download HolidaySmart 假期日常 app
動漫迷必到!日本最大次文化藝文中心開幕 動漫博物館/主題酒店/特色商店

動漫迷必到!日本最大次文化藝文中心開幕 動漫博物館/主題酒店/特色商店

旅遊攻略
By Ella on 02 Mar 2021
Digital Content Writer

動漫迷注意!日本最大次文化藝文中心「所澤 Sakura Town」開幕啦!呢度除咗係動漫博物館之外,仲提供酒店住宿及餐廳,之後去日本又有地方朝聖啦!

由角川集團設立嘅次文化藝文中心「所澤 Sakura Town」正式開幕啦!位於埼玉縣嘅「所澤 Sakura Town」係一個集博物館、酒店及餐廳等設施於一身嘅動漫園區,堪稱日本最大次文化流行中心。而「所澤 Sakura Town」嘅地標就係「角川武蔵野 Museum」,博物館嘅外觀有如一個巨型岩石,設計獨特。

「所澤 Sakura Town」嘅地標就係「角川武蔵野 Museum」,博物館嘅外觀有如一個巨型岩石,設計獨特。Photo from Kadokawa_Museum@Twitter

除咗外觀吸引,內部設計更係非常壯觀,博物館內嘅「書架劇場」有高達8米嘅書架,恍如置身魔幻世界。

博物館內嘅「書架劇場」有高達8米嘅書架,恍如置身魔幻世界。Photo from Kadokawa_Museum@Twitter

參觀完博物館,就要去埋附近嘅「武藏野坐令和神社」啦,神社外觀設計以玻璃為主,而內部嘅壁畫彩繪係出於大師天野喜孝之手,非常值得欣賞。

「武藏野坐令和神社」外觀設計以玻璃為主。Photo from 所澤 Sakura Town 官網

內部嘅壁畫彩繪係出於大師天野喜孝之手,非常值得欣賞。Photo from 所澤 Sakura Town 官網

除咗博物館及神社,園區內更建有「EJ 動畫酒店」,酒店內每間房間都以超人氣動漫作品為主題打造,完全係粉絲必住!而且房間內仲配有高級音響及投影設備,等動漫迷們可以盡情睇動漫,正啊!

酒店內每間房間都以超人氣動漫作品為主題打造,完全係粉絲必住!Photo from TimeOut

而且房間內仲配有高級音響及投影設備,等動漫迷們可以盡情睇動漫!Photo from TimeOut

有得住就當然有得食啦~園區內仲有「Tiam」、「角川食堂」及「拉麵 Walker Kitchen」等餐廳提供美食畀遊客。

園區內仲有「Tiam」、「角川食堂」及「拉麵 Walker Kitchen」等餐廳提供美食畀遊客。Photo from 所澤 Sakura Town 官網

Photo from 所澤 Sakura Town 官網

此外,園區內嘅「達文西商店」售賣各種書籍及動漫周邊商品,粉絲們可以瘋狂購物!

園區內嘅「達文西商店」售賣各種書籍及動漫周邊商品,粉絲們可以瘋狂購物!Photo from 所澤 Sakura Town 官網

呢個動漫中心簡直就係動漫迷必到,相信粉絲們去到應該唔會想走!有興趣嘅朋友記住 bookmark 定啦!

所澤 SAKURA TOWN(官網
地址:埼玉縣所澤市東所澤和田三丁目31番地3

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel