陳展鵬相隔21年再做歌手，唯美MV手執鮮花海灘漫步，直言：「我要求好高有俾好多意見！」

現年44歲的陳展鵬今日舉行新歌發佈會，事隔二十幾年再有機會圓歌手夢嘅佢就表示今年嘅目標係演員同歌手兩個角色一齊兼顧，努力爭取視帝同最佳男歌手名銜！不過唯美嘅MV就反而令網民有點吃不消。

Photo from 天盟娛樂FB

陳展鵬做歌手，冇揀TVB嘅旗下嘅星夢唱片反而選擇加盟天盟娛樂，今日正式發佈新歌《零歲》，仲喺發佈會度大展歌喉。呢首歌嘅幕後創作團隊陣容強大，名監製舒文同填詞人林若寧，而展鵬亦都MV有好嚴謹嘅要求！發佈會現場首播MV，只見展鵬手持太陽花與沙灘上輕撥薄紗，場面唯美展露他柔情似水的一面，不過就有網民略嫌老土。

其實呢首歌係送比佢囡囡小豬比，仲話太太唔單止無呷醋，仲好支持佢發展音樂事業。佢自己就話係機緣巧合之下先會加盟入天盟娛樂，仲好謙虛話「就算我係老闆，都未必會簽自己。」

Photo from 天盟娛樂FB

MV完整片段大家都好期待，畢竟展鵬平日表情多多，而且對衣著有自己獨特的風格，而且坦言今次自己俾咗好多意見，相信一定會好精彩。

唔知入面有冇出動佢嘅deep V戰衣展現美好身型呢？

陳展鵬呢幾年都活躍於出演多套嘅電視劇，仲喺2016年憑住《城寨英雄》奪得視帝。好多人都只係記得佢演員呢個身分，但原來佢一直都無放棄過佢嘅歌手夢。

Photo from TVB

陳展鵬早於1998年，佢就開始出咗幾首單曲，包括有《天性如此》，《快快》，《拉拉扯扯》等。但佢就話自己當時年紀比較輕，所以就白白錯失咗好多機會。

Photo from TVB

Photo from 寶麗金唱片

而家嘅陳展鵬可以稱得上係愛情事業兩得意！佢係2018年同前港姐單文柔結婚，並於2019年誕下囡囡「小豬比」。兩夫婦時不時都會係IG曬溫馨嘅家庭合照同「小豬比」嘅日常照，簡直係羨煞旁人～

Photo from 單文柔IG

陳展鵬話其他新歌將會陸續有來，仲話等疫情好返之後會舉辦巡迴歌迷見面會答謝粉絲！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

陳展鵬返屋企要全身消毒先可抱囡囡：好似入咗ICU咁

22 Nov 2019

最近警民衝突持續，喺好多示威活動中警方都有用到催淚彈。

不過有指催淚彈會釋放出有毒物質「二噁英」，而攝入大量二噁英可致癌。

早前藝人黃澤鋒就表示太太受催淚彈影響引致皮膚敏感，而囡囡更因食母乳嘅關係，身上都出咗紅疹。

而視帝陳展鵬被問到喺示威、衝突不斷嘅情況下，有無少咗出街。

Photo from 單文柔IG

佢就話因為最近天氣無咁熱，所以反而多咗出去。但佢表示佢返屋企一定會全身消毒：「我拍劇成日出入好多大塵、污糟嘅地方，所以放工返去一定會消毒，返屋企好像入咗ICU咁，要全身消毒先。」

Photo from 單文柔IG

而陳展鵬太太單文柔就指自己係緊張媽媽，所以老公陳展鵬放工返嚟要噴消毒噴霧，再沖涼換完衫先可以抱囡囡小豬比。

Photo from 陳展鵬IG

單文柔之前就已經喺IG多次表達對囡囡嘅愛：「?我越嚟越迷戀你 點解你一舉手一投足都係咁吸引❓你的吸引力就快超越你Papa?」

Photo from 單文柔IG

Photo from 單文柔IG

Photo from 單文柔IG

不過囡囡Quinta真係好精靈可愛，一眾autie陳凱琳、唐詩詠等都大讚qq！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）