江嘉敏遭疑似前fans力數N宗罪！EQ低/態度差/雙面人/?着數/當fans下人江嘉敏反斥對方係假fans

娛樂新聞

By Jennifer on 08 Mar 2021

Digital Editor

江嘉敏近日再惹是非！喺連登討論區有自稱曾係江嘉敏fans網友爆料，叫對方檢討下點解會有咁多粉絲流失，更公開對話截圖，力斥佢「EQ又低又串串貢又貪心」。

Photo from 江嘉敏IG

網友喺連登開post「入咗FANSCLUB先知江嘉敏係有幾黑暗」，直指江嘉敏最大嘅問題係在於從來唔覺得自己有問題，又表示佢「次次有咩事都剩係識不斷為自己辯駁，將責任推向人地度，有無限嘅藉口不斷死雞撐飯蓋。」

Photo from 連登

Photo from 江嘉敏IG

樓主力數對方EQ低、串串貢、貪心、態度差過好多輩份比佢高嘅人、?Sponsor、去到邊都想攞人著數、叫人幫手買嘢但無還返錢。

Photo from 江嘉敏IG

自稱係前fans嘅樓主仲公開咗一啲對話截圖，相信係江嘉敏fansclub嘅群，一共有303人，其中有人代表江嘉敏問fansclub成員有無人做氣球生意，當時無人回覆，兩日後該代表再之追問仍未有fans回應，樓主指當時近江嘉敏生日。

Photo from 連登

樓主又稱江嘉敏當fans係下人，與fans見面時完全唔幫手set場，走嗰陣唔同fans講bye bye，樓主指對方話送英國手信畀fans，但啲手信擺咗一年先送，又唔係親手畀，而係叫Fansclub其他人幫佢畀：「真係有心送嘅話會唔會係咁。」

Photo from 江嘉敏IG

樓主之後仲公開咗微信截圖，指江嘉敏「恃住自己識其他明星嘅FANS就托人地買野，但幫佢買完又唔講幾時交收」，對話截圖中有其他明星嘅台灣fans話買三文治送去畀江嘉敏食，江嘉敏表示可能要買兩盒同揀咗唔同味，但約佢交收時江嘉敏就無回應，班機提早咗又無講到，結果fans要跟個會長搭的士過去畀佢。

Photo from 連登

有網友加入爆料指早兩年賣衫時遇過江嘉敏，對方試過?Sponsor，又表示江嘉敏人前笑晒口，背後又唔同樣，力斥佢係雙面人，樓主回覆指「係架，叫佢注意下態度同語氣又話自己性格係咁改唔到」

Photo from 江嘉敏IG

對於疑似係前fans嘅指控，江嘉敏反指對方唔係佢嘅真fans：「佢真係唔了解我」，又指對方所言係完全作出嚟，扮係佢fans。江嘉敏表示當時係台灣拍戲有fans探班，出於好意買好多嘢畀全部劇組人員食，唔止佢一個。至於被指?Sponsor、攞著數，江嘉敏亦否認，指佢嘅工作需要唔會叫fans做，而係會交返畀公司處理。

Photo from 江嘉敏IG

江嘉敏表示呢排好多假ac造遙抹黑，佢封鎖、刪除咗成2,000幾個帳戶。而連登post樓主則表示：「自稱前粉絲就係假，咁我點會擁有來自你FANSCLUB嘅對話CAP圖」

Photo from 連登

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

江嘉敏開網店被質疑 IG 長文澄清：我們的 IG shop 不是用來賺錢！

29 Jan 2021

早前江嘉敏開咗個 IG Shop 義賣衣物、護膚品及化妝品等物品，不過就被網民質疑，對此江嘉敏日前喺 IG 發長文，激動澄清。

江嘉敏早前開咗個網店「Buy From Kaman」用於義賣二手衣物、化妝品及護膚品等物品，亦有朋友嘅物品，而全部物品都係無底價俾大家競投。目前網店上義賣物品唔多，只有一啲化妝品、護膚品及兩件毛衣。

Photo from kaman_kong@IG

Photo from buyfromkaman@IG

網民競投嘅價錢都唔高，都係幾十蚊至百幾蚊不等，不過有一件毛衣就有網民以 $450 競投，有網民就留言「呢個價錢點解唔直接去買件新?」。

Photo from buyfromkaman@IG

對於江嘉敏開網店，有網民就質疑呢啲物品係公關贈品，而且唔知道得到嘅金錢會用作咩用途。對此，江嘉敏日前就喺 IG 發長文激動澄清：「大家好，我是江嘉敏！鑒於最近有人惡意抹黑和中傷，我覺得有必要解釋清楚！第一，我並沒有低調開 IG shop，為了開這個 IG shop，我做了幾天 live，share 過很多 Stories，一點也沒有低調！第二，有看過 live 和 Story 的人也知道，我開 IG shop 的本意是因為我們平時買了很多衣物，化妝品和護膚品，還有很多痛錫我們的客戶送的很多禮物，在我們日常生活中，很多物品用過一兩次根本用不到，我們亦有嘗試過把物品捐贈，但奈何有時捐贈條件不符合，把物品原封不動放在家裏實在是太浪費，所以才有開 IG shop 的念頭。第三，我們 IG shop 是無底價競投的，而且我在 live 和 Stories 亦無數次提及過我們的收入會捐贈給有需要的機構和有需要的人，亦有公開討論究竟捐給什麼機構和人才是最好的。第四，其實有很多人也有做類似的，只是他們會租一個地方，可能在假期的時候把物品拿出來賣。我們做的也一樣，只是寄賣物品方式不同。我希望大家再作出任何評論前，可以親身了解清楚我們的原意。我們的 IG shop 是環保慈善用途的，不是用來賺錢！我們希望可以提點大家，我們要買需要的而不是想要的！所有 live 片段保存在 IGTV，大家可以一五一十看清楚聽清楚！我在這裏嚴重抨擊那些惡意中傷我的人！請不要再做這些無謂的攻擊和無聊新聞了！謝謝！歡迎大家 follow 我的 IG shop，亦歡迎大家一起支持環保，有什麼物品用不了的也可以捐贈給我們呀！??我們小助理的 Logo 設計很有意思，細心一看會看到有幾個環保的小袋子在我心愛的 Snoopy 附近，很符合我們的原意呢！❤️」