袁詠儀被網民爆搶購Hermès秘訣：需要配貨！家中款式袋量如珍藏庫

By Celia on 05 Mar 2021

Digital Editor

唔少人都知藝人袁詠儀（靚靚）鍾意 Hermès 依個品牌，之前張智霖亦曾自爆屋企有齊 Birkin、Kelly、Toolbox、Kelly Clutch、Lindy 款式，更有傳 Chilam 累積花咗超過 2000 萬買手袋寵妻，而靚靚屋企嘅手袋數量絕對可以形容為 Hermès 珍藏庫！

當大家都以為靚靚依個忠實粉絲早就應該係VVIP等級，想要咩款都冇難度時，大家就估錯晒喇！事關早前有大陸網友就爆料指以靚靚嘅級數，亦需要配合品牌嘅「配貨」規定。

該網友指自己喺朋友嘅生日會上遇到袁詠儀同張智霖大讚二人酒量好又友善，對於現場嘅簽名和合照要求來者不拒。但女生之間嘅話題又點少等手袋呢，當然要請教佢有關搶購 Hermès 嘅秘技喇！

該名網友指：「一直以為像她這樣的大咖，是不需要配貨的，原來！！！她也需要哈哈，這樣我就放心了。吃飯的時候跟她聊了很多愛馬仕的拿包小技巧，但是說實話，我最後總結了一下：那就是必須要有錢。哈哈哈。」

此外，佢仲透露，聚會當日靚靚用嘅就係擁有雙肩帶、可作背包使用嘅灰色 Kelly Ado，價值逾 10 萬港元。

到底咩係「配貨」？其實「配貨」係奢華品牌嘅「潛規則」嚟，雖然 Hermès 就曾經表示冇配貨規定，但唔少網紅都曾分享過自己經歷。

以品牌嘅三大代表：Birkin、Kelly 以及 Constance 系列手袋為例，唔同國家或地區對配貨率都有唔同方式，一般都係顧客須跟據比例進行「配貨」，才有機會買到心頭好的手袋，而「配貨」嘅比例大部分都係以 1：1、1：15 或 1：2 比例，意即如手袋嘅價值係 10 萬，咁你就要購買同手袋相同總值或以上嘅周邊商品，例如飾物、衣服等，先可以買到依個手袋。

就好似早前台灣 YouTuber 分享佢喺越南旅行時睇中咗一個價值約約6.5萬港元嘅 Hermès Kelly 25 嘅手袋，當時店員就直接表明「配貨率」係 1：3，即係佢要購買6.5萬嘅三倍價格嘅周邊商品，先可以買得心頭好。最後佢一共用咗 30 萬港元，當中包括逾 23 萬嘅銀包、插梢包，並獲送贈一個吊飾。

咁睇嚟，去年有傳袁詠儀喺大陸一完成酒店隔離，第一時間去 Hermès 專門店入貨，當時仲一口氣買入 6 個手袋同 16 件衣服一事，應該係「配貨」中。

睇到依到相信大家同小編諗嘅差唔多，冇咩事都係出去做嘢先喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

周嘉儀面型唔同晒疑P圖過度　晒逾40萬超豪行頭炫富？網友：不如改名叫「周身名牌」！

05 Mar 2021

前新聞主播女神之一嘅周嘉儀（Venus）自 2015 年最後一次主持《香港早晨》後便轉戰金融界，不時喺社交網豪晒名牌手袋及首飾，除咗被網友指佢炫富外，最近更有網友懷疑佢 P 圖過度呀!

Photo from 周嘉儀/IG

周嘉儀非常活躍於社交平台，IG 擁有逾 5 萬粉絲嘅佢除咗頻頻更新生活照，仲會不時分享個人穿搭，十足十 KOL 咁啊！

Photo from 周嘉儀/IG

而周嘉儀更愈做愈富貴，由本來住公屋搬到荃灣豪宅爵悅庭，喺社交平台中亦不時見佢大晒多個有錢都未必買到嘅 Hermès 手袋，再加上佢不時戴喺手上價值超過 20 萬嘅名牌手錶同總價值近 40 萬嘅 3 隻名牌手鈪，完全就好似闊太咁呀！難怪網友都忍唔住指佢炫富：「你不如唔好叫周嘉儀，改名叫『周身名牌』啦！」