龔嘉欣開店壓力大到停經!靠自己努力工作 豪擲900萬買樓做業主

龔嘉欣開店壓力大到停經!靠自己努力工作 豪擲900萬買樓做業主

娛樂新聞
ByStephanie on 02 Mar 2021 Digital Content Writer

早前,麥玲玲同Bob所主持嘅訪談節目《師父有請》就邀請咗龔嘉欣,陳凱琳同譚凱琪去講佢哋做生意嘅經驗。一邊做藝人一邊搞副業做生意固然辛苦,而龔嘉欣仲自爆因為做生意壓力大令到自己一度停經。「女強人」果然係唔易做!

龔嘉欣IG
Photo from 龔嘉欣IG

龔嘉欣喺2019 年同朋友合資喺馬來西亞嘅咗一間火鍋店,佢曾經講過係因為覺得馬來西亞未有正宗香港打邊爐,所以先有開火鍋店嘅念頭。另外,佢仲專登採用香港復古風嘅裝修,希望可以比食客打卡同影靚相。係節目中,龔嘉欣就被問做生意係咪佢一直以來嘅夢想時,佢就話以為自己會繼承爺爺嘅塑膠工模生意,但自從佢喺啲報價單度打少咗個零,屋企人就無再同佢提及過。

龔嘉欣IG
Photo from 龔嘉欣IG

龔嘉欣亦表示自己係屬於親力親為型嘅老闆娘,裝修,買餐具,研究湯底都係自己落手落腳。可惜最近受疫情影響,馬來西亞封城導致佢嘅火鍋生意一落千丈。不過佢就表示覺得好難得可以搵到一班咁用心嘅員工,所以喺停工期間佢依然有提供包食包住嘅福利。但龔嘉欣亦講因為太投入於火鍋生意導致壓力太大,令自己一度停經!

龔嘉欣IG
Photo from 龔嘉欣IG

龔嘉欣仲話曾經遇過奇怪嘅客人會專誠打電話去餐廳問係咪佢本人,由於佢主要負責喺收銀處聽訂位電話,所以佢接到電話時就話自己唔係龔嘉欣。但估唔到嗰位客人竟然專誠去舖頭揭穿佢,令佢十分驚訝!

TVB
Photo from TVB

除此之外,陳凱琳近期就同KOL雪姨一齊投資自家卸妝棉品牌,而佢會開始做生意完全係因為自己嘅興趣,仲表示生意暫時都唔錯。

雪姨IG
Photo from 雪姨IG

而譚凱琪6年前就喺銅鑼灣開過一間餐廳,營運咗足足有3年。但最終都因為社會問題同租約期滿而結束生意。

譚凱琪IG
Photo from 譚凱琪IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

龔嘉欣自爆曾遭舊愛動粗 獨立自強拒絕做少奶奶

廣告
廣告

14 Dec 2020

《香港愛情故事》近期討論度好高,被網民大讚貼地,羅天宇龔嘉欣人氣急升,而龔嘉欣早前接受傳媒訪問時卻自爆曾遭舊愛動粗。

最近《香港愛情故事》熱播,口碑相當唔錯,被網民大讚貼地,龔嘉欣及羅天宇喺戲入面飾演為買樓問題煩惱嘅情侶,題材寫實之餘,兩人大量嘅親熱戲都引起熱話。龔嘉欣同羅天宇喺劇集入面非常甜蜜,早前龔嘉欣接受傳媒訪問時談及情史,自爆自己曾遭舊愛動粗。

最近《香港愛情故事》熱播,口碑相當唔錯,被網民大讚貼地,龔嘉欣及羅天宇喺戲入面飾演為買樓問題煩惱嘅情侶。
Photo from TVB (official)@YouTube

兩人大量嘅親熱戲都引起熱話。
Photo from lawjoey@IG

龔嘉欣出道以來桃花唔少,曾與吳業坤、沈震軒及關楚耀等傳過緋聞,更曾被傳媒爆出與馬來西亞富二代 Bryan 戀愛,不過龔嘉欣至今承認過嘅就只有同鄧健泓嘅戀情。

龔嘉欣出道以來桃花唔少,曾與吳業坤、沈震軒及關楚耀等傳過緋聞。
Photo from kungkaty@IG

龔嘉欣至今承認過嘅就只有同鄧健泓嘅戀情。
Photo from kungkaty@IG

龔嘉欣自爆舊愛曾對佢動粗,舊愛大力將佢推向門,令龔嘉欣腰部撞向門鎖,不過因為害怕孤單,所以龔嘉欣不敢提出分手。另外,龔嘉欣透露曾有男友提出同居要求,叫佢唔好工作,不過龔嘉欣一口拒絕。

龔嘉欣自爆舊愛曾對佢動粗。
Photo from kungkaty@IG

Photo from kungkaty@IG

因為自己嘅家庭背景及失敗嘅感情經歷令龔嘉欣覺得要靠自己唔靠男人。現時已經榮升業主嘅龔嘉欣靠自己左慳右慳,狂儲錢先擁有首個物業,非常叻女,獨立自強。

現時已經榮升業主嘅龔嘉欣靠自己左慳右慳,狂儲錢先擁有首個物業,非常叻女,獨立自強。
Photo from kungkaty@IG

Photo from kungkaty@IG

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook