download HolidaySmart 假期日常 app
鍾培生首回應擂台之戰寸林作靠女人上位,自爆死穴竟然係呢樣?!網友力撐:靠晒你啦!

鍾培生首回應擂台之戰寸林作靠女人上位,自爆死穴竟然係呢樣?!網友力撐:靠晒你啦!

生活熱話 娛樂新聞
By Celia on 03 Mar 2021
Digital Editor

鍾培生同林作嘅「林鍾一戰」二人未正式開打就已經頻頻隔空「開戰」,繼早前林作正式向有拳王「轟炸機」向柏榮拜師為對決作準備後,日前另一主角鍾培生亦首度拍片回應打林作事件。

鍾培生亦首度拍片回應打林作事件。

林作同鍾培生今次可以話係世紀之戰嚟,唔少網友都話等睇佢哋對打,而日前林作就公開指比賽時會專攻對方下體,並揚言已將保險受益人寫上女友裕美嘅名,並加大保額至 1,000 萬元。

林作同鍾培生今次可以話係世紀之戰嚟,唔少網友都話等睇佢哋對打

唔知係咪因為林作再次挑釁,鍾培生終於拍片回應,片中佢坦言早已對林作不滿,更狠批對方靠女人上位:「「你嘅成就就係同一個港姐一齊,你利用女人上位,都冇問題,每個人都自己處事方式,但唔係借完人上位再踩低人,你對一個曾經愛過嘅人都係咁嘅時候,呢個人嘅人格好得去邊。」

鍾培生坦言早已對林作不滿,更狠批對方靠女人上位

之後佢又指自己並唔識林作,同對方亦只見過兩次,但其毫無好感,並因網上經常將二人相提並論,所以視其為死穴:「林作其實係我嘅死穴,你同我同一日生日,我就日日畀人喺討論區討論,拉低我智商。」

因網上經常將二人相提並論,所以視林作為自己嘅死穴

提到拳賽,佢更再度否認與林作合謀造新聞,直言獲大批朋友、長輩,甚至初戀女友支持:「我相信我打得贏林作,會係近呢幾年香港人最快樂嘅盛事。」

而喺影片最後他更怒斥林作小動作多多,包括撕合約、換拳館等,但表明不會再與對方口舌之爭,只留待擂台上「清算」。佢透露現在已陸續洽談好合約條款,只欠對方動筆,所以對拳賽有絕對嘅信心打得成。

鍾培生再度否認與林作合謀造新聞,直言獲大批朋友、長輩,甚至初戀女友支持:

而林作當然唔會就此收口,佢就喺 Facebook 上傳截圖並留言:「要我講幾多次?我打!唔打我切。」

林作喺 Facebook 上傳截圖並留言回應

唔少網友睇完鍾培生嘅片後,都留言力撐,仲有唔少網友留言「鐘生,拯救地球任務就交比你啦,希望可以爆佢江啦」、「句句精警有道理」、「我最期待嘅畫面出現喇?我見到蝙蝠俠大戰小丑」。

網友嘅留言都好精彩

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

林作自稱10幾年前曾學泰拳,今正式拜師迎戰鍾培生:我背負住香港人希望

23 Feb 2021

鍾培生林作嘅「林鍾一戰」喺早前林作正式接受挑戰後,二人未正式埋牙就已經頻頻隔空「開戰」,為對決積極作準備。依日林作正式向有拳王「轟炸機」之稱嘅資深搏擊教練向柏榮拜師學藝。

林作正式向有拳王「轟炸機」之稱嘅資深搏擊教練向柏榮拜師學藝。

雖然林作曾經表示自己喺 10 幾年前學過泰拳,但對搏擊一竅不通,所以今次就正式聽取師傅意見,仲揚言有信心打殘有「香港電競之父」之稱的富三代鍾培生。

林作曾經表示自己喺 10 幾年前學過泰拳,但對搏擊一竅不通,

林作揚言有信心打殘有「香港電競之父」之稱的富三代鍾培生。

有指林作今日正式同教練向柏榮拜師,而佢喺接受媒體訪問時更表示自己唔會有壓力,仲埋今次好難唔打,因為 100 萬唔係個個都有機會,而佢又咁啱需要依筆錢嚟擴充事業,所以點都會打。

有拳王「轟炸機」之稱嘅資深搏擊教練向柏榮

之後林作直言:「今次係代表香港宅男、普通人家,喺佢(鍾培生)眼中,我哋全部都係普通人,所以我係背負香港幾百萬人嘅希望,會加倍努力。」

林作直言自己背負香港幾百萬人嘅希望。

另外,提到媽媽同女友支唔支持今次大戰時,佢就指媽媽唔止冇反對仲 100% 支持,佢仲喺 IG story 上傳咗媽媽撐佢嘅影片:「打爆佢(鍾培生),我一定支持,打鑊佢,你一定要爭氣,贏番嚟!」

媽媽唔止冇反對仲 100% 支持

而身為佢女友嘅裕美雖然就曾經講過想見證林作被打,不過佢就一啲都唔介意仲笑笑口話:「我們關係時好時差,佢有時好想借其他人嚟出一口氣。」

女友裕美反而就話想見證林作被打喎

咁睇嚟林作今次真係信心十足喎!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel