張繼聰減磅撞樣木村拓哉!有網民不滿留言指越嚟越反感 張繼聰高EQ回覆獲激讚

張繼聰減磅撞樣木村拓哉!有網民不滿留言指越嚟越反感 張繼聰高EQ回覆獲激讚

娛樂新聞
By Jennifer on 03 Mar 2021
Digital Editor

張繼聰減磅後激似日本男星木村拓哉,有部分自拍更連朋友都差啲認錯,有網民對此感到不滿,更專登留言指對張繼聰指越嚟越反感!張繼聰唔嬲不但只更勁高EQ回覆獲網友大讚!

張繼聰減磅後激似日本男星木村拓哉,有部分自拍更幾可亂真Photo from 張繼聰Facebook

張繼聰轉咗髮型之後越嚟越似木村拓哉,有好多網友更封佢為港版木村。佢喺網上post出嘅自拍有啲角度真係激似木村,戴上口罩連阿佘都留言話佢似!

張繼聰轉咗髮型之後越嚟越似木村拓哉Photo from 張繼聰Facebook

戴上口罩連阿佘都留言話佢似!Photo from 張繼聰IG

雖然張繼聰無自稱過似木村,不過估唔到都引起部分網民嘅不滿,有網友喺佢嘅自拍下留言:「唔知你係真傻定假痴,定係真係好鍾意木村,定可能你做自己唔係『參考』木村,真心對你越嚟越反感 利申:唔係fans同anti fans」

雖然張繼聰無自稱過似木村,不過估唔到都引起網民嘅不滿Photo from 張繼聰Facebook

張繼聰無嬲不但止,更親自回覆呢位網民,佢指自己的確好中意木村:「多謝你嘅坦白,我係好鍾意木村,不過亦都係做緊自己。你覺得我做咗d咩令你反感?其實就算我係點,都會有人喜歡或者唔喜歡。」

張繼聰親自回覆網民,佢指自己的確好中意木村:「多謝你嘅坦白,我係好鍾意木村,不過亦都係做緊自己。你覺得我做咗d咩令你反感?其實就算我係點,都會有人喜歡或者唔喜歡。」Photo from 張繼聰Facebook

張繼聰表示:「選擇過自己喜歡嘅生活,做一個喜歡嘅自己。喺自己嘅Page 分享吓生活,好閒啫,好多人覺得我係點都好,我都人到中年咯,唔理㗎啦!Peace」

張繼聰表示:「選擇過自己喜歡嘅生活,做一個喜歡嘅自己。喺自己嘅Page 分享吓生活,好閒啫,好多人覺得我係點都好,我都人到中年咯,唔理㗎啦!Peace」Photo from 張繼聰Facebook

張繼聰FacebookPhoto from 張繼聰Facebook

唔少網友都大讚張繼聰勁高EQ,話佢回應得相當得體。

唔少網友都大讚張繼聰勁高EQPhoto from 張繼聰Facebook

其實之前有網民質疑囡囡3歲仲食奶嘴,直指「怪獸就是這樣養成的」,而張繼聰亦有耐心回覆指每個家長都有唔同嘅方法。

之前有網民質疑囡囡3歲仲食奶嘴,張繼聰都有耐心回覆Photo from 張繼聰IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

張繼聰被網民質疑囡囡3歲仲食奶嘴 留言護女:無謂對啲小朋友太harsh

12 Aug 2020

張繼聰謝安琪女兒張靖(Karina)今年3歲,全家都好愛錫孻女。近日張繼聰喺IG分享囡囡照片,有網民質疑Karina 3歲仲食奶嘴,張繼聰留言護女,並與網友分享教育方法。

