download HolidaySmart 假期日常 app
「神算軒」王梓軒誤認馬蹄係肉 李丞責都忍唔住寸:原來你唔止計數叻仲係食神!

「神算軒」王梓軒誤認馬蹄係肉 李丞責都忍唔住寸:原來你唔止計數叻仲係食神!

生活熱話 娛樂新聞
By Celia on 05 Mar 2021
Digital Editor

一提王梓軒大家最印象深刻嘅一定係佢嘅「神算」事件,不過佢日前喺 TVB 玄學節目《天天開運王》中又再發功喇,但今次就唔係做神算,而係做食神,搞到李丞責師傅都忍唔住寸要佢呀!

王梓軒日前喺 TVB 玄學節目《天天開運王》中又再發功喇!

TVB 玄學節目《天天開運王》每集都會搵嚟唔同嘅玄學師傅同藝人齊齊邊食邊講解運程。而喺日前播出嘅一集就搵嚟糖妹同王梓軒做嘉賓,佢哋先請大廚以豬、牛、羊、雞、魚煮出八款菜式,喺等菜式止枱前佢哋仲提起王梓軒嘅「神算」事件,並指自己喺事件後就被被封為神算軒,就連唱歌、演戲都係做神算!

事件後就被被封為神算軒,就連唱歌、演戲都係做神算!

王梓軒嘅「神算」事件

但原來佢唔止計數叻,佢仲係食神嚟添!喺大廚上菜後,李丞責師傅就請嘉賓分別揀出兩款自己喜愛嘅菜式作占卜。王梓軒就揀咗馬蹄同埋青菜,但係佢就好認真咁話:「呢個應該係雞,呢個係青菜。」

原來佢唔止計數叻,佢仲係食神嚟添!

正喺人佢講完之後,幾位主持即時黑人問號,而李丞責師傅都忍唔住寸佢,話:「估唔到你除咗係神算之外,連飲食都有天份……呢個係馬蹄!」

幾位主持即時黑人問號

師傅都忍唔住呀

而其他人則笑到抽筋,糖妹更笑到傻咗!不過王梓軒就依然好淡定咁話自己同馬蹄有啲緣份。

糖妹更笑到傻咗!

其實馬蹄同其他嘢一齊炒過係會唔同咗色,但外形嚟睇好難會睇到係雞喎?!

其實馬蹄外形嚟睇好難會睇到係雞喎?

唔知之後王梓軒會唔會又多一個花名叫「食神軒」呢?

王梓軒睇嚟又多個新名喇!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

鄭俊弘何雁詩婚房曝光!娘家5000萬獨立屋裝修超豪 婚後鄭俊弘榮升6億駙馬

24 Feb 2021

鄭俊弘同何雁詩結婚後榮升做6億駙馬!早前李丞責上佢哋愛巢睇風水,令鄭氏夫婦位於大埔嘅婚房曝光!其實何雁詩爸爸身家估計最少有$6億,佢婚前住$5000萬獨立屋待嫁,家境富裕。

鄭俊弘同何雁詩結婚後榮升做6億駙馬Photo from 何雁詩IG

鄭俊弘同何雁詩上年11月結婚後經常夫妻檔出席活動,何雁詩爸爸喺內地有多間公司,喺香港持有3個價值超過$6,000萬物業,身家估計最少有$6億!雖然何雁詩稱唔清楚爸爸身家有幾多,但鄭俊弘仍被指榮升做6億駙馬!

鄭俊弘同何雁詩上年11月結婚後經常夫妻檔出席活動Photo from 何雁詩IG

睇返何雁詩結婚前就同父母住$5,000萬嘅獨立屋,過大禮嗰陣有公開到豪宅嘅部份裝修,唔止有超高樓底,水晶燈等裝飾都透露出屋主嘅家境優越。

何雁詩結婚前就同父母住$5,000萬嘅獨立屋Photo from 鄭俊弘IG

過大禮嗰陣有公開到豪宅嘅部份裝修,唔止有超高樓底Photo from 鄭俊弘IG

水晶燈等裝飾透露出屋主嘅家境優越。

何雁詩IGPhoto from 何雁詩IG

早前李丞責師傅上咗佢哋嘅新婚房睇風水,令鄭俊弘同何雁詩嘅愛巢曝光!

早前李丞責師傅上咗佢哋嘅新婚房睇風水,令鄭俊弘同何雁詩嘅愛巢曝光!Photo from 《天天開運王》

一入屋即刻見到佢哋夫妻嘅合照牆,成間屋以木色為主,走溫馨樸實路線。全屋共有3間睡房,除咗主人房之外,兩公婆更將一間客房改為音樂房。

一入屋即刻見到佢哋夫妻嘅合照牆Photo from 《天天開運王》

成間屋以木色為主,走溫馨樸實路線Photo from 《天天開運王》

《天天開運王》Photo from 《天天開運王》

鄭俊弘何雁詩夫婦都係歌手,音樂房畀佢哋錄音、作曲、寫歌、彈奏樂器等等。

鄭俊弘何雁詩夫婦將一間客房改為音樂房。Photo from 《天天開運王》

婚房裝修別緻,同何雁詩娘家裝修風格唔同,婚前何雁詩就提到大部分婚禮開支都係兩夫婦自己畀,但承認爸爸有幫手,唔知女兒買婚房,何爸爸有無出手幫忙呢?

婚房裝修別緻,同何雁詩娘家裝修風格唔同Photo from 《天天開運王》

鄭俊弘何雁詩愛巢廚房Photo from 《天天開運王》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel