葉翠翠公開連講3次失望原因！大鬧朋友連奶粉錢都呃勁虛偽

港姐冠軍葉翠翠早前喺網上發文連續講咗3次「失望」，令網友擔心佢婚姻係咪出現問題。而葉翠翠亦正式回應事件，鬧爆朋友連奶粉錢都呃。

Photo from 葉翠翠Facebook

葉翠翠喺Facebook發文慨嘆：「呢幾日好失望。。。好失望。。。失望的感覺好可怕。。我為咗呢個家真係傾盡所有，毫無保留。每次想起兩個仔，佢哋真係好錫我，最愛係媽mi ，做乜都要預我一份。呢幾日我都陪佢哋瞓，佢哋一瞓醒就見到我真係好開心，即刻要同我面貼面咁。」有網友擔心佢婚姻現暗湧。

Photo from 葉翠翠IG

Photo from 葉翠翠IG

過咗兩日，葉翠翠喺IG回應事件，解釋同老公無關：「真係估唔到，簡單一句”好失望” 會另大家諗咁多嘢，在淡淡的湖水泛起了漣漪，其實當日係關於工作，唔明點解有人可以連奶粉錢都要呃，扮同你做朋友其實係有目的，對呢個人好失望。。唔多講了，一言難盡。」

Photo from 葉翠翠IG

佢又表示老公減肥失敗：「半夜食雪條食薯片飲汽水，又懶唔做運動，佢話係幸福肥喎，真係想一錘打扁佢肚腩，係絕望，唔係失望」仲話老公令佢教人減肥嘅說服力變到好低。

Photo from 葉翠翠IG

葉翠翠之後再晒老公湊仔自拍，指老公放工返屋企即刻食雪條，仲要一日食4條：「決定今日開始練習還原靚靚拳，一拳打扁佢個肚腩」夫婦相處溫馨又甜蜜，感情好好！

Photo from 葉翠翠IG

Photo from 葉翠翠IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

葉翠翠婚姻疑有暗湧？Facebook發文連講3次好失望！港姐冠軍轉做KOL月賺近百萬

2 Mar 2021

港姐冠軍葉翠翠自轉型做KOL後月入達幾十萬，更同老公買入3,000呎獨立屋，一家五口非常溫馨，但最近佢喺Facebook發文稱好失望，有網民擔心佢可能與老公有拗撬。

Photo from 葉翠翠Facebook

葉翠翠2005年參選香港小姐奪得冠軍後入行，不過佢參演多部電視劇未曾擔任女主角，直到2017年佢與TVB結束合約，正式離巢。

Photo from 葉翠翠Facebook

2015年佢與拍拖僅半年嘅建築師男友周曉東（Raymond）閃婚，對方曾經結婚，並與前妻育有一女。

Photo from 葉翠翠Facebook

結婚兩年，葉翠翠誕下一子，之後喺2018年、2020年再生下兩名兒子，一家五口幸福洋溢。生咗小朋友後葉翠翠經常喺網上分享仔仔嘅日常，佢開始轉型做KOL，呢兩年發展得非常成功，喺Facebook有近30萬fans。

Photo from 葉翠翠Facebook

據知做KOL佢月賺近百萬，一家五口更搬入3,000呎獨立屋，家中仲有私人花園，相當豪華，葉翠翠亦唔介意喺網上分享與仔仔們相處嘅趣事、同老公大晒恩愛。

Photo from 葉翠翠Facebook

Photo from 葉翠翠Facebook

Photo from 葉翠翠Facebook

Photo from 葉翠翠Facebook

Photo from 葉翠翠Facebook

不過近日葉翠翠喺Facebook留言慨嘆，連續講咗3次「失望」：「呢幾日好失望。。。好失望。。。失望的感覺好可怕。。」佢指自己為咗呢個家傾盡所有，毫無保留：「每次想起兩個仔，佢哋真係好錫我，最愛係媽mi ，做乜都要預我一份。呢幾日我都陪佢哋瞓，佢哋一瞓醒就見到我真係好開心，即刻要同我面貼面咁。」

Photo from 葉翠翠Facebook

Photo from 葉翠翠Facebook

有網友留言稱：「講到咁甜還失望？？？」但葉翠翠回：「一言難盡」，亦有網民問佢係咪老公有爭執，但葉翠翠無回到。

Photo from 葉翠翠Facebook

網民以自己經歷為佢打氣，建議佢可以做下運動，抖下令個心平靜落嚟，不過葉翠翠就指自己已經抖左足足3日先出呢個post。

Photo from 葉翠翠Facebook

葉翠翠曾經讚過老公一直係個簡單、善良嘅人：「凡事都不會計算/計較，這也是6年前揀佢嘅原因。」

Photo from 葉翠翠Facebook

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）