Lady Gaga 懸賞50萬美元愛尋犬！寵物保姆反抗護「主」慘遭槍擊　鬥牛幼犬價值高被搶疑同呢樣有關？

By Celia on 26 Feb 2021

Digital Editor

正身在意大利羅馬拍攝新片嘅美國百變天后 Lady Gaga 近日就有報導指其寵物保姆喺美國放狗時遭槍擊，並被疑犯搶走兩隻鬥牛犬 Koji 同 Gustav，目前 Lady Gaga 正以懸賞 50 萬美金希望尋回愛犬。

據外國傳媒報導，Lady Gaga 嘅寵物保姆 Ryan Fischer 喺美國時間 24 嘅晚上於街上放 GaGa 嘅 3 隻愛犬 Koji、Gustav 以及 Miss Asia，期間突然有一輛白色房車喺佢身邊停低，兩名持槍男子從後座衝出，並解除手槍嘅保險要脅 Ryan 交出鬥牛犬。Ryan 反抗，喺與疑犯糾纏間中槍倒地，送院治療後，並冇生命危險。

其後兩名疑犯一人一隻抓走 Koji 及 Gustav開車離開，而 Miss Asia 則及時逃脫，其後被警員尋回。

幸好當時 GaGa 愛犬被綁架嘅過程有被附近居民影低。據美國警方消息指目前已鎖定一輛白色汽車逃脫嘅槍手。而涉事嘅 3 隻狗均屬 Lady Gaga 所有，未知兇徙是否看中佢嘅身份而施襲。

身在羅馬嘅 Lady Gaga 得知消息後，隨即決定懸紅 50 萬美元（約 390 萬港元）呼籲大家提供失蹤愛犬的消息，並講明提供消息嘅人士可直接電郵 KojiandGustav@gmail.com 消息畀佢，而且「不問緣由」。

據美國肯內爾俱樂部稱，法國鬥牛犬排行第四屬矜貴品種，而幼犬嘅價值更可達數千美元，因此近年成為被搶/偷嘅目標，從而轉手出售或用於繁殖。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

Lady Gaga Twitter關注香港市民 8年fans宣布「脫粉」曾與達賴喇嘛3次會面

02 Dec 2019

香港嘅社會運動持續多月，國外有一啲名人都對香港情況表示關注。

好似韓國藝人金義聖咁，多次喺IG轉發相關新聞，韓團Super Junior成員崔始源亦因喺Twitter like咗新聞而被內地網民要求退團。

今日又有另一位外國藝人遭到「脫粉」。就係歐美樂壇天后Lady Gaga。

Photo from Lady Gaga IG

事情係因為Lady Gaga喺Twitter follow咗一位普通香港市民，而呢位香港市民喺Twitter嘅簡介到寫咗一句口號：「光復香港，時代革命」

Photo from Twitter

呢件事被大陸網民發現，紛紛認為Lady Gaga此舉似乎表態支持香港示威者。

其中一個名為「LadyGagaChinaOfficial」嘅微博就post出一段「脫粉信」，指要「脫粉」Lady Gaga。

Photo from 微博

「各位亲爱的欧美粉丝们：本人是5年的Gaga中国官方资讯博，在八年老鳖低谷的时候一直不离不弃日复一日地陪伴着这个女人。但是最近，我发现Gaga的社交账号主动关注了香港的废青，这是我完全不敢想，也从来没有想过的。同样没想过我竟然会有脱粉的这一天。没错，之前嘎嘎和达赖三次会面，我还能带节奏洗成嘎嘎不知情。还有，嘎嘎的官网一直把台湾香港和澳门标注成国家，我很失望，但我承认我也有努力洗白，因为大多欧美艺人都不了解这个，只有少数优秀艺人才会特别标注。至于Gaga主演的电影中有台独旗，我也把锅都推到了电影制作人身上。尽管之前怀疑过Gaga可能真的是三独，但我一直欺骗着自己:一定不是这样的，Gaga一定只是不小心/不知情。但是现在我实在欺骗不了自己的内心了。国家形式严峻，香港十分动荡，Gaga突然主动关注香港废青头子的这一举动是压死我的最后一根稻草，现在无可奈何的我已经脱粉了。我想对这些年来关注我的Gaga粉丝们道歉，希望能及时取关本人－－本人历年资讯已经全部删除！！！下面的视频是老鳖涉嫌三独的证明，这也大致是我脱粉的原因。最后我想说：跟Gaga八年的陪伴固然情深，但是在我心中国家利益大于一切。身为一名中国人，特别是大陆人，我可以保证我问心无愧。#国家面前无偶像##Ladygaga藏独##ladygaga港独##ladygaga三独艺人#」