download HolidaySmart 假期日常 app
湯怡幸福出嫁洪卓立黯然發文!網友紛紛留言安慰:「給你擁抱」

湯怡幸福出嫁洪卓立黯然發文!網友紛紛留言安慰:「給你擁抱」

娛樂新聞
By Jennifer on 26 Feb 2021
Digital Editor

湯怡同麥秋成正式結婚成為夫婦。喺湯怡出嫁前夕,舊愛洪卓立喺IG post出一張落寞獨坐嘅相片,有唔少網民都喺下面留言安慰佢!

洪卓立IGPhoto from 洪卓立IG

湯怡同麥秋成早前宣佈結婚,佢哋今日註冊正式成為夫婦。一眾好友都喺IG為一對新人送上祝福。

湯怡同麥秋成早前宣佈結婚,佢哋今日註冊正式成為夫婦Photo from 鄭紹康IG

已懷有身孕嘅湯怡身材仍然好fit,佢哋雖然未透露bb性別,但準爸爸麥秋成心情興奮,更表示有意生夠6個!

已懷有身孕嘅湯怡身材仍然好fitPhoto from 麥秋成IG

而曾與湯怡拍拖11年嘅洪卓立,喺舊愛出嫁前夕於IG post出一張獨自坐下嘅照片,相中佢僅露出側面,狀甚落寞。

洪卓立於IG post出一張獨自坐下嘅照片Photo from 洪卓立IG

洪卓立指:「Be kind. Life is a mirror.(做善良嘅人,生活係一塊鏡。)」有唔少網民留言叫佢加油:「給你擁抱」

有唔少網民留言叫佢加油:「給你擁抱」Photo from 洪卓立IG

佢之後再公開拍攝新mv嘅幕後照:「上次說歌名是五個字的,告訴你們,歌名第一個字是『你』,再猜猜看?」有網友就估:「你要出嫁了」、「你幸福就好」

洪卓立IG之後再公開拍攝新mv嘅幕後照Photo from 洪卓立IG

有網友估洪卓立新歌歌名係「你要出嫁了」、「你幸福就好」Photo from 洪卓立IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

湯怡宣佈與蔡思貝舊愛麥秋成結婚!即將升呢做媽媽! 洪卓立留言恭喜!

25 Jan 2021

湯怡與相戀11年嘅男友洪卓立分手後,今日喺IG公開婚照宣布結婚!對象係蔡思貝舊愛麥秋成!而洪卓立亦有留言祝福。湯怡更已懷孕,即將做媽媽!

湯怡同洪卓立拍拖11年,於2018年喺Instagram宣布分手,當時網友都替佢哋感到非常可惜!不過事後洪卓立有喺公開場合落淚維護湯怡指分手決定並不涉及第三者。

湯怡同洪卓立拍拖11年,於2018年喺Instagram宣布分手

今日湯怡喺IG宣布結婚:「致麥秋成,曾經擦身而過的我倆,能夠走在一起是緣份,現在能守在一起是福份,謝謝你的光臨,完整美滿了我的人生,亦充滿甜蜜、色彩與歡樂,餘生,請多多指教」

對象竟係蔡思貝舊愛麥秋成!麥秋成同樣喺IG post婚照:「致袁家怡,,愛真是奇妙,在生命的巨輪上我們曾經多次相遇,誰想到命運之神早已把我們緊緊扣著,妳的愛讓我感到無比幸福,亦願我的愛能讓你心平靜溫暖和快樂,日後的路上,願我們互相扶持,亦煩請在生活上多多指教」

湯怡結婚對象竟係蔡思貝舊愛麥秋成

兩人更齊齊落咗hashtag「#我們仨」宣布即將升呢做爸爸媽媽!

兩人更齊齊落咗hashtag「#我們仨」宣布即將升呢做爸爸媽媽!

而湯怡前男友洪卓立亦有留言祝福:「恭喜恭喜? 身體健康!幸福快樂!」

湯怡前男友洪卓立亦有留言祝福:「恭喜恭喜? 身體健康!幸福快樂!」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

洪卓立落淚維護湯怡指二人因了解而分開:我仍然相信愛情

16 Nov 2018

相戀11年嘅洪卓立同湯怡日前喺ig宣布分手,令一眾網民大感震驚,而洪卓立今日出席活動時就公開回應呢件事。

喺訪問環節,洪卓立主動提起此事:「不如我講先啦。」

佢話呢件事公開之後,影響咗大眾對Kathy(湯怡)嘅睇法,所以想同大家解釋清楚:「有啲嘢我想面對面同大家講。經過呢幾日公佈之後,大家都有唔同反應,影響咗大家對Kathy嘅觀感。有啲人就話我哋距離越來越大、話佢貪慕虛榮、紅少少就飛咗我。」

IMG_8150

講到呢度,洪卓立已開始哽咽,忍唔住落淚,工作人員就遞上紙巾。洪卓立非常維護湯怡,指二人之間出現第三者呢件事係唔存在嘅,佢哋係因了解而分開:「完全唔存在嘅,我哋11年前一齊嗰陣,我第一隻碟都未出,仲未有《彌敦道》,中間我亦都有大病,如果佢係咁嘅人,有好多機會同我分開,遇到咁多難過嘅事情,佢可以好輕易咁走。」

ff6bf848-9cfd-47bf-9da4-38fc4238e94e

佢之後繼續澄清二人亦都唔係因為「逼婚」而分開,佢指大家有共識35歲之後先至踏入另一階段:「所以並唔係大家所講,我唔肯娶佢,佢唔肯嫁我,唔肯結婚所以分開。我諗係大家對愛情嘅睇法唔同。」

4b2d911c-579e-4f68-a1dd-faddd7ae421a

洪卓立話見到湯怡俾人咁講有唔開心:「作為朋友,見到身邊人俾人咁樣講又好,一定會唔開心。」

至於對於網民話唔再相信愛情,洪卓立就話:「見到有啲留言話,見到我哋咁樣,就覺得呢個世界再無童話。我覺得每個人對愛情睇法都唔同,每個人都係獨特嘅⋯⋯我仍然係相信愛情。」

雖然洪卓立同湯怡已經分手,但見到立立咁維護湯怡,相信佢地的確係「會為對方赴湯蹈火的知心好友」。

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel