佘詩曼素顏賀好姊妹生日勁搶鏡！《金枝慾孽》兩位小主難得合體，網友讚皮膚猶如20幾歲少女

現年 45 歲嘅佘詩曼貴為兩屆視后，近年喺大陸發展嘅佢不時都會返香港同「七魔女」嘅好姊妹相聚。而近日就係「七魔女」中嘅梁靖琪（Toby）生日，身為好閨密嘅佢當然唔會缺席喇，佢仲素顏現身添！

圈中唔少女星都都會同女姊妹/閨蜜組成唔同嘅姊妹團，而佘詩曼、梁靖琪、鍾麗淇、文頌嫻、姚樂怡、周家蔚、湯盈盈佢哋 7 人組成嘅「七魔女」就係其中之一。日前正正就係「七魔女」中嘅梁靖琪 38 歲生日，一班好閨密當然無一缺席喇！

Toby 仲喺 IG 上傳多張合照，並留言希望生活一切快點回復正常：「As I celebrate my birthday today, I am praying for new blessings as i continue to grow in who I am as a daughter of God, a wife, a mother, a sister and friend! I Thank You all for celebrating this day with me and can’t wait till things get back to normal so we can all gather together as one again! #BFF #七姊妹 #MuchLove #Bless」

不過大家嘅 focus 就好似唔喺 Toby 身上，而係喺佘詩曼度，事關佘詩曼嘅素顏更為大眾所驚艷，除咗皮膚白滑得吹彈可破，完全搵唔到絲毫嘅歲月痕跡，猶如廿幾歲嘅少女一樣。

而除咗佢日前素顏慶祝好閨蜜生日外，今日佢又喺 IG 上傳同黎姿嘅合照留言：「That friend who you may not see very often, but the moment you reconnect feels like yesterday!@gigilai_official #一樣咁靚 #好友相聚 #金枝慾孽 #還記得金枝慾孽的玉瑩小主和爾淳小主嗎」

網民睇到都大讚佢兩位都係凍齡女神嚟，同話佢哋嘅代表作《金枝慾孽》係經典宮廷劇，希望佢地可以有機會再合作拍劇添！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

佘詩曼罕有晒舞技！咬住串燒竹籤跳舞被指非主流：四十幾歲仲扮𡃁妹

14 Dec 2020

視后佘詩曼演技備受認同，佢近日罕有大晒「舞功」，喺抖音大展舞技跳「六親不認的步伐」，片段喺抖音平台大獲好評，但佢咬住串燒跳舞就被香港網民取笑非主流。

今年45歲嘅佘詩曼（阿佘）貴為兩屆視后，演技毋庸置疑，佢喺《延禧攻略》飾演「嫻妃」一角備受認可，喺《燕雲台》更展示出「教科書級哭戲」。

Photo from 佘詩曼微博

Photo from 佘詩曼微博

不過阿佘出道咁耐多數都係演戲方面發展，偶爾會唱下主題曲，舞蹈係佢最少展現嘅。

佢日前喺抖音upload咗一段片，罕有咁大晒「舞技」，佘詩曼近年喺大陸發展，得知依家流行「六親不認的步伐」，阿佘唔執輸都喺網上公開自己跳舞片段。

Photo from 佘詩曼微博

Photo from 佘詩曼抖音

片中佢更搵埋兩位陽剛味十足嘅男性做伴舞，三人嘴裏咬住串燒跳舞，充滿氣勢。

Photo from 佘詩曼抖音

Photo from 佘詩曼抖音

片段喺室外、室內取景拍攝，無論表情、步伐都非常「霸氣」，片段喺抖音平台已有超過20萬個likes！

Photo from 佘詩曼抖音

Photo from 佘詩曼抖音

不過香港網民就指阿佘咬竹籤跳舞相當非主流：「無論步姿、衣著、環境、音樂都好無美感」，又指「四十幾歲仲扮𡃁妹」，唔明佢點解要自降身價跳咁嘅舞。

Photo from 佘詩曼微博

佘詩曼跳舞片段：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）