張繼聰同謝安琪育有一子一女,其中女兒張靖(Karina)今年3歲,爸媽哥哥錫到濃,張繼聰亦不時喺IG分享同「前世情人」約會嘅相。

張繼聰同謝安琪育有一子一女,其中女兒張靖(Karina)今年3歲

張靖(Karina)今年3歲,爸媽哥哥錫到濃

張繼聰不時喺IG分享同「前世情人」約會嘅相

佢琴日再post出囡囡照片:「今朝,你話約咗人去公園,唔得閒陪我睇PJ Masks😂😂😂」

張繼聰post出囡囡照片:「今朝,你話約咗人去公園,唔得閒陪我睇PJ Masks😂😂😂」

廣告
廣告

不過就有網民錯重點,質疑Karina已經3歲仲食緊奶嘴。張繼聰留言表達自己睇法:「大人有d嘢一世都戒唔到🤷🏻‍♂️ 無謂對啲小朋友太harsh👍🏼」

有網民質疑Karina已經3歲仲食緊奶嘴。張繼聰留言表達自己睇法

有網民唔同意並指「怪獸就是這樣養成的」。

張繼聰都耐心回覆:「朋友,奶嘴啫,唔需要咁嘅👍🏼教導小朋友唔係一件容易嘅事,做父母都係邊學邊做,而且每個家長都有唔同嘅方法,因為每個小朋友都係獨一無二❤️ 亦唔能夠一把尺套係唔同嘅事情上 。大家分享吓,peace 🤘🏼」

張繼聰耐心回覆指每個家長都有唔同嘅教育方法,唔能夠一把尺套喺唔同嘅事情上

佢又分享自己嘅育兒心得,指當年仔仔張瞻戒奶嘴時同佢講:「你放心食,食到幾多歲都得,不過將來有女朋友,你諗吓會唔會影響大家嘅感情」無幾耐就成功戒咗。

面對網民話Karina懂事後,或會怪父母唔教導佢令佢喺同學面前出醜,張繼聰表示:「我會引導自己嘅小朋友,擁有一顆強大嘅心,可以專心做好自己,同時可以包容同尊重別人」

張繼聰表示:「我會引導自己嘅小朋友,擁有一顆強大嘅心,可以專心做好自己,同時可以包容同尊重別人」

圖片來源:張繼聰IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

張繼聰加盟成古天樂旗下藝人!未來集中於電影方面發展

3 Aug 2020

張繼聰參演唔少電視劇、電影,不過原為蕭定一旗下藝人嘅佢最近無再亮相TVB。張繼聰約滿後加盟成古天樂公司所屬藝人,佢曾表示非常欣賞古天樂,未來會集中喺電影方面發展。

張繼聰雖然係歌手出身,但喺7年前加入無綫拍劇,出演過多套電影劇,更於《萬千星輝頒獎禮2014》奪得「飛躍進步男藝員」。

張繼聰雖然係歌手出身,但喺7年前加入無綫拍劇,出演過多套電影劇Photo from 張繼聰Ig

近年佢簽約蕭定一旗下,不過蕭定一同TVB關於《十月初五的月光》電影版超時補水官司嘅不因,有指蕭定一旗下所屬藝人一律不得出演無綫節目、劇集。

包括張繼聰,台慶劇《誇世代》更成為佢於電視上嘅告別作品,之後佢就轉去影壇發展。

台慶劇《誇世代》成為張繼聰於電視上嘅告別作品Photo from 張繼聰Ig

據知佢7月已約滿蕭定一公司,現時簽約成為古天樂旗下藝人!佢同古天樂合作過,更多次表示好欣賞對方。

張繼聰7月已約滿蕭定一公司,現時簽約成為古天樂旗下藝人Photo from 張繼聰Ig

張繼聰指未來會集中發展電影方面,但亦唔排除會重返TVB拍劇,視乎公司安排。

張繼聰指未來會集中發展電影方面Photo from 張繼聰Ig

阿Kay謝安琪之前都有同古天樂合作出歌。喺樂壇上古仔同阿Kay合作、喺影壇同阿聰合作,兩夫婦都同古仔合作無間~

樂壇上古仔同阿Kay合作、喺影壇同阿聰合作,兩夫婦都同古仔合作無間~Photo from 張繼聰Ig

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel