download HolidaySmart 假期日常 app
陳法拉生日晒素顏泳衣照! 網民直稱凍齡美女 好pure好true!

陳法拉生日晒素顏泳衣照! 網民直稱凍齡美女 好pure好true!

娛樂新聞
By Stephanie on 26 Feb 2021
Digital Content Writer

早前剛剛度過39歲生日嘅陳法拉,就喺IG Story轉發咗一張同朋友一齊穿著泳衣嘅合照,素顏嘅法拉皮膚依然好好,難怪網民大讚凍齡有術。無論係佢嘅身材,樣貌,事業定學歷,樣樣都好完美,絕對可以稱得上係人生勝利組!

陳法拉IGPhoto from 陳法拉IG

今年係法拉榮升做媽咪之後嘅第一個生日,相信一定令佢好難忘,佢亦係IG上載咗老公為佢準備嘅生日蛋糕,話「好感恩今年嘅生日可以同父母,老公,囡囡一齊過」。另外,陳法拉仲轉發咗朋友比佢嘅祝福。近期少見法拉po自己嘅素顏相,不過佢皮膚依然好好,令網民不禁驚嘆佢好似唔識變老咁。法拉有透露囡囡同佢一樣有個小酒窩,相信小米妮大個後都一定係個美人喇。

陳法拉IGPhoto from 陳法拉IG

陳法拉IGPhoto from 陳法拉IG

喺今年嘅大年初三(2月14日),陳法拉就突然係IG上傳咗兩張照片,向大家宣布自己已經成為媽咪!一張係自己懷孕嘅時候,另一張就係佢哋兩夫婦同囡囡「小米妮」嘅手大合照。陳法拉一公布呢個消息即刻令網民大跌眼鏡,事關佢平時都會喺IG上載自己嘅生活照,但完全無露出任何懷孕嘅蛛絲馬跡,果然保密功夫一流!

陳法拉IGPhoto from 陳法拉IG

陳法拉IGPhoto from 陳法拉IG

陳法拉喺2014年決定去美國讀碩士學位,2016年認識現任法籍老公Emmanuel Straschnov,二人於2019年5月結婚,時不時都會喺社交平台曬恩愛,十分甜蜜,目前佢就同老公喺美國長住。

陳法拉IGPhoto from 陳法拉IG

陳法拉嘅演藝事業都可以稱得上係一帆風順,佢係2005年透過參選國際華裔小姐競選而入行,之後就加入TVB並有份參與多套家傳戶曉嘅電視劇:《溏心風暴之家好月圓》,《衝上雲霄II》等。

TVBPhoto from TVB

TVBPhoto from TVB

喺2020年,陳法拉仲進軍美國演藝圈接拍美劇《Undoing》,有機會同好多知名嘅荷李活明星合作,大家都好期待法拉產後復出。

陳法拉IGPhoto from 陳法拉IG

HBO劇照Photo from Undoing劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳法拉與奧斯卡影后妮歌潔曼合作美劇首播!進軍荷李活講英文對白無難度!

27 Oct 2020

陳法拉遠赴美國讀書,拍攝嘅電影勇奪7個國際獎。更成功進軍荷李活參演美劇HBO嘅《The Undoing》!與影后妮歌潔曼(Nicole Kidman)、曉格蘭特(Hugh Grant)合作。首集正式播出,法拉講英文對白完全無難度!

陳法拉2014年遠赴美國喺紐約著名學府茱莉亞學院攻讀4年制戲劇碩士課程(Master of Fine Arts),2018年畢業。

陳法拉2014年遠赴美國喺紐約著名學府茱莉亞學院攻讀4年制戲劇碩士課程(Master of Fine Arts)Photo from 陳法拉IG

佢畢業後無回巢,進軍荷李活參演HBO嘅迷你劇《The Undoing》,同劇有英國男星曉格蘭特(Hugh Grant)、影后妮歌潔曼(Nicole Kidman)做主演。

HBO嘅迷你劇《The Undoing》由英國男星曉格蘭特(Hugh Grant)、影后妮歌潔曼(Nicole Kidman)做主演。Photo from 《The Undoing》

劇集改編自小說《You Should Have Known》,講述本來擁有美滿生活嘅治療師(妮歌潔曼飾演)遭遇連番意外,丈夫失蹤,令佢人生急劇變化。劇集於10月26號正式播出,共6集。

劇集於10月26號正式播出,共6集。Photo from 《The Undoing》

陳法拉飾演妮歌潔曼兒子就讀學校中嘅雙胞胎嘅家長Jolene,6集會出演4集。首播已同妮歌潔曼有對手戲!

陳法拉飾演妮歌潔曼兒子就讀學校中嘅雙胞胎嘅家長Jolene,6集會出演4集。首播已同妮歌潔曼有對手戲!Photo from 《The Undoing》

喺外國多年嘅法拉講起英文對白超流利,完全無違和感!佢亦喺IG晒出同劇集男主角曉格蘭特(Hugh Grant)嘅合照。

喺外國多年嘅法拉講起英文對白超流利,完全無違和感Photo from 陳法拉IG

陳法拉喺IG晒出同劇集男主角曉格蘭特(Hugh Grant)嘅合照。Photo from 陳法拉IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel