陳靜行山晒身材，手臂比例奇怪惹 P 圖疑雲！網友：路飛？係未食咗橡膠果實？

31歲嘅陳靜（Dada）近年愛上咗行山，不時都會喺社交網上傳自己行山嘅相，大騷玲瓏浮凸的身材，因此唔少網友都讚佢逆齡仲愈嚟愈靚。雖然性感小背心加貼身褲相當吸睛，不過近日佢上傳嘅一張行山相，大家嘅 focus 就唔係佢身材上，而喺係佢隻手上呀！

陳靜出道以來出名火辣性感，不時都會 share 靚相派福利。近日一張去南丫島郊遊嘅新相中，見佢身穿黑色緊身背心，身材玲瓏浮凸，再加上小蠻腰，真係索到爆！

不過一眾網民除咗讚佢又 Fit 又靚之外，唔少人嘅重點都放咗喺 Dada 嘅手臂上呀！

相中 Dada 望向大海展開手臂，不過就咗睇張相，大家有冇發現佢隻手好似長得有啲誇張，比例好似怪怪咁，難免引起大家懷疑佢 P 圖勁咗。

見到 Dada 嘅手臂比例咁奇怪，網民當然會懷疑佢係因為 P 圖過度搞到咁：「隻右手好『修』長，唔係，應該係話修到好長！點解要咁做？」、「隻手應該就咁可以摸到個膝頭」、「隻手可以辦去對面海」、「無法可修飾的一對手」，更有網民搞笑問佢係咪食咁路飛嘅橡膠果實，手臂可以伸縮自如，非常搞笑。

有人笑，亦有網友為佢平反指「其實應該係wide鏡張邊緣位拉長咗」、「係咪攝影師用咗廣角鏡企得太埋影」、「Wide鏡都會有依d效果」

而 DaDa 本人睇到啲留言，都忍唔住都為自己平反指自己絕冇P圖：「睇完大家啲留言我都覺得好好笑...不過邊有人會P長自己隻手......真係影出嚟係咁，我懷疑我係一路郁住影所以先會咁。」佢咁講又冇錯喎，方會有人 P 圖係 P 自己隻手嘅呢？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

張柏芝《乘風破浪的姐姐》未修圖片流出　水蛇腰和筷子腿全靠P　網民力撐：41歲生三胎算係咁啦！

16 Feb 2021

大陸綜藝選秀節目《乘風破浪的姐姐2》正在熱播，節目中請嚟唔少 30 歲以上女藝人出演，其中包括港人熟悉嘅容祖兒同張柏芝。而張柏芝雖然已經有 3 個小朋友，仍擁有凍齡美貌和火辣身材，但喺最新一集中，佢喺展現唱跳一面時，就有網友發現佢嘅宣傳照同節目上嘅身材有差距，水蛇腰和筷子腿都係靠P圖引起熱議。

張柏芝繼之前被指唔專業，甩 beat、唔夠氣唱歌、舞姿極僵硬以及表演時不停咁笑後，最近就被網友發現腋下出現鬆弛膩肉同白滑筷子腿，都係全靠P圖。

在節目嘅宣傳相中，四肢纖細栢芝擁有水蛇腰、白滑筷子腿、皮膚白皙緊緻仲有張精緻鵝蛋臉添！同佢平日喺社交網站同大家 share 嘅差唔多。

但喺在節目播出時，栢芝真身卻是寬肩粗腰，有粗壯蘿蔔腿，同宣傳相相比感覺仲好似矮咗幾吋咁，身材似乎真係有啲差距喎。

Photo from 微博

不過雖然網友都大為震驚，但亦力挺指佢已係 3 個孩子之母，和同齡女星相比，這樣已經算保養得唔錯，認為大家唔好太過吹毛求疵。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）