渡邊直美移居美國發展　曾經好瘦但自卑，毋懼素顏示人！5個人生觀令其以棉花糖女孩為傲

要提日本搞笑藝人又點可以冇渡邊直美喇！早前渡邊直美就宣布正式從日本綜藝界畢業，逐步結束喺日本嘅恆常工作，4 月時佢就會移居美國發展，不過佢就講明唔會完全離開日本演藝圈，事件令人震驚。

今年 33 歲嘅台日混血兒渡邊直美只係喺 IG 就有近千萬人 follow，佢除咗 IG 女王外，仲喺廣告界嘅寵兒同唔少綜藝節目嘅常駐嘉賓嚟，早佢亦有同北川景子合作拍電視劇《約定的夢幻島》同喺電影《反轉三國志》中扮貂蟬。

其實渡邊直美喺 2014 年時曾到美國短期留學3個月，2019 年更喺當地置業，睇嚟一早已經有去美國發展嘅打算，而佢本來係打算日本與美國兩邊走，但受疫情影響覺得兩邊走唔太合適，因此忍痛決定暫停日本嘅工作，將重心移到美國。

要成為人氣嘅搞笑藝人一啲都唔易，渡邊直美向來以誇張時尚嘅打扮為人熟悉，去年佢更神還原 Lady Gaga MV《Rain on me》嘅造型，仲扮得似模似樣添。

但大家又有冇諗過佢以前原來係一個自卑嘅女孩呢？原來渡邊直美以前好纖瘦，直到中學時期開始變肥，更因此成為同學欺凌嘅對象，當時同學們嘅惡意言論令佢感到很自卑，甚至產生自殺念頭。

幸好喺好友嘅提議下，佢將從小就嚮往成為藝能人嘅夢想成為目標，並且堅持 5 大人生觀更令佢以棉花糖女孩為傲。

5 大人生觀：
1. 忠於自己
渡邊直美無論幾多人攻擊佢嘅身型，佢毫不在乎咁展現出真性情：「想吃就吃，想笑就笑。我會抽煙，也會說黃色笑話。」

2. 笑是最大嘅力量
渡邊從來唔不介意扮醜或公開自己嘅生活，佢更希望可以藉此令觀眾發笑，因為咁佢都可以感覺到幸福。

3. 接受唔完美
渡邊直美明白任何事都唔可能完美，包括佢自己。就好似唔擅日語令佢曾經經常覺得自己咩都唔識，自信心大受打擊，但曾經有人同佢講：「每個人擅長的領域本來就不同，與其在意缺點，不如磨練長處。」而依句話更成為咗佢嘅座右銘。

4. 尋找自己嘅價值
渡邊直美小時候冇自信，但佢從小就嚮往成為搞笑藝人，因此下苦功學日語，努力研究搞笑綜藝並建立自己嘅形象。

5. 凡事都在一念之間
渡邊直美學生時期曾因被同學欺凌而想過自殺，幸好當時嘅一個轉念令她醒覺：「保持冷靜而且要愛自己，不然有誰還會愛你呢？」

預祝渡邊直美去美國發展順利！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

渡邊直美飾演絕世美人貂蟬！日本電影《新解釋·三國志》 橋本環奈/賀來賢人參演

03 Aug 2020

《銀魂》導演福田雄一自編自導喜劇電影《新解釋·三國志》公開演員名單，其中渡邊直美飾演絕世美人貂蟬！其他演員陣容超豪華，包括有橋本環奈、賀來賢人、成田優等參演。

日本導演福田雄一曾導演《銀魂》、《聖哥傳》等電影，絕對係爆笑電影嘅保證！

Photo from 《新解釋·三國志》

今次佢挑戰《三國志》，並決定要用全新角度、風格詮釋《三國志》，電影《新解釋·三國志》就係佢嘅最新作品喇！

參演演員陣容超豪華，包括有大泉洋飾演劉備、成田優飾演呂布、賀來賢人飾演周瑜、岡田健史飾演孫權等。

Photo from 《新解釋·三國志》

Photo from 《新解釋·三國志》

Photo from 《新解釋·三國志》

女角色有橋本環奈飾演諸葛亮妻子黃夫人，雖然歷史上指黃夫人其貌不揚，但橋本環奈嘅造型超美～

Photo from 《新解釋·三國志》

至於絕世美人貂蟬就搵嚟「重量級人馬」渡邊直美飾演！選角超有突破！不過就有網民表示非常重口味。

Photo from 《新解釋·三國志》

電影將於12月11日於日本上映，唔知到時香港會唔會上映呢？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）