王菲14歲女兒李嫣疑紋身曝光遭抨擊！被指蒲夜店/亂洗錢，多次無奈澄清終清空IG以8字回應網民

天后王菲女兒竇靖童、李嫣嘅一舉一動都極受外界關注，而細女李嫣最近疑曝光背部紋身被狠批未成年就紋身，李嫣無奈下唯有喺IG Story澄清真相。

身為王菲同李亞鵬女兒，李嫣雖然年僅14歲，但無論做咩都好易成為大眾焦點。

佢日前更新IG icon，露出背部，有疑似黑色小貓紋身，即引嚟唔少網民抨擊，狠批佢未成年就紋身。

Photo from 李嫣IG

李嫣見輿論越演越烈，喺IG Story無奈澄清：「…OK…its called a tattoo sticker…」指出只係紋身貼紙。

Photo from 李嫣IG

其實李嫣唔止一次被外界批評，佢曾經公開過一張與同學合照，只因拍攝地點燈光比較暗，佢打扮成熟化咗妝，於是被質疑小小年紀就落夜店蒲。

Photo from 李嫣IG

李嫣事後即刻連up兩次Story指：「學校晚會而已」、「學校辦的慈善派對就成夜店了？」

Photo from 李嫣IG

作為星二代，佢試過因為著名牌而被批炫富，又有報道指佢2個鐘內洗咗10萬蚊，佢否認傳聞之餘，之後post相更會故意遮住名牌logo，避免被人話佢晒命。

Photo from 李嫣IG

屢屢被人批評到上熱搜，佢更試過公開表示希望新一年對佢好啲，唔好再上熱搜。上年年底，佢終於清空IG，僅以8字回應網民：「進來前請收起偏見」，可見做星二代真係唔容易。

Photo from 李嫣IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

王菲與前夫李亞鵬 15 年前娘爆婚照再被翻炒？低質/村姑look遭網民狂踩：太廉價了！

6 Jan 2021

現年51歲嘅天后王菲與第 2 任前夫李亞鵬於 2005 年結婚，可惜婚姻只維持至 2013 年，離婚後其女兒李嫣一直由李亞鵬照顧。而二人離婚後感情生活亦各有各精彩，王菲與舊愛謝霆鋒世紀復合，李亞鵬則與細 19 年嘅模特兒女友海哈金喜高調晒愛。但近日喺網上流出一系列由大陸知名博客長春國貿上傳王菲與李亞鵬當年嘅婚照，相中嘅「時尚」程度及相片質素並引起網民熱論。

依輯相由大陸一位化名為「長春國貿」嘅知名博客上傳，相中二人着上傳統中式裙褂，李亞鵬企喺王菲身後，上面更寫上「幸福」兩字。

而另一張西式婚照王菲就著上白色連身裙跟西裝骨骨嘅李亞鵬喺草地上笑得開心，畫面相當溫馨！

但依輯相就被一眾網民狂踩，直指王菲造型似村姑，娘味重，並質疑呢輯相片係「被經過處理」，似P圖多啲，事關向來擁有時尚觸覺嘅王菲係唔會影啲咁劣質嘅婚照！

有網友更超唔畀面咗形容依輯相「太廉價了」，無論化妝、拍攝技術以及效果等都唔可能同現代相比，完全襯唔起當年已經係大明星嘅王菲與李亞鵬身份呀。

以當年佢哋嘅身份同人氣又真係可以去外國照輯靚靚照照喎，咁到底依輯相又係邊到走出嚟嘅呢？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）