download HolidaySmart 假期日常 app
林盛斌不甘老婆Pearl被人身攻擊 霸氣護航:喺我心目中係最完美嘅女人

林盛斌不甘老婆Pearl被人身攻擊 霸氣護航:喺我心目中係最完美嘅女人

生活熱話 娛樂新聞
By Celia on 26 Feb 2021
Digital Editor

唔少人都知 Bob 林盛斌喺娛圈中瓣數多嘅藝人之一嚟,job 接 job 密密做,賺錢能力驚人。而佢除咗賺錢勁之外,不時都會 IG 同大家分享家庭樂,一家六口家庭美滿,不過最近就有網民留言對 Peral 嘅外表同工作佢出人身攻擊,身為老公嘅 Bob 即看唔過眼喺 IG 發長文護航,激讚為屋企嘅付出。

 Bob 林盛斌喺娛圈中瓣數多嘅藝人之一嚟,job 接 job 密密做,賺錢能力驚人。

Bob同老婆黃乙頤(Pearl)結婚 13 年,育有三女一子,家庭十分幸福。Bob 曾經講過,佢可以無後顧之憂地投入工作全因為有 Pearl 照顧好全家。而近年佢依位多功能老婆就見仔仔開始長大所以重投職場再任玄學家,靠自己嘅能力同知識去賺取家用。

Bob同老婆黃乙頤(Pearl)結婚 13 年,育有三女一子,家庭十分幸福。

不過今日 Bob 就突然喺 IG 上傳咗一張佢老婆企喺度撳電話嘅相,並發長文指有幾個報導提起佢太太後,就引嚟唔少網民留言評論攻擊Peral,看唔過眼嘅 Bob 當然忍唔住發文為老婆護航。

Bob 就突然喺 IG 上傳咗一張佢老婆企喺度撳電話嘅相

Bob 喺留言中指最近網上有人對老婆作人身攻擊,甚至無中生有:「最近,有幾個報導提起我太太,然後有好多網民留言評論,包括佢嘅外表同埋佢嘅工作,當然唔會全部都係一啲好好聽嘅說話,人身攻擊嘅有,無中生有嘅都有,好精彩。」

Bob 喺留言中指最近網上有人對老婆作人身攻擊,甚至無中生有

之後佢更直言 Pearl 只係一個普通女人,靠自己嘅能力同知識去賺取家用,喺佢心目中已經係「完美」:「我太太的確唔係乜嘢大美人,佢只係一個普通女人,40歲,從來唔化妝,冇打針,冇整容,鬆動啲先去買兩件靚少少嘅衫着吓,生咗四個小朋友,好努力照顧佢哋,亦安排好佢哋嘅起居飲食同所有嘢,私人時間就去學吓呢樣,做吓嗰樣,然後將自己嘅興趣發展成為事業,靠自己嘅能力同知識去賺取家用,而佢都仍然 keep 到依家呢個狀態,喺我心目中,已經係『完美』。」

Bob 直言 Pearl 只係一個普通女人,靠自己嘅能力同知識去賺取家用

最後佢更請大家高抬貴手:「各位,搞我好啦,放過我屋企人啦,唔該晒!By the way,佢係瘦咗,又靚咗。」

Bob 更請大家高抬貴手

唔少網民都大讚 Bob 嫂係多功能老婆,Bob 亦乘機冧爆老婆:「佢係我心目中,係最完美嘅女人」、「佢要兼顧屋企,同埋自己嘅事業,比我更加叻」、「直頭係女超人」就連唔少圈中好友都紛紛留言大讚 Bob 嫂厲利。

唔少圈中好友都紛紛留言大讚 Bob 嫂厲利。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

曾以 $40 買匯豐股票!Bob林盛斌晒坐遊艇相自勉:升返上嚟, 我就買到㗎嘞!

22 Sep 2020

要數喺娛圈瓣數多嘅藝人一定唔少得林盛斌(Bob),job 接 job 密密做,賺錢能力驚人。繼早前佢喺九龍塘四層獨立豪宅曝光後,近日佢好似又有新嘢想入手喎!阿 Bob 喺其 IG 上傳一張佢企喺遊艇上嘅相並留言自勉。

有留意開股市嘅大家都一定有睇到最近滙豐股價有唔少跌幅,成為現時唔少股民嘅熱話。而唔知大家仲記唔記得喺今年 4 月時阿 Bob 就喺其 IG 出 post 指自己以港幣 $40 嘅價位購買咗 1200 股滙豐股票。

Photo from Bob Instagram

但就有鑑於近月嚟滙豐股票不斷下跌,早前更跌穿 $30元,令佢帳面蝕近 $13,000 元。

Photo from Bob Instagram

不過阿Bob 都未有灰心,佢仲喺 IG 上傳自己赤裸上身喺遊艇上嘅相,留言︰「只要滙豐升返上嚟,我就買到㗎嘞!」


在 Instagram 查看這則貼文

只要滙豐升返上嚟, 我就買到㗎嘞!

Bob Lam 林盛斌(@bob_lamshingbun)分享的貼文 於 張貼

睇到佢咁講,一班網友都送上鼓勵,仲有網友為佢分析股價走勢添!

Photo from Bob Instagram

不過股票依樣嘢有升有跌,切記見好就收,唔好一味跟風呀!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel