download HolidaySmart 假期日常 app
港女上男友家拜年被當妹仔!一上門即要入廚房幫手/唔畀早走 網友轟男友唔識做

港女上男友家拜年被當妹仔!一上門即要入廚房幫手/唔畀早走 網友轟男友唔識做

時事熱話 生活熱話
By Jennifer on 01 Mar 2021
Digital Editor

近日有網民喺連登討論區開post,直指喺新年期間上男友屋企但遭遇卻令佢感到非常唔舒服,更自我懷疑係咪自己思想有問題,引起網民激烈討論。

近日有網民喺連登討論區開post,直指喺新年期間上男友屋企但遭遇卻令佢感到非常唔舒服Photo from 連登討論區

連登討論區一位網友以《未過門已經做左人地妹仔》為題開post,表示自己過年去左男朋友屋企拜年,點知一去到櫈都未坐暖,男友媽媽已經要樓主入廚房幫手做嘢。

連登討論區一位網友以《未過門已經做左人地妹仔》為題開postPhoto from 《C9特工》

樓主表示話哂都未真係入門,指自己媽媽教落一日未過門都仲係客:「但我覺得幫下手都唔緊要既,不過應該係大家一齊做,一齊幫手。」但實際上男朋友嘅爸爸、細佬、婆婆等親戚全部坐哂係廳睇電視、打麻雀咁,令樓主「內心感覺有d唔舒服」。

實際上男朋友嘅爸爸、細佬、婆婆等親戚全部坐哂係廳睇電視、打麻雀咁Photo from 《愛回家之開心速遞》

唔止被人點入廚房做嘢,樓主事先已提出之後要去自己婆婆到拜年,所以下晝2點半就要走,但夠鐘都唔畀人走,要樓主繼續幫男友媽媽做埋啲嘢先,最終樓主遲咗成個鐘先走得,仲被媽媽同親戚怪責咁遲先到。

樓主事先已提出之後要去自己婆婆到拜年,所以下晝2點半就要走,但夠鐘都唔畀人走,要樓主繼續幫男友媽媽做埋啲嘢先Photo from 《BB來了》

樓主深感委屈:「好似未過門就已經做左人地妹仔咁」,又表示未遇過呢啲問題,所以唔識點去面對同處理,甚至疑惑係咪自己思想有問題:「人人都係咁嫁?」

樓主深感委屈:「好似未過門就已經做左人地妹仔咁」Photo from 《華麗轉身》

呢個post喺短短幾日內有近2,000個負評,大部分網民都認為樓主男友唔識做,叫樓主搵定下一個:「都唔尊重你」、「見自己女朋友咁樣都唔幫手」。

大部分網民都認為樓主男友唔識做,叫樓主搵定下一個:「都唔尊重你」Photo from 連登討論區

網友幾乎一面倒勸樓主分手,有過來人表示結婚之後情況只會越黎越差,最好結果係同結婚前一樣,而樓主未結婚前已經做妹仔,男朋友又唔出聲,結婚之後只會更慘。

網友幾乎一面倒勸樓主分手,有過來人表示結婚之後情況只會越黎越差Photo from 連登討論區

連登網友指樓主未結婚前已經做妹仔,男朋友又唔出聲,結婚之後只會更慘。Photo from 連登討論區

不過都有網友認為人人都係咁:「當然你可以話未過門未性,但係如果你有心嫁比人,點解要計較,除非你係唔認真,人哋屋企人都想考驗下你對自己個仔有幾認真」呢個回覆有超過1,800個負評,被怒轟「唔好喺度害人,合理化成件事」。

都有網友認為人人都係咁,被怒轟「唔好喺度害人,合理化成件事」。Photo from 連登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港女自問樣唔差「似林嘉欣」!列男友10大條件:戒打機/英文叻/拍拖費用男7女3

10 Feb 2021

近日有網友喺「香港討論區」開post,列出做佢男友嘅10個條件,更直指要符合以上條件完全唔難, 請港男唔好搵藉口, 呢啲條件根本係幫緊港男進步,引起網民熱議。

近日有網友喺「香港討論區」開post,列出做佢男友嘅10個條件Photo from 香港討論區

呢位網友今年26歲,拍過3次拖,每次都因為男友唔上進而主動講分手,佢自問樣唔差:「朋友同事話我樣似林嘉欣」,表示無咁多時間畀啲廢港男浪費,於是列出以下10個條件,亦供其他女生作為參考。

該網友表示今年26歲,拍過3次拖,每次都因為男友唔上進而主動講分手,佢自問樣唔差:「朋友同事話我樣似林嘉欣」Photo from 林嘉欣IG

1. 要孝順

樓主指香港唔少男人經常對家人呼呼喝喝,家用又畀得少,不過佢表示:「對自己父母態度差我都可接受,但對我父母一定唔得!」咁孝順即係孝順樓主父母?

樓主指香港唔少男人經常對家人呼呼喝喝,家用又畀得少Photo from 《My盛lady》

2. 唔准睇AV

樓主認為睇AV即係對其他人有幻想:「容乜易連對男人都有?」

3. 戒打機

大部分男仔平時都會打下機放鬆下,不過要做樓主男友就要放棄呢個愛好。樓主覺得打機好浪費心神,雖然知道要戒會好難,但打機會令人變懶,戒咗佢好過,佢仲直言:「課金嘅話咪洗旨意繼續喺埋一齊!」

樓主直言:「課金嘅話咪洗旨意繼續喺埋一齊!」

4. 唔可以咸濕

樓主表明應該尊重女性,但當女仔主動嗰陣,男友應該盡量滿足。

5. 樣中上身材一定要好

樓主自言「樣唔差」又有人讚佢似林嘉欣,對另一半外貌都有啲要求,佢話樣好唔好其實取決於份人注唔注重儀表,平時執執都唔會差得去邊。比起樣貌,樓主更著重男友身材,直指做佢男友一星期至少要做三日gym:「連自己身材都可以唔理,呢啲人點拍得落拖?」

樓主著重男友身材,直指做佢男友一星期至少要做三日gymPhoto from 《老表,你好hea》

6. 學歷不能夠太差

樓主定義「唔差嘅學歷」係要有真正大學Degree,其餘IVE、毅進、副學士、高級文憑一概不考慮,起碼讀到大學:「唔係第時點教仔女?」

樓主定義「唔差嘅學歷」係要有真正大學Degree,其餘IVE、毅進、副學士、高級文憑一概不考慮Photo from 《愛回家之開心速遞》

7. 英文一定要叻

除咗大學文憑外,仲要講到流利英語,樓主直言:「喺個咁國際化嘅地方生活,英文都唔識講知唔知醜?」佢指好怕人講英文講到一舊舊,認為要做佢男友英文唔洗講到好地道, 但最少全英對答要聽得明同流利咁講得出。

8. 唔可以太黐身

樓主非常注重私人空間,佢表示好多港男怕自己女友畀人搶會成日Check住晒,太黐身令人反感。

樓主表示好多港男怕自己女友畀人搶會成日Check住晒,太黐身令人反感。Photo from 《華麗轉身》

9. 月入$25,000以上

樓主明言自己依家都係搵緊呢個數,做佢男友又點可以收入少過佢?又指佢朋友都話佢要求好低。

樓主指男友月入要有$25,000以上Photo from 《愛回家之開心速遞》

10. 拍拖費用男7女3

拍拖AA制嘅當然係少數,但樓主都唔要求所有支出都由男友承擔。樓主話自己都有返工,唔需要男友一人畀晒,不過就指作為男人畀大份係正常。

樓主要求拍拖費用男7女3Photo from 《最愛女人購物狂》

樓主最後更表示以上10項要求只係最基本,引發大量網友留言評論:

支持嘅網友認為樓主列嘅條件「出乎意料地貼地」以為會要對方有樓有車;「漏咗最重要一樣,就係要愛你」;「條件都唔算太苛刻」;「如果你人品正常又無不良嗜好,中等亞洲女性高度身型,條件絕對可以再set高啲」。

但亦有網友指樓主話人港男但自己都好港女;「有以上條件嘅人點解要搵你?」;「樓主可以試下上勞工處搵」;「呢個世界好多比你靚比你好,而又無你咁高要求嘅女仔」

有網民話佢港女,樓主回應指:「我有學歷有樣,唔需要靠男人,但我只係想另一半係見得下人,咁都叫港女?」Photo from 香港討論區

對於有網民話佢港女,樓主回應指:「我有學歷有樣,唔需要靠男人,但我只係想另一半係見得下人,咁都叫港女?」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

壽星老公被迫夾錢送手袋畀老婆!拜金妻慘遭網民鬧爆:咁都得?離婚啦!

01 Feb 2021

貪靚係女士嘅天性,唔少男士都會買名牌手袋、送名牌耳環畀另一半,希望可以得到佢哋嘅歡心,但有時女士如果將依啲事視之為理所當然,又可能會令男士十分反感,甚至係沮喪。早前喺網上嘅討論區上面,就有位男士同一眾網民分享自己嘅心酸事,當中嘅細節更加係引起咗網民熱烈嘅討論,唔少人都替男事主覺得唔值,紛紛勸佢:離婚啦!

討論區上面有人抱怨話佢因為老婆好煩惱Photo from 《春嬌救志明》劇照

事主日前生日嘅時候,佢老婆就約佢正日生日去行名牌舖頭,想佢買對價值港幣 $3000 蚊左右嘅耳環,當係結婚周年嘅禮物送畀自己。不過當兩個人一齊去到名店嘅時候,發現對耳環冇貨,但事主老婆並冇放棄購物嘅機會,而係轉移陣地,去到另一間名牌舖,買咗一個貴咗足足十倍,要價港幣 $33,000 嘅手袋,仲要買完之後先叫對方畀番一半錢自己。

事主喺網上大吐苦水Photo from LIHKG

事主當日同老婆行到好夜,返到屋企已經差唔多成十點。當時又攰又餓,又要拎住嘢食同外賣,老婆同姨仔就兩個孖公仔行喺佢前面,拋低當日係壽星嘅事主一個。嗰一刻嘅情況真係諗吓都覺得有少少淒慘。

壽星只係淪落到幫手拎嘢,真係有啲慘Photo from 《那些我愛過的人》劇照

不過好彩,返到去都仲有蛋糕食。食完嘢之後,老婆畀咗封生日利市佢,打開入面只係得港幣 $1,000,就反而令事主覺得有啲委屈同唔開心,更話咁樣嘅生日,不如自己一個舒舒服服地過會更加開心。

壽星生日當天反而過得更加唔開心Photo from 《我可能不會愛你》劇照

事主聲稱佢搵緊約 2 萬蚊港幣一個月,而老婆搵緊 6 萬蚊,當中係有啲差距,而事主都明老婆對靚靚名牌可能會有啲渴望。之不過,自己買完之後又要係當日壽星嘅事主夾番錢,就實在令佢非常肉赤,仲要唔係講緊幾年一次,係講緊分分鐘一年幾次!大時大節都要送,又郁下就過萬,實在係令事主儲唔到錢。

大時大節又要送,郁下又過萬,令月入約 2 萬嘅事主根本冇得儲錢Photo from 《原諒他77次》劇照

加上當日係事主嘅正日生日,就算唔慶祝都希望可以舒舒服服咁過,但老婆當日就拉咗事主去補送自己嘅結婚周年禮物,明知事主好鍾意食嘢,都令到佢要挨肚餓,好夜先可以開餐。作為壽星嘅事主唔單止覺得唔開心,更加係有啲被忽視嘅感覺。唔多滿意嘅事主梗係有同老婆反映,指出自己覺得咁樣仲慘過自己一個過生日,會一世都咁難忘,但老婆似乎仲未發現問題嘅嚴重性,同番老公講:「你生日可以有咁嘅成就,係你嘅光榮啦。」

佢哋兩公婆仲有一齊供緊一層樓,雖然係收入較低嘅男事主負責 40%,收入較高嘅女事主負責 60%,而生活開支就係一人一半,但層樓係冇落男事主個名!雖然收入係有差距,但男事主都想強調:佢從來冇打算喺佢老婆身上拎著數。

佢從來都冇想喺老婆身上拎著數Photo from 《紀念日》劇照

男事主指兩個人約 4 年前透過交友 APP 結識,拍咗 4 年拖之後結婚,依家只係結咗婚兩年。男事主喺學校做 IT,太太就做緊言語治療師,所以收入差咁遠,令到依段關係入面出現男尊女卑。就此,網民係咁樣睇嘅:

可能男事主最初就揀錯咗Photo from LIHKG

有人都指出兩邊關係太唔對等Photo from LIHKG

有人覺得對方根本冇尊重過事主Photo from LIHKG

一個搵多咁多,就剩係供多一成!咩玩法?Photo from LIHKG

但係都有網民覺得事主唔慘,老婆搵咁多,咩都夠數啦!

老婆搵多咁多,都有人覺得係好事Photo from LIHKG

大家對依件事又有咩睇法?

資料來源:LIHKG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel