜子臉。

《獨孤皇后》劇照Photo from 《獨孤皇后》劇照

《獨孤皇后》劇照Photo from 《獨孤皇后》劇照

山根位已經變到好明顯Photo from 《獨孤皇后》劇照

陳喬恩亦不時喺社交平台到分享生活照同自拍,雖然網友們都會讚賞佢個靚樣,但伴隨而嚟嘅亦係一啲質疑佢整容嘅留言!但陳喬恩一於懶理,繼續 post 靚相畀大家睇~

唔知陳喬恩幾時先會返翻台灣拍劇呢?真係好掛住佢呀~

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel