日本模特兒童年父母破產退學養家月賺80萬花1500萬整容成KOL

時事熱話

By Jennifer on 05 Mar 2021

Digital Editor

日本雜誌模特兒黑崎みさ（Misa）最近上節目分享佢個人經歷，自幼家境富裕嘅佢因為父母破產家道中落要佢退學還債，佢努力工作，決心賺錢更花1500萬整容，終成為KOL。

Photo from 黒崎みさIG

黑崎みさ（Misa）現年25歲，佢細個都係一名千金小姐，爸爸係3、4間陪酒女酒吧老闆，身家豐厚。

Photo from 黒崎みさIG

但到Misa 13歲嗰年，爸爸宣佈破產，欠下巨額債務，當時無力償還欠債嘅父母更打算全家自盡！而父親之後仲人間蒸發，將巨債留畀Misa同媽媽。

Photo from 黒崎みさIG

為還債，Misa唯有退學兼職做超市收銀員賺錢養家，不過微薄嘅人工喺巨額債務面前只係杯水車薪，直到Misa 16歲嗰年佢去女高中生主題嘅JK Café工作，每日返工10個鐘，一個月賺因80萬円（約港幣$5.8萬）。

Photo from 黒崎みさIG

賺到錢後Misa做嘅第一件事就係整容！原來Misa從小就非常貪靚，會化妝、戴「大眼仔」等，但男朋友貶低佢嘅外貌令Misa一直對自己個樣耿耿於懷。

Photo from 《じっくり聞いタロウ》

Misa男友仲試過將佢嘅相放上網「公審」，被唔少網友惡評攻擊令佢對自己無晒自信，雖然Misa本來都幾可愛，外貌一啲都唔差，但佢仍決定要整容。

Photo from 《じっくり聞いタロウ》

Misa第一項整容就係打玻尿酸，之後陸續做過削骨手術、先後3次墊鼻，直至現時佢共花1500萬円（約港幣$109萬）喺整容上。

Photo from 黒崎みさYoutube

整容之後佢去過唔同酒吧做陪酒女，更成為酒吧嘅「王牌」！對Misa嚟講，呢份工可以搵好多錢，而且因為佢爸爸係陪酒女酒吧老闆，做陪酒女就好似繼承爸爸事業咁。

Photo from 黒崎みさIG

依家佢因為疫情暫時無再做陪酒女工作，但作為KOL嘅佢喺IG都有成13.8萬followers，更加係《小惡魔ageha》雜誌嘅模特兒！

Photo from 黒崎みさIG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

Netflix《璀璨帝國》Christine Chiu淡妝清秀look舊相被翻出　網民：依家似整容失敗，之前靚勁多！

2 Feb 2021

Netflix 亞洲富豪炫富真人秀《璀璨帝國》 (Bling Empire)自開播以嚟一直人氣極高，而節目中嘅幾位富豪名媛更成為話題人物，就好似近日台裔貴婦 Christine Chiu 就因為喺節目中嘅濃妝及生硬嘅表情被網民指整容過度，更有人喺其 IG 翻出佢未改造前嘅舊相，其淡妝嘅清秀五官截然不同。

台裔貴婦 Christine Chiu 出生於台灣，後嚟移居美國，畢業於佩柏戴恩大學（Pepperdine University），23 歲時嫁畀 Gabriel Chiu，其丈夫 Gabriel 宋朝皇帝嘅第 24 代後人，來頭相當顯赫，Christine 曾喺節目中提過如果皇帝制度仲存在嘅話，Gabriel 就會係皇位繼承人，而佢哋個仔就會係小太子。現時 Gabriel 係一名著名嘅整形外科醫生，二人喺美國比華利山開設咗一間整型外科診所，專為荷李活明星、名人等提供整形服務。

喺節目中 Christine 不時同軍火商後裔 Anna Shay 上演勾心鬥角嘅情節，更係令觀眾睇得過隱。Christine 喺節目中除咗炫富同 Anna 鬥之外，可仲不時會搞 Party 如：為新年 Party 而封咗比華利山成條羅迪歐大道（Rodeo Drive）、為兒子搞百萬生日宴以及喺自己診所有搞肉毒桿菌 Party 等等，大晒紙醉金迷嘅奢華日常。

不過講到肉毒桿菌 Party，最近就有網友喺 Christine 嘅 IG 中翻出其天然舊照，發現過去佢嘅五官清秀充滿氣質，比起現依家揮霍奢華，浮誇打扮更靚。

相片中嘅 Christine 身形較為豐滿，帶少少baby fat，加上化上淡妝嘅清秀五官同依家身型瘦削至五官凹陷配上歐美大濃妝相比，截然不同。

而唔少網友就認為整容前嘅 Christine 更靚，根本冇整容嘅需要。

不過每個人嘅審美觀都唔一樣，當事人覺得好睇先喺最重要嘅！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

韓國網紅整容成「朴寶劍」被網民鬧爆　自爆朴寶劍本尊回應

8 Dec 2020

韓國網紅金敏瑞（민서공이）因為將自己整容整成韓國人氣男星朴寶劍而成為網絡紅人，飽受爭議，最近佢喺自己嘅 YouTube 頻道拍片畀朴寶劍以示感謝，仲自爆朴寶劍本尊對呢件事嘅回應。

韓國網紅金敏瑞（민서공이）曾經因為社交網上嘅自拍照神似韓國人氣男星朴寶劍而登上韓國綜藝節目《隨便問甚麼》，不過當真身出現時就被網民指「貨不對版」，連節目主持人都話真人並唔似，金敏瑞直言自己亦冇話過自己似朴寶劍，係其他人話佢似，令佢覺得好苦惱。節目播出後網民隨即喺佢社交平台留言批評佢。

Photo from 《무엇이든 물어보살》

Photo from kms02.02@IG

Photo from Blossom Entertainment

然而，金敏瑞之後竟然整容，做咗鼻及眼嘅手術後更加神似朴寶劍，佢亦曾經透露過自己嘅身高體重，竟然同朴寶劍一模一樣，更有網民指佢連說話嘅語氣都好似模仿緊朴寶劍咁，令網民更加懷疑佢根本就係想繼續扮朴寶劍。

Photo from kms02.02@IG

最近金敏瑞突然喺自己嘅 YouTube 頻道拍片畀朴寶劍多謝佢，表示想將感謝嘅心意傳遞畀朴寶劍，不過自己冇能力做到，所以唯有拍片多謝佢。金敏瑞喺影片中提及同自己感情好好嘅一個姐姐嘅男性朋友依家同朴寶劍喺同一隊軍隊中服兵役，呢位男性朋友曾經問過朴寶劍覺得金敏瑞點樣，朴寶劍表示好多謝佢（咁鍾意自己）。金敏瑞知道後覺得好感動，於是就決定拍片多謝朴寶劍，仲表示希望朴寶劍好好完成兵役，回歸幕前。