download HolidaySmart 假期日常 app
《西西弗斯的神話》朴信惠5套必睇劇集 《繼承者們》/《The Call》/《皮諾丘》

《西西弗斯的神話》朴信惠5套必睇劇集 《繼承者們》/《The Call》/《皮諾丘》

電視電影
By Ella on 26 Feb 2021
Digital Content Writer

最近 Netflix 熱播韓劇《西西弗斯的神話》爆紅,被稱為「年度燒腦巨作」,由朴信惠及曹承佑主演,朴信惠喺劇中表現出色,人氣再度急升,今次就為大家整理朴信惠出道以來嘅5套必睇劇集,等大家慢慢重溫~

現年31歲嘅朴信惠係童星出身,11歲踏入娛樂圈,佢嘅第一部影視作品就係港人非常熟悉嘅《天國的階梯》,朴信惠喺劇中飾演「韓靜書」(崔智友 飾)嘅少年時期,成功憑此劇打開知名度。到佢慢慢長大,喺眾多劇集中開始擔任女主角,當中有唔少作品都大受歡迎,包括《繼承者們》、《皮諾丘》等,令佢成為當今韓國炙手可熱嘅一線女演員,亦都喺亞洲地區累積咗高人氣。

現年31歲嘅朴信惠係童星出身,11歲踏入娛樂圈。Photo from ssinz7@IG

朴信惠嘅第一部影視作品就係港人非常熟悉嘅《天國的階梯》,朴信惠喺劇中飾演「韓靜書」(崔智友 飾)嘅少年時期,成功憑此劇打開知名度。Photo from 《天國的階梯》

《原來是美男》

《原來是美男》可以話係幫朴信惠打開海外知名度嘅代表作品之一,劇集由朴信惠、張根碩、鄭容和及李弘基主演,當時獲得相當高嘅人氣,成功捧紅幾位主角,其後劇集更被台灣、日本翻拍。

《原來是美男》可以話係幫朴信惠打開海外知名度嘅代表作品之一,劇集由朴信惠、張根碩、鄭容和及李弘基主演。Photo from SBS

《原來是美男》講述修女「高美女」(朴信惠 飾)女扮男裝,代替手術中嘅孖生哥哥「高美男」加入韓國人氣偶像團體「A.N.JELL」,並與團體成員「黃泰京」(張根碩 飾)、「姜新禹」(鄭容和 飾)及「Jeremy」(李弘基 飾)合宿,「高美女」雖然奮力掩護自己嘅真實身分,不過都係意外被「黃泰京」及「姜新禹」發現⋯⋯

《繼承者們》

《繼承者們》由朴信惠、李敏鎬及金宇彬主演,由於李敏鎬憑《花樣男子》爆紅,加上劇集係由韓國「金牌編劇」金銀淑執筆,所以劇集播出之前已經備受關注,播出嘅時候反應更係相當熱烈。劇集唔單止喺韓國當地獲得高收視,喺海外地區同樣非常受歡迎,而《繼承者們》一劇更係奠定咗朴信惠喺韓國女演員中嘅一線地位。

《繼承者們》由朴信惠、李敏鎬及金宇彬主演,劇集人氣相當高。Photo from 《繼承者們》

《繼承者們》講述家境貧窮嘅「車恩尚」(朴信惠 飾)因為要參加姐姐嘅婚禮而去到美國,偶遇富二代「金嘆」(李敏鎬 飾),兩人喺美國經歷咗一連串事故,漸生情愫。返到韓國之後「車恩尚」住咗喺媽媽打工嘅地方——「金嘆」家,意外發現原來「金嘆」係帝國集團嘅繼承者,更無奈入讀貴族高中同「金嘆」做同學,經歷一場灰姑娘嘅故事。

《皮諾丘》

《皮諾丘》由李鍾碩、朴信惠主演,劇集播出後好評不斷,朴信惠喺劇中飾演患有「皮諾丘綜合症」嘅記者「崔仁荷」,演技備受讚賞,呢個角色亦可以話係朴信惠戲路轉型嘅開始。

《皮諾丘》由李鍾碩、朴信惠主演,劇集播出後好評不斷。Photo from SBS

朴信惠飾演嘅「崔仁荷」患有「皮諾丘綜合症」,唔可以說謊,否則會不停打嗝,而佢嘅夢想就係成為一名新聞記者。故事講述佢同「崔達佈」(李鍾碩 飾)喺成為記者嘅過程中並肩作戰,互相扶持,追求新聞嘅真相,兩人慢慢成長,同時確定彼此嘅心意。

《Doctors》

朴信惠喺《Doctors》中飾演一個幹練嘅醫生,唔再係扮演灰姑娘、柔弱女主角等角色,劇集中更不乏打鬥場面,朴信惠喺劇中非常型格,成功轉型。

朴信惠喺《Doctors》中飾演一個幹練嘅醫生,唔再係扮演灰姑娘、柔弱女主角等角色。Photo from SBS

《Doctors》講述「劉慧靜」(朴信惠 飾)年少時非常叛逆,因為祖母嘅離世決定發憤圖強,後來成為醫生,更重遇當年嘅老師「洪智弘」(金來沅 飾)⋯⋯

《The Call︰超時空通話》

《The Call︰超時空通話》係朴信惠首部驚悚類型嘅影視作品,上映後大獲好評,朴信惠精湛嘅演技備受讚賞。

《The Call︰超時空通話》係朴信惠首部驚悚類型嘅影視作品,上映後大獲好評。Photo from Netflix

故事講述好耐冇返老家嘅「書妍」(朴信惠 飾)用舊電話撥打自己嘅電話號碼,卻意外接通去一個陌生女仔嘅電話,電話另一邊嘅「英淑」(全鍾瑞 飾)係生活喺 20 年前嘅人,兩人成為好友,但都同時捲入咗未知嘅謎團,為自己招來危險。

朴信惠由出道到依家接拍嘅影視作品實在係太多,而呢5套係小編私心覺得見證到佢演技進步、成功轉型嘅劇集,極度推薦大家去睇!

Photo from ssinz7@IG

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel