張致恆手機停用疑似走佬?爆欠債被貼街招 信箱塞滿追數紙張同信件

張致恆手機停用疑似走佬?爆欠債被貼街招 信箱塞滿追數紙張同信件

生活熱話 娛樂新聞
ByCelia on 26 Feb 2021 Digital Editor

近年張致恆(Steven)負評不絕,繼今年初被馮鎵瀠(Naomi)喺 Facebook 鬧爆佢欠錢唔還,仲向圈中朋友四圍借錢,雖然事後佢有向債主公開道歉,並承諾有拖無欠,但事件仲未了結,事關近日佢就再被爆佢因為借錢唔還而被貼街招追數。

張致恆負評不絕繼今年初被爆佢欠錢唔還

近日佢就再被爆佢因為借錢唔還而被貼街招追數。

據知,Steven 去年因為養狗嘅關係就由市區搬入元朗嘅村屋,不過近日就有人爆料指其居住村屋外被貼街招追數,並指連信箱都塞滿追數嘅紙張同信件,疑似 Steven 一家四口已經搬走。

村屋信箱塞滿追數嘅紙張同信件,疑似 Steven 一家四口已經搬走。

而依張街招正正就係佢 2019 年時慶祝生日時影嘅一家三口合照,街招更寫上「老千」、「還錢」等字眼。

街招正正就係佢 2019 年時慶祝生日時影嘅一家三口合照

除此之外,報道中仲爆指有鄰居投訴佢老婆雯雯冇禮貌,鄰里關係好差。

有鄰居投訴佢老婆雯雯冇禮貌,鄰里關係好差。

目前佢嘅電話已停用,而 IG 上嘅最後一個 post 係喺 2 月 17 日佢整焗棉花糖同老婆雯雯補祝情人節。

IG 上嘅最後一個 post 係喺 2 月 17 日佢整焗棉花糖同老婆雯雯補足情人節。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

張致恆被爆借5位數欠債唔還!稱被炒好多次:照顧家庭壓力非常大

27 Jan 2021

張致恆(Steven)同fans雯雯奉子成婚,但被爆出一腳踏五船,形象大插水。馮鎵瀠(Naomi)喺Facebook鬧爆Steven欠錢唔還,Steven最終喺IG向借過錢畀佢嘅人道歉。

張致恆(Steven)喺2019年同fans雯雯結婚,不過當時被爆出佢一腳踏五船!最後雯雯都決定原諒Steven,兩人更兩年抱兩,成四口之家。

廣告
廣告

張致恆(Steven)喺2019年同fans雯雯結婚
Photo from 張致恆IG

早前馮鎵瀠(Naomi)喺網上爆有藝人有錢請工人、買新電器,但唔還錢畀佢:「爭我錢嘅人快啲還錢!」

早前馮鎵瀠(Naomi)喺網上爆有藝人有錢請工人、買新電器,但唔還錢畀佢
Photo from 馮鎵瀠IG

有指欠Naomi錢唔還嘅藝人正正就係Steven,Naomi更直指喺2019年借咗5位數字畀Steven,點知對方到依家都未還錢,更指仲有好多人都中招。

有指欠Naomi錢唔還嘅藝人正正就係Steven,Naomi更直指喺2019年借咗5位數字畀Steven
Photo from 馮鎵瀠IG

Steven喺IG post長文公開道歉:「早喺一年多前因為自己做錯嘅事而令到自己嘅工作完全停頓,喺嗰陣時完全冇收入,迫於無奈下問咗好多朋友借錢,亦都好感恩有好多朋友出手相助先捱得過一段時間」

Steven喺IG post長文公開道歉
Photo from 張致恆IG

佢表示試過搵過好多工、做過好多唔同行業,但因為疫情影響被炒過好多次:「我有努力工作搵錢希望可以支撐到屋企之餘仲可以還到錢俾朋友,但係而家嘅路實在太難行,工作完嘅收入都唔夠屋企開支,想淨少少錢還俾朋友都唔得」

Steven向所有借過錢畀佢嘅朋友道歉:「一直以來我都還唔到錢俾你地真係對唔住,喺嚟緊嘅日子我一定會盡力去工作還錢俾你地!」

張致恆表示試過搵過好多工、做過好多唔同行業,但因為疫情影響被炒過好多次
Photo from 張致恆IG

佢又澄清有錢請工人但唔肯還錢嘅指控:「工人係兩年前已經請嘅,我老婆所講嘅電器都係用電話儲落嚟嘅積分換嘅,兩個仔着嘅都唔係名牌,再加上好多佢哋嘅玩具同埋衣服好多都係佢哋阿婆同埋一啲朋友買來送俾佢哋嘅」

最後佢表示:「要照顧一個家庭壓力非常之大,我亦都好努力去重新做人,只係希望大家可以俾啲機會我同埋俾啲時間我,我一定唔會再令到大家失望!」

不過Naomi唔接受Steven嘅講法,喺Story轉發Steven嘅道歉文並指:「你講過分期還?年半有多,一毫子都無還過我,之前仲unfollow我ig」

Naomi唔接受Steven嘅講法,喺Story轉發Steven嘅道歉文並指:「你講過分期還?年半有多,一毫子都無還過我,之前仲unfollow我ig」
Photo from 馮鎵瀠IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook